Aalborgimi
mittarfiup pisortaata Niels Hemmingsenip Air Greenlandip illoqarfimmut
illoqarfimmillu timmisartuussisarnissaa nutaaq nuannaarutigaa.
- Air
Greenlandip timmisartuussisarnermini Aalborg ilanngummagu nuannaarutigeqaarput,
soorunami kissaatigigaluarlutigu København aqqusaarnagu toqqaannartumik
Kalaallit Nunaannut timmisartuussisoqartassasoq, Niels Hemmingsen Sermitsiamut
oqarpoq.
Aalborgimi
mittarfiup pisortaata Niels Hemmingsenip Air Greenlandip illoqarfimmut
illoqarfimmillu timmisartuussisarnissaa nutaaq nuannaarutigaa.
- Air
Greenlandip timmisartuussisarnermini Aalborg ilanngummagu nuannaarutigeqaarput,
soorunami kissaatigigaluarlutigu København aqqusaarnagu toqqaannartumik
Kalaallit Nunaannut timmisartuussisoqartassasoq, Niels Hemmingsen Sermitsiamut
oqarpoq.
- Aalborgip
mittarfia ineriartorluarpoq, aqqutit nutaat atorlugit ornigassarpassuaqarpoq –
ilaatigut takornariarfissarpassuit nunani kujasissuniittut. Kalaallit Nunaalli
aamma upperaarput, Nuummilu mittarfissuup nutaap atulernissaanut siunissamut
neriuuteqarluarluta.
- Kalaallit
amerlasuut – minnerunngitsumik ilinniartut – Jyllandip avannaani najugallit
akornanni atorumaneqarluassaaq, minnerunngitsumik inuussutissarsiortut
taamatulli pingaaruteqartigaat. Jyllandip avannaani suliffeqarfippassuit
Kalaallit Nunaannut pilersuisarput – inuussutissarsiortullu Aalborgimit
Kalaallit Nunaannut timmisartorusuttarput, tamatumanili aqqutip siunissami
ineriartortinneqarnissaa pisariaqarluni.
Akulikinnerusunik
timmisartuussisoqartariaqartoq
-
Aalborgimit Kalaallit Nunaannut toqqaannartumik Nuummut
timmisartuussisoqarsinnaalerpat, inuussutissarsiortunut timmisartuussisarnerit
amerlanerusut pisariaqartinneqassapput.
- Nuummut
toqqaannartumik sapaatip akunneranut arlaleriarluni aallarnissamut
periarfissaqalerpat, iluatsilluarsinnaanissaa qularutiginngilara.
Aalborgimmi
mittarfianut ilaasunik timmisartuussisarnissaq kisimi pineqanngilaq.
- Atlantikup
avannaa aalluttorujussuuarput. Kalaallit Nunaat kisiat pinnagu, aammali Savalimmiunut
aamma Islandimut atatillugu. Piffissamili matumani Kalaallit Nunaat
isiginiarneqarluarluni, Nuummi, Ilulissani aamma Qaqortumi mittarfissat
pissutigalugit.
Timmisartukkut
assartuineq soqutigineqarluartoq
- Jyllandip avannaanit
Kalaallit Nunaannut assartuinermi periarfissaqarluartoq takuarput, aammali
utimut aqqutikkut. Mittarfiit nutaat atulerpata aalisakkat nutaat Kalaallit
Nunaannit timmisartukkut assartorneqarsinnaalissapput – tamannalu Jyllandip
avannaani inuusunut immikkut soqutiginaateqarpoq. Saattussammi uumatillugit
Kalaallit Nunaannit Hanstholm Fiskeauktionimut timmisartuunneqartut
takoreerpavut, Niels Hemmingsen nassuiaavoq.
-
Silaannakkut assartuineq taamaallaat nioqqutissanut akisuunik naleqartumut
soqutiginaateqarpoq – aalisakkallumi taama inissisimapput, aalisakkammi
sukkanerusumik niuffaffimmut apuunneqaraangata akisunerulertarmata.
Taamaattumik
Niels Hemmingsenip timmisartortitseqatigiiffiup Air Greenlandimik imaluunniit
allamik taaguuteqarnissaa apeqqutaatinngilaa.
-
Timmisartuutileqatigiit arlallit Kalaallit Nunaannut Kalaallit Nunaanniillu
nassiussanik timmisartuussinissamik soqutiginnittut attaveqarfigereerpavut.
Kikkut soqutiginnittuunersut maannakkorpiaq oqaatigisinnaanngilara,
soqutiginnittoqarporli. Ilaasunik angallassinissamut periarfissaqanngippat,
assartukkanik timmisartuussisarnissamut periarfissaqarpoq.
- Aalborgip
Nuullu akornanni toqqaannartumik timmisartuussisoqartalerpat, timmisartut
nassiussanik ulikkaaqquserneqarsinnaassapput - taamaalillunimi timmisartup
nassataasivia ulikkaarneqarpat aningaasarsiornerunissamut iluaqutaassammat.
Imminut
akilersinnaanissaa aarlerinartullu minnerutinnissaat pineqarput. Piffissap
ilaani ilaasut ikinnerulaarpata nassiussanik amerlanerusunik
usilersorsinnaavutit taamaalillunilu timmisartuutileqatigiiffiit
isertitaqarnerulersillugit, Niels Hemmingsen oqarpoq.
-
Taamaakkaluartoq Air Greenlandip aasaanerani nutaamik timmisartuussisarnissaa
nuannaarutigeqaarput.
Air
Greenland 2014-imit 2016-imut Kalaallit Nunaannut Kalaallit Nunaanniillu
ataasiakkaanik timmisartuussisarsimavoq. Timmisartuussinerilli ima
ikitsigalutik timmisartuussisartunit aqqutitut isigineqarsinnaanatik.
