Disko Linep sinersortaataa
nutaaq orsussamik batteriimillu ingerlatilik Maliina Ittuk
umiarsuaatilinnut suli ajornartorsiortitsisorujussuuvoq.
Sinersortaat
Faaborgimi amutsivimmit apriilip naanerani aallarmat, maajip
naanerani Qaqortumut tikissasoq pilersaarutigineqaraluarpoq Disko
Linellu Qaqortup Narsarsuullu akornanni angallassineranut juunip
aallaqqaataannit angallassilertussaagaluarluni.
Disko Linep sinersortaataa
nutaaq orsussamik batteriimillu ingerlatilik Maliina Ittuk
umiarsuaatilinnut suli ajornartorsiortitsisorujussuuvoq.
Sinersortaat
Faaborgimi amutsivimmit apriilip naanerani aallarmat, maajip
naanerani Qaqortumut tikissasoq pilersaarutigineqaraluarpoq Disko
Linellu Qaqortup Narsarsuullu akornanni angallassineranut juunip
aallaqqaataannit angallassilertussaagaluarluni.
Taamali
pisoqarnavianngilaq. Maliina Ittuk amutsivimmit
singinneqarnermi kingorna Atlantikukkut sivisuumik ingerlaarnissani
sioqqullugu siullermik Aarhusiliaqqaariarluni Grenåmut
aqqusaarsisussaavoq. Sinersortaat 113-inik ilaasoqarsinnaasoq
Grenåmit Nunatsinnut ingerlaassalluni maajip qulinganni avalappoq.
Taamaattorli
Maliina Ittuk ulloq taanna Frederikshavnimuinnaq anngussinnaasimavoq.
Sinersortaallu suli tassani amutsivimmiippoq.
Motooriminik
ajornartorsiuteqartoq
KUJATAANI KATTUNNEQ
Disko Linep aamma Blue Ice Explorerip Kujataani ingerlatatik, Disko
Linep ataani kattullugit maanna ingerlatilerpaat, Blue Ice
Explorerili namminersortutut nittarsaassiinnassalluni.
Disko Linemi
pisortap Michael Højgaardip oqaatigaa, Narsarsuarmi mittarfiup
matuneratigut Qaqortumilu mittarfiup atulerneratigut Kujataani
angallannerup allanngornissaa naatsorsuutigineqarmat kattunneq pisoq.
Kattunnikkut Blue
Ice Explorerip unnuisarfiutai – nunaqarfimmi akunnittarfik
Igalikumiittoq aamma Narsarsuarmiittoq unnuisarfik vandrehjem –
ingerlatseqatigiiffiullu angallassisarneri aamma Disko Linep
ataaniilissapput, Blue Ice Explorerilli taaguutaa atuinnassalluni.
Tamakku
saniatigut Blue Ice Explorerip qullersaqarfia, Qaqortumi mittarfik
atulerpat Qaqortumut nuunneqassaaq.
Kattunnerat 2025-mi juunip aallaqqaataannit atuutilissaaq.
-
Aarhusimit Frederikshavnimut ingerlaartillugu, sinersortaatip
motooriisa sisamaasut ilaata generatoria ajoquteqartoq paasineqarpoq.
Taamaattumillu aalajangerneqarluni sinersortaat Nunatsinnut
ingerlaqqitsinnagu teknikikkut atortui misissoqqissaarneqassasut,
Disko Linemi pisortaaneq Michael Højgaard oqarpoq.
-
Motoorimut ajoquteqartumut taartissat tikiunneqarnissaat motoorillu
sinneruttut pingasut misissorneqaqqinnissaat maannakkut utaqqivavut.
Ajornartorsiut maannakkut aaqqinniarsaraarput, aamma ingerlaarnermi
ajornartorsiuteqartoqaqqinnginnissaa qulakkeerniarneqarluni.
-
Taamaattumik Maliina Ittuk qaqugu Kalaallit Nunaannut
tikissinnaassanersoq
maannakkut oqaatigineqarsinnaanngilaq.
Michael
Højgaardip ilanngullugu ilisimatitsissutigaa, Disko Linep
ilaasartaatini juunimi juulimilu paarlaassornissaat isumagisimagaa,
piffissami tassani pilersaarutit naapertorlugit
angallassisoqarsinnaaniassammat.
Ajornartorsiuterpassuit
Maliina
Ittuk Disko Linemut aatsaat siullermeerluni
ajornartorsiortitsilinngilaq, umiarsualiorneq ukiut arfinillit matuma
siornagut aallartinneqarmalli ajornartorsiortitsillunilu
kinguaattoortitsisarpoq.
Maliina
Ittuk
sinersortaatitut marloqiusamik ingerlatilittut taaneqartarpoq, tassa
dieselitortunik
motooreqarami
aamma batterii annertooq atorlugu innaallagissamik ingerlasinnaagami
–
teknikillu tamatuma atornissaa nalinginnaasumit
ajornakusoornerusimalluni.
Maliina
Ittuk 2019-imili isumaqatigiissutigineqarpoq, Disko Linellu Assens
Stålskibsværft umiarsualiornissamik isumaqatigiissuteqarfigalugu.
Siullermik corona takkuppoq – taavalu marloqiusamik
ingerlateqarnissamut teknikki ajornartorsiuteqalerluni. Tamatuma
kingunerisaanik umiarsualiorneq Assens Stålskibsværftimit Faaborg
Værftimut 2023-mi nuunneqarpoq.
Maliina
Ittuk siorna upernaakkut Faaborgimi atserneqarpoq,
Julie Berthelsenit
atserneqarluni –
pilersaarutaasimagaluarlunilu
atserneqarnermi kingorna
sinersortaat
ingerlaarsinnaalissasoq.
Teknikikkulli
ajornartorsiortoqartuarnera patsisigalugit aatsaat apriilip
naalernerani Imarsiornermut Aqutsisoqarfimmit aamma
immakkut angallannikkut malittarisassiortunit akuerineqarluni.
Taamaattorli
tamanna naammassimanngilaq - Maliina Ittuk maanna tassa
Frederikshavnimiippoq ingerlaannarlu aallarsinnaanani.
