Ittoqqortoormiit Tasiilarlu mittarfittaassasut

Sanaartornissamik suliniut, 2025-p naanerani piareersimasussaq, Ittoqqortoormiini Tasiilamilu mittarfinnik sanaartortoqarnissaanut suliniutit ingerlateqqinnissaat politikkikkut aalajangiinermik tunngaveqassaaq. 

— Kulusummi mittarfik Tunumut angalassinermi killilimmik iluaqutaasoq nassuerutigisariaqarparput, taamaammallu Naalakkersuisunngortut qinigaaffimmi matumani pilersaarutinik piviusunngortitsiniarnerat nuannaarutigaara, Inatsisartuni ilaasortaq Gerth Mikaelsen, Naleraq, oqarpoq. Taanna Inatsisartut suleriaasianni paragraf 37 naapertorlugu Tasiilami aamma Ittoqqortoormiini mittarfiliornissat qanoq ingerlanersut pilersaarutaasullu pillugit Naalakkersuisunut apeqquteqarpoq.
Saqqummersinneqarpoq

Tasiilami Ittoqqortoormiinilu mittarfinnik sanaartornissamut periarfissanik misissuineq ukiorpaalunni ingerlanikuuvoq, maannalu sumiiffissaannik naleqquttunik nassaarnikuupput, taava Inatsisartut nutaat, suleqatigiinnermik isumaqatigiissusiortut, suliniutip ingerlariaqqinnissaanut apeqqutaaginnalerput.

Ineqarnermut, Attaveqaasersuutinut Isorliunerusunullu Naalakkersuisoq, Aqqaluaq B. Egede, Inuit Ataqatigiit, Inatsisartuni ilaasortap Gert Mikaelsenip paragraf 37 naapertorlugu apeqquteqaataanut akissuteqarluni taama allappoq. 

Tasiilami Ittoqqortoormiinilu mittarfinnik sanaartornissamut periarfissanik misissuineq ukiorpaalunni ingerlanikuuvoq, maannalu sumiiffissaannik naleqquttunik nassaarnikuupput, taava Inatsisartut nutaat, suleqatigiinnermik isumaqatigiissusiortut, suliniutip ingerlariaqqinnissaanut apeqqutaaginnalerput.

Ineqarnermut, Attaveqaasersuutinut Isorliunerusunullu Naalakkersuisoq, Aqqaluaq B. Egede, Inuit Ataqatigiit, Inatsisartuni ilaasortap Gert Mikaelsenip paragraf 37 naapertorlugu apeqquteqaataanut akissuteqarluni taama allappoq. 

Suleqatigiissinnamut isumaqatigiissummi ilaassasoq

Kalaallit Nunaanni ilaasortaatinik angallassineq ajornanngitsuusoq akinillu naleqquttunik akilik qulakkeerniarneqartoq, taavalu angallannerit sivikillisarnissaanni akikillisaaviginissaannilu timmisartoqarfiit mittarfiillu sullerissut pisariaqartut Demokraatit, Inuit Ataqatigiit, Siumut aamma Atassut Suleqatigiinnissamik Isumaqatigiissutaanni allassimavoq, tamannalu takornarissanik ussassaarinermi innuttaasunullu angallassinermi tamakkiisumi pisariaqartoq Naalakkersuisut isumaqarput. Nuna tamakkerlugu umiarsuit tulattarfiinut timmisartoqarfinnullu pilersaarutinik suliaqartoqassasoq piviusunngortitsisoqassasorlu Suleqatigiit isumaqarput, tamannalu Nuummi, Ilulissani Qaqortumilu mittarfinnik sanaartornissamut aningaasaliinerit annertuut pioreersut Kalaallit Nunaannut iluanaaruteqarfiunissaat qulakkeerinnissalluni. Tassunga tunngatillugu Naalakkersuisut Tasiilami Ittoqqortoormiinilu mittarfinnik sanaartortoqarnissaanik suliniutit qinigaaffimmi matumani aallartinneqarnissaat qulakkiissavaat.

Sanaartornissamut pilersaarut suliarineqaleruttortoq

Tasiilami Ittoqqortoormiinilu mittarfinnik sanaartortoqarsinnaaneranik misissuineq ingerlanneqareerpoq, tassanilu sumiiffiusinnaasunik nassaartoqareerluni. Sanaartugassat taakkua marluk qanoq annertutigissanersut qanorlu akeqassanersut takuniarlugu sanaartornissamik pilersaarummik missingiummillu C-mik nutartikkamik suliaqartoqassasoq, taannalu matussusiinngitsumik neqeroorutitut atorneqassasoq, Inatsisartuni Aningaasaqarnermut Akileraarutinullu Ataatsimiititaliaq kingorna aalajangerpoq. Sanaartornissamik pilersaarusiaq politikkikkut aalajangiinissamik tunngavimmik suliaqartoqassappat, tamanna 2025-p naanerani naammassissasoq Aqqaluaq B. Egede oqarpoq.

Gert Mikaelsenip Tunumi angallannermut ajornartorsiutinik aaqqiissuteqarnissamik qanoq suliniuteqarniarnerlutik Naalakkersuisut oqaatigissaat kissaatigaattaaq. Aaqqiissutissanik siunnersuutissanik suliaqarnissaq anguniarlugu suliassaqartut assigiinngitsut ataatsimeeqatigineqallattaasut Aqqaluaq B. Egedep ilisimatitsissutigaa.

- Angallassisut teknikkikkut ajutoornerit pissutigalugit taamaatisitsiinnartarnerit ikilisaavigissagaat assut suliniutigerusuppara, tamannami angallassinermik ataavarnerusumik angalasunullu sullissinermik pitsaanerusumik inerneqassammat, Attaveqaasersuutinut Naalakkersuisoq oqarpoq.

 Oqaatigineqartoq nuannaarutigaa 

Tunumi illoqarfinni marlunni taakkunani mittarfeqalernissaa piffissanngortoq Gert Mikaelsenip oqaatigaa.

- Kulusummi mittarfik Tunumut angalassinermi killilimmik iluaqutaasoq nassuerutigisariaqarparput, taamaammallu Naalakkersuisunngortut qinigaaffimmi matumani pilersaarutinik piviusunngortitsiniarnerat nuannaarutigaara.

- Ilaasunik angallassineq kisimi eqqugaanngilaq, aammali nassiussanik assartuineq inuussutissanillu pilersuineq ukiorpassuarni isornartorsiorneqangaatsiartarput, taamaammat ukiuni qaninnerni Tasiilami Ittoqqortoormiinilu mittarfeqalissasoq isumaqarpunga, taanna oqarpoq.

Naalakkersuisut Tasiilami eqqaanilu aalisarnermik inuussutissarsiuteqarneq pillugu siuarsaanissamut aatsaat taama pilersaarusiortigaat, Tasiilamilu mittarfeqalerpat aalisakkanik qaqerlaanik avammut nassiussisinnaaneq ammaanneqassasoq Gert Mikaelsen isumaqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS