Inuussutissarsiornermut,
Niuernermut, Aatsitassanut, Inatsisinik Atuutsitsinermut
Naligiissitaanermullu Naalakkersuisoqarfiup takornariaqarnermut
inatsisissatut siunnersuut AECO-p ukiumoortumik oktobarimi
ataatsimeersuarnerani saqqummiuppaa.
AECO umiarsuarnik
takornariartaatinik ilisimasassarsiortartut peqatigiiffigaat.
Inuussutissarsiornermut,
Niuernermut, Aatsitassanut, Inatsisinik Atuutsitsinermut
Naligiissitaanermullu Naalakkersuisoqarfiup takornariaqarnermut
inatsisissatut siunnersuut AECO-p ukiumoortumik oktobarimi
ataatsimeersuarnerani saqqummiuppaa.
AECO umiarsuarnik
takornariartaatinik ilisimasassarsiortartut peqatigiiffigaat.
AECO-p
Inuussutissarsiornermut, Niuernermut, Aatsitassanut, Inatsisinik
Atuutsitsinermut Naligiissitaanermullu naalakkersuisumik Naaja H.
Nathanielsenimik, IA, ataasinngornermi novembarip 18-ianni
ataatsimeeqateqarnissaani pingaarnertut uku oqaluuserineqassapput:
1.
AECO-mit inuilaarsuarmi akuersissummik piumasaqaateqarnermut
ilaatinneqannginnissaq kissaatigineqartoq.
Kalaallit
Nunaanni tamarmi ilisimasassarsiorluni takornariartitsisarnerup
ingerlaannarnissaa qulakkeerniarlugu, aamma isorliunerusuni
takornariaqarnerup ingerlaannarnissaa qulakkeerniarlugu,
pingaaruteqarpoq umiarsuaatileqatigiiffiit sumiiffinni
takornariartitsisarfiunngitsuni takornariartitsisarnissamut
akuersissummik piumasaqarfigineqartannginnissaat.
2. Killeqarfinnik aalajangersaannginnermi soqutiginnittut tamaasa tusarniaaffigineqarnissaat:
Killeqarfinnik
atuutsitsilernissaq sioqqullugu, killeqarfiit takornariaqarnermik
inuussutissarsiutinillu allanik ineriartortitsinissamut
periarfissanut ilimaginngisamik kinguneqartitsisinnaammata,
killeqarfiillu sumiiffimmut siunertamut, killeqarfiullu
annertussusianut killeqarfiullu naapertuuttuunissaat
qulakkeerniarlugu, killilersuinerit sunniutaat qulakkeerniarlugit
peqqissaartumik misissuisoqartariaqarpoq.
3. Killeqarfiit atuutilersinneqariartuaarnissaat qulakkeerneqassasoq:
Killeqarfiit 2025-mit atuutilersinneqarsinnaapput, annertuallaarpatalu angallassisunut ukiut marluk matuma siornatigut angalanissanik pilersaarusiorsimasunut, tunisaqartartunullu kingunerlutsitsingaatsiarsinnaallutik. Killeqarfiit eqqarsaatigilluaqqaarlugit kittaartumillu atuutilersinneqartariaqarput, inuussutissarsiuteqartut ingerlaavartumik pilersaarusiornissamut periarfissaqarniassammata.
Kalaallit Nunaannut takornariat umiarsuarnik takornariartaatinik takornariartut 50 procentii, siunissami ilisimasassarsiorlutik takornariartuusassapput, ullumikkut 27 procentii taamaapput.
Tamanna
Naalakkersuisoqarfiup AECO-p oktobarimi ataatsimeersuarnerani
saqqummiussaani atuarneqarsinnaavoq. AECO isumaqarpoq 27 procentit
tulluartuusut, periaasermi tamanna aamma umiarsuit angissusaat
Nunatsinnut tulluartuummata.
Naalakkersuisut
takornariaqarnermut inatsisissatut siunnersuutaat naapertorlugu,
Kalaallit Nunaanni takornariartitsisarneq taamaallaat akuersissutinik
atuuttunik piginnittunit ingerlanneqarsinnaavoq. Tamanna
inatsisissatut siunnersuutip paragraf 3-ani atuarneqarsinnaavoq.
Naalakkersuisut
suliffeqarfinnut takornariartitsisartunut imaluunniit inatsisitigut
pisinnaatitaasunut akuerisaasunut akuersissutinik
tunniussisinnaapput.
Tassa
taamaalilluni inatsisit naapertorlugit inuk pineqartoq taamaallaat
Nunatsinni najugaqartuuguni akileraartartuullunilu akuersissummik
tunineqarsinnaassaaq. Inatsisitigut pisinnaatitaasut tassaapput
suliffeqarfiit akuersissummik pisinnaasut, tassa aningaasaataasa
affaat sinnerlugit inunnit Nunatsinni najugaqartunit pigineqartut.
