SIK-p
suliffeqarfik Kalaallit Nunaanniittoq sulisuminik
akissarsiakippallaartitserujussuartarsimasoq eqqartuussivimmut
suliassanngortitsinerannut atatillugu oqartussat sooq
iliuuseqarsimannginnersut Naleqqami
siulittaasoq Pele Broberg aperaaq:
- Qallunaat
susassaqarfik paaraat, politiit naak?
SIK-p
suliffeqarfik Kalaallit Nunaanniittoq sulisuminik
akissarsiakippallaartitserujussuartarsimasoq eqqartuussivimmut
suliassanngortitsinerannut atatillugu oqartussat sooq
iliuuseqarsimannginnersut Naleqqami
siulittaasoq Pele Broberg aperaaq:
- Qallunaat
susassaqarfik paaraat, politiit naak?
- Oqartussat naak? Ilumoorpa pissutsit
taama naakkittaatsigisut iliuuseqarfigitinnagit
eqqartuussisoqaqqaartariaqartoq?, aperaaq.
Pisoq naalisarlugu
Pisumi arnat filippinerit
pingasut
Suliami arnat filippinerit pingasut
sulisitsisuminnik ukiuni arlalinni
akissarsiakitsitaasimasut SIK
aqqutigalugu eqqartuussivimmut
suliassanngortitsipput. 372.000
koruunit taarsissutiginissaat piumasaqaatigineqarput.
Sapaatip-akunnerani 29-mi AGmi saqqummertumi eqqartuussivimmut suliassanngortitsineq
allaaserineqarpoq. Sapaatipakunnerani 30-mi filippinerit arnat marluk apersorneqarnerat
AG-mi allaaserineqarpoq. Taakku
misigisimasatik AG-mut oqaluttuarerusullugit saqqummerput.
- Suliamut
ingerlasumut akuliunneq ajorpugut, politikkitsinnulli taamaallaat
isummersinnaavugut. AG aqqutigalugu suliaq taamaallaat ilisimasaqarfigaarput,
ataatsimulli isigalugu pisoq akuerineqarsinnaanngilluinnarpoq. Pisut tamakku
ilumoorpata oqartussaasut qisuariarsimanngillat. Taava inuit uagut
oqartussatsinnut akisussaaffillit nassuiaaniarnissaat ajornakusuussaaq, Pele
Broberg oqarpoq.
Oqartussat
kisiisa Pele Brobergip isornartorsiunngilai, aammali aningaasaqarnermut
akileraartarnermullu naalakkersuisoq Erik Jensen (Siumut) isornartorsiorpaa:
-
Naalakkersuisut Erik Jensen siuttoralugu nunanit allanit
suliartortitsisinnaaneq annertuumik ajornannginnerulersippaat. Inuit
nunatsinnut tikittut tamaasa nakkutigisinnaanngilavut, tamannalu sulisitsisut
ilaasa sulinermi pissutsit ajortut atuutsinnissaannut periarfissatut
isigilersimanerannik kinguneqarpoq, Pele Broberg oqarpoq.
Nunanit
allaneersut suliartortarnerat pissutigalugu kalaallit akissarsiaannut tatisisoq
Pele Broberg isumaqarpoq.
- Kalaallit
sulisartut qanoq ilillutik akissarsiaqarnerulernissartik sulinerminnilu
atugassarititaasut pitsaanerulernissaat neriuutigisinnaavaat, piffissami akit
aningaasartuutillu qaffakkiartuinnarneranni nunanillu allaneersut nunatsinnut
tikittartut amerliartuinnarneranni?, oqarpoq.
