Sodavandit
nutaat Brugsenimi tuniniagaalersut ateqarput Kuulavik aamma Kondivik, sapaatillu-akunnerata
siuliani marlunngornermi sodavandit annermik
eqqussaasimasut akornanni nassaassaalerlutik.
- Kuulaviup
Kondiviullu nioqqutissaalerneri nuannaarutigaavut. Maannamiit tunisassiatsinnut
Imivimmut puilasup ernganut
Uunartuarsummeersumit maqitaasumut ilapittuutaassasoq neriuutigaarput,
Greenland Water Bankimi pisortaq Jørgen Wæver Johansen oqarpoq.
Sodavandit
nutaat Brugsenimi tuniniagaalersut ateqarput Kuulavik aamma Kondivik, sapaatillu-akunnerata
siuliani marlunngornermi sodavandit annermik
eqqussaasimasut akornanni nassaassaalerlutik.
- Kuulaviup
Kondiviullu nioqqutissaalerneri nuannaarutigaavut. Maannamiit tunisassiatsinnut
Imivimmut puilasup ernganut
Uunartuarsummeersumit maqitaasumut ilapittuutaassasoq neriuutigaarput,
Greenland Water Bankimi pisortaq Jørgen Wæver Johansen oqarpoq.
Atuisut
Nuuk Imeq matummalli Nuuk Imermiit faxe kondi maqaasillugulu
eqqanaarsarnikuupput.
- Nuuk Imiup nunatta ernga atorlugu sodavandiliai
tamatta maqaasivagut, taamaammallu Uunartuarsummiit imeq mamarluinnartoq
atorlugu sodavandiliornissarput aalajangiupparput.
- Kalaallit
pisisartut sodavandit nutaat tigulluassagaat neriuutigaarput. Kalaallit
tunisassiaat amerlanerit pisiassaappata uagutsinnut ajunnginnerussaaq, Jørgen
Wæver Johansen, Brugsenip sodavandiliat Kuulavik Kondivillu tuniniarumammagit
nuannaartoq Kalaallit Nunaannilu niuertarfinnik allanik tuniniaanissamut
suleqalernissaminik aamma neriuuteqartoq, oqarpoq.
Qeqertarsuarmi maqinneqartassasut
Greenland Water Bank aammattaaq imermik puilasumeersumik
puujaasaaqqamiittumik Imivimmik taasaminnik tunisassiortarpoq. Ingerlatseqatigiiffik
Qeqertarsuarmi namminerisaminik tunisassiorfiliuleruttorpoq, tassanilu
tunisassiorfimmik pisisimagami maannamiit tunisassiatik imit sodavandillu
tamaasa najukkami maqittassavaat. Maannamut sodavandit nutaat imeq
Qeqertarsuarmeersoq atorlugu Danmarkimi maqitsittarpaat.
- Upernaaru aatsaat Qeqertarsuarmi
tunisassiornerulissagunarluta nassuerutigissavarput. Taamaammat utaqqiisaa
qillertuusanut maqitsinerit siulliit Danmarkimi suliaritissallugit
aalajangerpugut, taamaalillutalu imeq mamarluinnartoq Qeqertarsuarmeersoq
nassiuteriarlugu sodavandit nutaat Kuulavik aamma Kondivik mamamut
pitsaassutsimullu nutaamik malitassaalertussaasorisagut maqinneqartarput,
Jørgen Wæver Johansen oqarpoq.
- Pisisartut tunisassiat tigulluarpatigit soorunami
tunisassianik amerlanerusunik nunatsinni inerisaanissaassaagut, piumaguttami
immitsinnullu tapersersorutta nammineersinnaavugut, Jørgen Wæver Johansen
oqarpoq.
Imivik avammut tunisassiatut
Greenland Water Bankip Nuuk Imiup matuneraniit maannamut
puilasumiit imeq Nuuk Imiup puiaasaataanut maqitittarpaa. Imermik
puilasumeersumik suli tuniniaasarput Imivimmillu nunanut allanut
tuniniaalernissamut isumaqatigiissusiorniarlutik suliniuteqarput.
- Imivik siunissami Qeqertarsuarmi
maqinneqartassaaq, tunisassiorfiillu ukiamut piareersassavagut. Tunisassiorneq aasaru
aallartissinnaassasoq neriuutigaarput, Jørgen Wæver Johansen oqarpoq.
