Mind Your Own Business nukappissat imminut tatiginissaanut nukittorsaavoq
Nukappissat ikorfartortariallit tulliani allamik misiliinissaminnut misilittagaqalertarput. Taama Mind Your Own Businessimi aaqqissuisut arfineq-pingasuni nukappiaqqanut malittarinnittut oqaaseqarput. Nukappissat 13-niit 21-inut ukiullit ikorfartortariallit Nuummi suliffeqarfinneersunit nammineq piumassuseq aallaavigalugu qanimut malittarineqarlutillu ilitsersorneqarlutik suliffeqarfeeraliorput.
Foto: Business Awards
Nukappiassat 13-it 21-llu akornanni ukiullit qaammatini arfineq-pingasuni Nuummi suliffeqarfeeqqamik aallartitsinissamik ilinniartinneqarput.
Suliffeqarfeeqqaat G-Crown aamma Try1 pilersippaat.
Suliffeqarfeeqqamik G-Crownimik ingerlatsisut kavaajaq varsity jacket pilersippaat, Try1-miittullu tujuuluk nasaasalik t-shirtilu namminerisamik ilisarnaatitalik pilersippaat.
- Nuannernerpaavoq tullissaani nutaanik misiliileruma misilittakkanik tunngavissaqalerama. Suliaqarniartillunga sapiinnerulersimavunga. Ittoorpallaarnanga. Ammanerulersimavunga, nukappissat ilaat oqarpoq.
Mind Your Own Business Mind Your Own Business 2010-mi Danmarkimi pisortamit Maria Kavita Nielsenimit pilersinneqarsimavoq. 2019-miit Tuborgfondip aningaasaliineratigut Nuummi ingerlanneqarsinnaanngorpoq.
Mind Your Own Business – Kalaallit Nunaanni 2019-imi siullermeertumik ingerlatsisimavoq mannalu tikillugu nukappissat 63-it ingerlataqartissimallugit.
- Nukappissat ilinniariaatsit allaanerulaat atorlugit toqqissisimasumik ikorfartorneqarlutik suliaqartinneqartarput. Immikkoortunut suliaqarfinnut agguataarneqartarput makkuninngalu akisussaaffeqarlutik: Sulisoqarneq, HR, aamma aningaasaqarneq, tunisassiorneq tuniniaanerlu kiisalu attaveqaqatigiinneq pilerisaarinerlu.
Nukappissaq piginnaanimikkut imminnut tatiginerulerput Nukappissat Mind Your Own Businessimi peqataasut siunertaqarput, tassa piginnaanimikkut imminnut tatiginerulernissaat.
-Ingerlatsinermi suliffeqarfeeqqanik aallarnisaaneq aallaaviuvoq, suliamili ilinniartitseriaaseq una aqqutigalugu nukappissat piginnaanimikkut imminnut tatiginerulernissaat pingaarnertut siunertaavoq. Ingerlatsinermi nukappissat ilinniagaqarnissatigut suliffeqalernissatigullu periarfissanut tappinnerulersinniarneqarput – pingaarnertullu siunissami periarfissatigut isumalluarnerulernissaat nukittorsarneqarluni, MYOB-mi ataqatigiissaarisoq, Nicki Olsen oqarpoq.
