KL

DK

Ileqquniit nutaanut: KNI-mi oqaluttuarisaanermut ukiu

Ukiunik 250-inik nalliuttorsiorneq, pisiniarfinni akiliisarfiit nutaat, peqquserluttoqarsimanerani eqqartuussivilersuussineq, ukioq 2024-imi pisimasut KNI-mi pisortaanerup kingumut qiviarpai, KNI-milu iluatsittut aamma eqqarsaatigalugit.

Ukioq manna sumi tamaaniissimavugut. Sumi tamani. Pisinianut akiliisarfiit nutaat ikkussoriartoratsigit. Aamma sulisut atortorissaarutinut nutaanut sungiusartariaqarsimavavut, tamannalu annertuumik suliassaasimavoq, tulluusimaarutigaaralu taamaaliorsinnaasimagatta, Jeppe Jensen oqaluttuarpoq nangillunilu:
Tôrtia Reimer-Johansen
Journalist
Offentliggjort

Ulitai, tii kaffilu allaffimmi juullerpalaartitsipput. Ullorissat igalaani nivingapput, iikkamilu inuit qungujulasut assii nivingasut takussaapput, taakku tassaapput sinerissami pisiniartartit, KNI-p assiliisartuata, Aqqalu Inuuteq Dahlip assilisai.

Pisortaanerup, Jeppe Jensenip Sermitsiaq tikilluaqquaa. Decembarip qaammataajuvoq issilluni. Ukiorlu naalersoq kingumut qivialaassallugu piareersimavoq.

Ukioq unamminarsimallunilu eqqaamasaqarnaqaaq.

- Isumaqarput ukioq manna pissanganarsimasoq. Sorpassuusimapput isumagisassat.

KNI 250-liilluni ukioq manna nalliuttorsiutigineqarpoq. Ulloq nalliuttorsiorfik sulisunut pisinianullu nunatsinni ataatsimoorfiusoq.

- Nalliuttorsiorneq uagutsinnut initusimavoq. Ukiummi 250-it amerlaqaat. Suliffeqarfinni pisoqaanersaat. Suliffeqarfinnik allanik ilisarisimasaqanngilanga taama pisoqaatigisunik.

- Oqaluttuarisaaneq kingumut qivianngitsoorsimasinnaasimanngilara, sunniuteqarfigisinnaallugu maniguunnaqaaq. Oqaluttuarisaanermut qiviaraanni KNI-p ukiuni amerlasuuni sunniuteqarluarsimanera alutorsaatigisaqaarput.

Nutaanngitsumiit nutaamut

Ukiumi nalliuttorsiorfiusumi aamma atortorissaarutit taarserneqarput; pisiniarfinni akiliisarfiit nutaarluinnaat, sumiiffinni assigiinngitsumi 64-ini ikkussuunniarneri ulapputaasimaqaaq:

- Ukioq manna sumi tamaaniissimavugut. Sumi tamani. Pisinianut akiliisarfiit nutaat ikkussoriartoratsigit. Aamma sulisut atortorissaarutinut nutaanut sungiusartariaqarsimavavut, tamannalu annertuumik suliassaasimavoq, tulluusimaarutigaaralu taamaaliorsinnaasimagatta, Jeppe Jensen oqaluttuarpoq nangillunilu:

- Kassesystemi nutaaq pisoqqamit pitsaaneruvoq. KNI-mi systemi tamarmi pisoqaavoq ukiorpassuarnilu taamaasimalluni. Nutarterinissaq pisariaqarsimavoq, niuernitsinni sukkasuumik nalilersuinissatsinnullu periarfissaqalissaagut.

Meqqusaalik pisiniarfittaarpoq

Aammattaaq pisortap nuannaarutigaa KNI-p nioqqutaa Meqqusaalik pisisartunit tigulluarneqarmat.

- Umiarsualivimmut alakkaraangama umiatsiaararsorlutillu aalisartut piniartullu amerlasuut Meqqusaalinnik atisaqartut. Tamanna tulluusimaarutigisorujussuuara. Tassami innuttaasut pisariaqartitaat eqqorsimavarput. Tassami aalisartuinnaanngillat piniartuinnaanngitsullu aamma Meqqusaalik atisaraat. Taamaattumik tunisassiaq taanna iluatsilluarsimavoq.

Torersaaneq initooq

Ukioq manna suliat annersaasa ilaat tassaavoq KNI-mi naatsorsuuserisutut pisortaasimasoq pillugu eqqartuussineq. Angut taanna ulluni tallimani eqqartuussivimmi Qeqqata Eqqartuussiviani eqqartuunneqareerluni ukiuni pingasuni pineqaatissinneqarsimasunut inissiisarfimmiittussanngorlugu eqqartuunneqarpoq. Eqqartuussulli Nunatta Eqqartuussivianut suliareqqitassanngortinneqarpoq.

Pisortaanerup oqaluttuaraa suliaq tamanna suliffeqarfimmi initusimasoq:

- Isumaqarpunga KNI-mut pingaaruteqartoq avatangiisitsinnit nalorninartorsiortinneqarsimagatta. KNI-mi qanoq pisoqarsimava, kikkullu sulerisimappat, tamannalu uagutsinnut pingaaruteqarpoq, suliarlu naammassineqareersutut ippoq.

- Uannut pingaaruteqarpoq oqaatigissallugu tamanna KNI-mi kulturitsinnut ilaannginnera. Inuit ataasiakkaat iliuuseqarsimapput. Piffissami tamatumani inuit KNI-mut isiginnittaasiannut tamarmut sunniuteqarsimammat. Taamaattumik nuannerpoq oqarsinnaallunga pisoq qaangiutereersoq. Suliaq suliareqqitassanngortinneqarpoq, taamaattumik suli tamakkiisumik matuneqanngilaq. Suliap tamakkiisumik naammassinissaanut qilanaarpunga, Jeppe Jensen oqarpoq.

KNI-mi ukiut arlallit torersaanerit, ilaatigut naatsorsuutinik peqquserluttoqarneranik kinguneqartumik, ingerlanneqareersullu pisortap nuannaarutigaa uku qilanaarisinnaallugit:

- Nuannaarutigaara tamakku piffissaajaatigiunnaaratsigu, maannami niuerneq piffissaqarfigileratsigu ingerlalluarnerulerlutalu.

Jeppe Jensen 2021-mi aggustip aallaqqaataani KNI-mi pisortaanertut atorfinitsinneqarpoq.

retssag meqqusaalik 250-års jubilæum inuussutissarsiutit jeppe jensen samfund kni

ATORFIIT Se alle jobs

Powered by Labrador CMS