Canadami aatsitassarsiornermut ingerlatseqatigiiffik Amaroq
Minerals Nalunami guultimik tunisassiornissaminut aallartisarluni piareersarpoq.
Suliffeqarfiup Amerikami Auramet International isumaqatigiissuteqarfigaa,
taassumalu guultit Nalunami tunisassiarineqartut tamaasa pisiariumavai. Amaroq
Mineralsip tamatuma saniatigut Schweizimi Metalor Technologiesimik,
saffiugassanik erlinnartunik akuiaanermik ukkataqartumik,
isumaqatigiissuteqarnissaq qulakkeerpaa.
Amaroq Mineralsimi aningaasaqarnermut pisortaq, Ellert
Arnarson, niuertunut aningaasarsiuteqartunullu niueqatigiittarfikkut
nalunaarummi allappoq:
Canadami aatsitassarsiornermut ingerlatseqatigiiffik Amaroq
Minerals Nalunami guultimik tunisassiornissaminut aallartisarluni piareersarpoq.
Suliffeqarfiup Amerikami Auramet International isumaqatigiissuteqarfigaa,
taassumalu guultit Nalunami tunisassiarineqartut tamaasa pisiariumavai. Amaroq
Mineralsip tamatuma saniatigut Schweizimi Metalor Technologiesimik,
saffiugassanik erlinnartunik akuiaanermik ukkataqartumik,
isumaqatigiissuteqarnissaq qulakkeerpaa.
Amaroq Minerals guultimik Nalunameersutut allagartalimmik pisinissamik najukkami innuttaasunut neqeroorniartoq nuannerpoq, annikitsukkuutaanik aallussaqartoq Palle Møller oqarpoq
Privatfoto
Amaroq Mineralsimi aningaasaqarnermut pisortaq, Ellert
Arnarson, niuertunut aningaasarsiuteqartunullu niueqatigiittarfikkut
nalunaarummi allappoq:
"Isumaqatigiissutit pingaarutillit suleqatit
suliaqarfimmi misilittagaqarluartut, guultinik Nalunameersunik nioqquteqarfimmi
atugassarititaasunut unammillerluarsinnaasunik iluatsittumik pilersuinissamut
tuniniaanissamullu tapersersorneqarnermik misilittagaqarnermillu tunisisut,
peqatigalugit atsiorsinnaagatsigit nuannaarutigaarput.
Najukkami aallussaqartunut guultimik tuniniaaneq
Ingerlatseqatigiiffiuttaaq najukkami aallussaqartut guultinik Nalunameersunik
pisinissaannut periarfissamik neqerooruteqarniarluni erseqqissarpaa, taamaammallu
ingerlatseqatigiiffik Tuluit Nunaanni akuiaavimmik najukkami aallussaqartunik
suleqateqartussamik isumaqatigiissuteqassaaq. Taakku ilagaat annikitsukkuutaanik aallussaqartoq Palle Møller, Nuummi
pinnersaasiorfimmik Kassumik piginnittuusoq. Taassuma guultit nunatsinneersut
assersuutigalugu katinnermi assammiussatut, aammali ujaqqat allat atorlugit
pinnersaatitut soqutigineqarluartut oqaatigaa.
– Nammineerlunga guultinut nunatsinneersunut
akileeqqinnerusinnaavunga. Sulaiqartut sungiusimavaat, pisisartuttalu
pinnersaatit guultimik nunatsinneersumik sanaat 20 procent angullugit
akisunerutillugit akilerusussinnaasarpaat. Amaroq Minerals guultimik. Nalunameersutut allagartalimmik pisinissamik najukkami innuttaasunut
neqeroorniartoq nuannerpoq. Kipparissuliatut annertut minnertulluunniit
imaluunniit aserortikkatut kiisalu nittartakkatigut tuniniaanerussanersoq
imaluunniit amerlasuukkaanik nioqquteqartumik tuniniaasoqassanersoq
pissanganarpoq, Palle Møller, tuniniaaneq najukkami innuttaasunuinnaq
ingerlassanngitsoq isumaqartoq, oqarpoq.
– Ilippanaataa annerujussuuvoq, Danmarkimilu
guultimik saffiortut guultimik nunatsinneersumik pisiniarlutik utaqqiinnarput. Guultimik
Kalaallit Nunaanneersutut allagartalimmik tunisassiorniaraanni siammasissumik
tuniniarnissaa kajuminnarpoq. Kalaallit Nunaata nittarsaannissaanut
periarfissaavoq immikkuullarissoq, Palle Møller oqarpoq
