Aalborgimi Kalaallit Illuutaat siorna
eqqissiviilliortoqarlunilu sulisut akornanni
naammagisimaarinninngitsoqareernerani Anna Lynge soraarsitaareersoq marsip
15-iani nutaamik pisortartaassaaq.
Pisortanngortussaq tassaavoq 49-nik ukiulik Jeppe
Bülow Sørensen, peqatigiiffiup Kalaallit Meerartaata Danmarkimi
immikkoortortaani 2016-imili aqutsisutut atorfeqarsimasoq.
Aalborgimi Kalaallit Illuutaat siorna
eqqissiviilliortoqarlunilu sulisut akornanni
naammagisimaarinninngitsoqareernerani Anna Lynge soraarsitaareersoq marsip
15-iani nutaamik pisortartaassaaq.
Pisortanngortussaq tassaavoq 49-nik ukiulik Jeppe
Bülow Sørensen, peqatigiiffiup Kalaallit Meerartaata Danmarkimi
immikkoortortaani 2016-imili aqutsisutut atorfeqarsimasoq.
Tamanna sioqqullugu
Aalborg kommunemi atorfeqarsimavoq, tassani kalaallit inuuniarnermikkut
ilungersuuteqartut pillugit immikkut suliniuteqarnermi aqutsisuusimavoq.
Jeppe Bülow Sørensen, isumaginninnermi
siunnersortitut ilinniarsimasuusoq, Danmarkimi inunngorpoq, qulingiluanilli
ukioqarluni angajoqqaani ilagalugit Ilulissanut nuuppoq. 16-inik ukioqarluni
angerlarsimaffimminiit nuulluni Danmarkimut efterskoleriarnissami, kingornalu
ilinniarnertuunngornissami tungaanut Atuarfik Mathias Storchimi atuarnikuuvoq.
Ilulissani peroriartortoq
- Ilulissani peroriartornikuunera uannut
sunniuteqaqaaq, pisortanngortoq Sermitsiamut oqaluttuarpoq.
- Oqaatsit ilikkanngikkaluarlugit atuarnera
inuunermi siunnerfiliivoq, tassani Kalaallit Nunaat inuuniutigalugu
atorfeqartarninni pingaarnerpaasimalluni. Atuarnera Danmarkimi nangikkaluarlugu
tikeraartarnikuuvunga, tassami angajoqqaakka ukiut 18-it Ilulissani
najugaqarlutillu sulipput.
- Kingorna aamma Kalaallit Nunaannukakulavunga
– sulinernut atatillugu aammali ilaquttakka ilagalugit, Jeppe Bülow Sørensen, marlunnik
21-nik 16-nillu ukiulinnik qitornaqartoq, oqaluttuarpoq.
- Maanna Aalborgimi Kalaallit Illuutaat
akisussaaffigilissavara. Danmarkimi Kalaallit Nunaat pillugu isumat
pigiliutiinnakkat akiorniarlugit atorfimmut qinnuteqarpunga. Ajornartorsiut
taanna atorfigisimasanni aamma suliaqarfiginikuuarput – suliniullu taanna
ingerlatiinnarusuppara.
Toqqammavissatsialak
- Matumani Aalborgimi Kalaallit Illuutaat
toqqammavissatsialaavoq. Illu pingasunik toqqammaveqarpoq – isumaginninnermik
suliniuteqarneq, ilinniartitaaneq kiisalu kalaallit kulturiannik siammarterineq.
Suliaqarfinni tamani sunniuteqaqataasinnaallunga qularinngilara.
Aalbrogimi Kalaallit Illuutaanni piffissami
sivisuumi eqqissiviilliortoqarlunilu suleqatigiinniarnikkut
ajornartorsiortoqareersoq Jeppe Bülow Sørensen pisortatut atorfinitsinneqarpoq.
Eqqissiviilliorneq Sullivinnik Nakkutilliisoqarfimmiit
peqqussuteqartoqarneranik kinguneqarpoq, kingornalu siulersuisut Anna Lynge siorna
decembarip tallimaani soraarsippaat. Anna Lynge 2023-mi januaarip
aallaqqaataaniillu illumi pisortaasimavoq.
Soraarsitsisoqarnerata kingorna siulersuisuni
siulittaasuusimasoq Jørgen Hein pisortaagallarpoq, tassani aqutsisut sulisullu
suleqatigiileqinnissaat - pisortartaarnissarlu - pingaarnertut
suliassarisimallugit.
- Jeppe Bülow Sørensen qinnuteqartuni 70-it
missaanniittuni toqqarneqarpoq, Jørgen Hein oqaluttuarpoq.
