Australiamiut
Amerikamiullu ingerlatseqatigiiffiata Critical Metals Corp nalunaarutigaa
Australiamiut ingerlatseqatigiiffia Tanbreez pisiariniarlugu, taamaalillunilu
saffiugassanik qaqutigoortunik piiaanissamut akuersissuteqalerluni,
Sermitsiamut oqaluttuarluni, aatsitassarsiornermik ingerlatseqatigiiffittut
saffiugassat qaqutigoortut aallaavigalugit siuttunngorniarluni.
”Ingerlatseqatigiiffik
New Yorkimi qullersaqarfeqarpoq Nasdaq-børsenimilu nalunaarsugaalluni.
Pisortaaneq siulittaasorlu Tony Sage Australiami Perthimi inissisimavoq,
ingerlatseqatigiiffilli aamma New Yorkimi siulersuisunut ilaasortamik
aallartitaqarpoq,” ingerlatseqatigiiffiup aaqqissugaanera pillugu
apeqqutitsinnut ingerlatseqatigiiffik akilluni allappoq.
Australiamiut
Amerikamiullu ingerlatseqatigiiffiata Critical Metals Corp nalunaarutigaa
Australiamiut ingerlatseqatigiiffia Tanbreez pisiariniarlugu, taamaalillunilu
saffiugassanik qaqutigoortunik piiaanissamut akuersissuteqalerluni,
Sermitsiamut oqaluttuarluni, aatsitassarsiornermik ingerlatseqatigiiffittut
saffiugassat qaqutigoortut aallaavigalugit siuttunngorniarluni.
”Ingerlatseqatigiiffik
New Yorkimi qullersaqarfeqarpoq Nasdaq-børsenimilu nalunaarsugaalluni.
Pisortaaneq siulittaasorlu Tony Sage Australiami Perthimi inissisimavoq,
ingerlatseqatigiiffilli aamma New Yorkimi siulersuisunut ilaasortamik
aallartitaqarpoq,” ingerlatseqatigiiffiup aaqqissugaanera pillugu
apeqqutitsinnut ingerlatseqatigiiffik akilluni allappoq.
Perthimit imminnut ilisarisimasut
Australiami
tusagassiorfinni assigiinngitsuni kiisalu Tony Sagep nammineq CV-anit
suliffeqarfiata Okewood Pty Ldt-p nittartagaani tamanit takuneqarsinnaasumi
allassimavoq 1997-imiilli Australiami aatsitassarsiornikkut suliaqartunut
ilaasimasoq. Immikkut sammisaraa suliniutinik pisiniarneq tuneqqillugillu,
soorlu Australiap avannamut kitaani Mount Anketellip eqqaani magnetitimik
suliniut, 2008-mi Kinami ingerlatseqatigiiffimmut Metallurgical Corporationimut
400 million dollarsilerlugu tunisani, nammineq qaammatit 18-it siusinnerusukkut
Australiamiut dollarsiannik 10 millionilerlugu pisiarereerlugu.
Tony Sage
kiisalu Critical Metals Corpimi aqutsisut ”aatsitassanik qaqutigoortunik
annertuumik misilittagaqarput, Tony Sagellu Greg Barnes maannakkorpiaq
Tanbreezip suliniutaanik piginnittoq ukiuni qulikkaani pingasungajanni ilisarisimavaa,
taamaalillunilu susoqarnersoq ilisimalersimallugu”, ingerlatseqatigiiffik
Sermitsiamut allappoq.
Pisortaaneq siulersisunilu siulittaasoq Tony Sage Antony Willliam Poul Sagemik kuissuteqartoq Sermitsiap Australiamit paasisai naapertorlugit inuussutissarsiornikkut ilisimaneqarluarpoq. Aatsitassanik suliniutit pisiaralugillu tunineranniit aamma Australiami arsaattartuni Perth Glorymi akuuvoq, arlaleriarlunilu akileraarutitigut akiliinnginniarnermi oqartussaasunit alaatsinaaffigineqartarsimalluni.
Critical Metals Corp
Kinamik isumalluuteqannginneq
Ingerlatseqatigiiffik
naapertorlugu Tanbreezip pisiarinerata kingunerissavaa Critical Metals Corpip
nunanut kitaanut aatsitassanik qaqutigoortunik pilersuisutut
siuttunngorsinnaanera, Kinap nunarsuarmi niuerfiup 90 procentia sinnerlugu
siuttuunerata nalaani.
”Suliffeqarfiup
takorluugaata ilagaa Critical Metals Corpip siunertaqarnera Kinamik
isumalluuteqarani aatsitassanik qaqutigoortunik pilersuisinnaanissap
anguniarnissaa”, ingerlatseqatigiiffik allappoq, Kalaallillu Nunaata kujataani
sumiiffimmi soqutigisaqartunik qanimut suleqateqarniarluni, qilanaarinerarpaalu
nunaqavissut oqaloqatigiuarlugit suliffissanik pilersitsinissaq.
”Pisiarinera
pereerpat naatsorsuutigaara siunissami ingerlatsinissamilu pilersaarutit
aralitsigut nutartersinnaanissaat”, ingerlatseqatigiiffik allappoq.
Okewood Pty
Ldt-p nittartagaani aamma allassimavoq Tony Sage ingerlatseqatigiiffinni
makkunani siulersuisuni aqutsisuniluunniit ilaasortaasoq: Cyclone Metals
Limited, CuFe Ltd, Critical Metals Corp aammalu European Lithium Limited.
Tamatuma saniatigut Sydafrikamit, Kinami, Asiap kangimut kujasissortaani,
Ruslandimi, Europami Afrikamilu sulinermik misilittagaqarpoq.
