Sulisitsisut Peqatigiiffianni pisortaq Christian Keldsen sulisitsisut
peqatigiiffianni ilaasortat ataatsimeersuarnerisa kingorna nalunaaquttap
akunnerani ataatsimi Naalakkersuisunut siulittaasunngorlaamut Jens-Frederik
Nielsenimut (D) apeqqarissaarpoq, tassani inuussutissarsiornermi siuttut
sinerissamit tamarmeersut Hotel Hans Egedep ataatsimiittarfiani katersuupput.
Partii saamerliusoq partiit sisamat Inatsisartunut qinersinerup kingorna
naalakkersuisooqatiginissaannik isumaqatigiissuteqarpoq, tamannalu USA-p
præsidentiata nunarsuarmi isumannaatsuunissaq eqqissinerlu anguniarlugu
Kalaallit Nunaata tiguarneqarnissaata aqunneqarnissaatalu
pisariaqartinneqarneranik oqarsimaneranik pissuteqarpoq.
Sulisitsisut Peqatigiiffianni pisortaq Christian Keldsen sulisitsisut
peqatigiiffianni ilaasortat ataatsimeersuarnerisa kingorna nalunaaquttap
akunnerani ataatsimi Naalakkersuisunut siulittaasunngorlaamut Jens-Frederik
Nielsenimut (D) apeqqarissaarpoq, tassani inuussutissarsiornermi siuttut
sinerissamit tamarmeersut Hotel Hans Egedep ataatsimiittarfiani katersuupput.
Partii saamerliusoq partiit sisamat Inatsisartunut qinersinerup kingorna
naalakkersuisooqatiginissaannik isumaqatigiissuteqarpoq, tamannalu USA-p
præsidentiata nunarsuarmi isumannaatsuunissaq eqqissinerlu anguniarlugu
Kalaallit Nunaata tiguarneqarnissaata aqunneqarnissaatalu
pisariaqartinneqarneranik oqarsimaneranik pissuteqarpoq.
- Aap, silarsuarmi
allanngoriartortumi inuuvugut, piffissamilu matumani ataatsimoornissaq
pisariaqartipparput. Nunanut allanut politikkimut atatillugu maannakkut
pissutsit ilungersunarmata politikkikkut assigiinngissutivut
qaangertariaqarpavut. Pingaartumik qaammatip ataatsip missaata matuma siorna
Trumpip nunatsinnik tigusiniarluni oqarnerata kingorna, taamaammat
tasamanngaaneersut tatigineqarsinnaanngilluinnarput. Ataasiussuseqarnissaq
patajaatsuunissarlu pisariaqartinneqarput, tamannalu partiinit sisamanit
oqaatigineqarpoq. Aamma tamanna politikkikkut ataatsimoornissamut
piffissanngortoq isumaqarpunga, naak assigiinngitsorpassuarnik
isumaqaraluartugut, Jens-Frederik Nielsen Christian Keldsenimut oqarpoq.
Jens-Frederik Nielsenip nunarsuarmi pissutsit allanngormata Kalaallit
Nunaata nunanik naleqaqatigisaminik suleqateqarnerminik nukittorsaanissaa
kissaatigalugu oqaatigaa. Nunat nunat tamalaat inatsisaannik ataqqinnittut,
nunap ataatsimut inissisimaffianik ataqqinnittut demokratiimillu
pingaartitsisut.
Aningaasaliinissamut periusissiaq
Naalakkersuisunngortut Danmark NATO-lu suleqatigilluarnerujumavaat:
- Kalaallit Nunaat
aningaasaqarnikkut sakkutooqarnikkullu pissaaneqarnerpaajunngikkaluarluni
nuannarineqarluarpoq, silarsuarmilu pissutsit taamaatsillugit nukittuunik
suleqateqarsinnaalluni, Jens-Frederik Nielsen oqarpoq, taassumalu
aningaasaliinermi aarlerinarsinnaasut annikillisarniarpai.
- EU-mut isigalutalu
aningaasaliisussarsiorpugut. Aarlerinarsinnaasut annikillisarnissaat
kissaatigingaarparput, taamaalilluta
aningaasaliiffigiuminarnerulersinnaaniassagatta, tamannalu
sulissutigilertariaqarparput. Suleqatigiinnissaq eqqartoraangatsigu tamatigut
piumassuseqartoqartarpoq, Jens-Frederik Nielsen oqarpoq, Naalakkersuisullu
naalakkersuisooqatigiinnissamut isumaqatigiissutaat innersuussutigalugu,
tassani siunissami Kalaallit Nunaanni
namminersortut aningaasaliinerunissaat anguniarlugu misissuinissamut inatsimmik
suliaqartoqarumaartoq allassimavoq.
- Uagut aamma silarsuarmi
allanngorsimasumi inuuvugut. Avataaniit aningaasaliissutigineqartut tamarmik
ajunngitsuunngillat. Aamma kikkut nunatsinnut aningaasaliissuteqarnersut
paasiniarlugu misissuinissamut inatsisiliornissaq suliassaraarput.
Taamaanngippat, taava dollarinik milliardilinnik nunatsinnut
aningaasaliissutigineqarsinnaasunik utaqqisoqartoq eqqarsaatigiuk. Nunatut
mikisutut sunnertiasinnaavugut, malinnaasinnaasariaqarpugullu, kisianni aamma
aningaasaliinissamut pilerinarnerulersitsisussaavugut.
Inuusuttut aallarnisaasut akileraartarnikkullu aaqqissuusseqqinneq
Sulisitsisut ilaasortatik amerliartortut maluginiarpaat. Inuusuttut
aallarnisaasut amerliartorput. Aamma arnat allanillu nagguillit
suliffeqarfimmik aallartitserusuttut amerliartorput.
Nutaaliorneq aallarnisaanerlu annertunerusariaqartut Naalakkersuisut
siulittaasuat isumaqarpoq:
- Nutaaliorneq
aallarnisaanerlu eqqarsaatiginerusariaqarigut isumaqarpunga.
Aningaasaliinissamut periusissiornissamut, sumi ineriartortitsinerpaajusinnaanerluta
paasiniarlugu ilaatigut SME-mut periusissiornissamut (suliffeqarfiit mikisut
akuttusullu periusissiornissaannut, aaqq.) pilersaarusiorpugut, Jens-Frederik
Nielsen oqarpoq nangillunilu akileraartarnermut aaqqissuusseqqinnermi tamanna
aamma eqqarsaatigineqartariaqartoq oqaatigaa.
- Naalakkersuisut suliffeqarfimmik
namminersortumik ingerlatsinerup akikinnerulernissaa ajornannginnerulernissaalu
siunertaralugu inuussutissarsiornermut akileraarutit aaqqissuuteqqinniarpaat.
Aallarnisaanermut tunngatillugu tamatuma aallartinnissaanut aningaasat
immikkoortinneqarput. Suliffeqarfiit aallarterlaat aallartilluarniassammata
akileraaruserneqartarnerat misissorniarlugu piareersimavugut, Jens-Frederik
Nielsen oqarpoq.
Allaffissornerup annikillisinnissaa
Jens-Frederik Nielsen naapertorlugu allaffissornikkut suliassat
ikilisarnissaat inatsisinillu sakkukillisaanissaq pingaaruteqartorujussuuvoq: Aallarnisaasorpassuit oqaloqatigisarpakka, taakkualu ilaat pisortanut
saaffiginninnialeraangamik imaluunniit suliaminni malittarisassat
allanngortinneqaraangata soriaqqissinnaajunnaartarput. Aallarnisaasarneq
nutaaliornerlu uannut pingaaruteqarluinnarlutillu inuiaqatigiinnut
pingaaruteqarluinnarput. Assaat nukittuut aallussinerlu suliffinnik
piujuartitsinermik tunngavilinnik pilersitsisinnaallutillu takorluukkanik
piviusunngortitsisinnaapput.
Inuussutissarsiornermik suliaqartut oqaloqatigerusukkaat
Naalakkersuisut inuussutissarsiornermut, meeqqanut inuusuttunullu
aatsitassarsiornermullu tunngasunik politikkikkut aalajangiitinnatik
innuttaaqatigiinnik tusarnaaqqissaarnerussasut Sulisitsisut kissaatigaat.
– Inuussutissarsiorneq ingerlalluarpat inuiaqatigiit
ingerlalluassapput, nunatsinnilu inuiaqatigiit annertunerusumik
akisussaaffeqarput. Siunissami inuussutissarsiortunik suleqateqarneq qanoq
isigaajuk? Christian Keldsen apeqquteqarpoq.
- Pingaarnertut
ingerlaavartumik pitsaasumillu oqaloqatigiittoqarnissaa kissaatigaara. sulisut
ilinniarsimanngitsut piginnaaneri, , inuiaqatigiinni pisariaqartinneqartut,
qaffassinnaaniassagatsigit suliffeqarfippassuarnik nukittuumik
suleqateqartariaqarpugut. Sulisartunik amigaateqarneq unammillernartipparput,
meeqqallu atuarfiini atuartut affaannaat inuusuttunut ilinniagaqarfinnut suliffinnullu
ingerlaqqittarput. Kikkulluunniit pisariaqartillugillu tamatta
piginnaanitsinnik qaffatsitsinissarput pisariaqartipparput, Jens-Frederik
Nielsen naggasiivoq.
