KL

DK

Naja Kleist Airbnb-nik pequsersuinermik maanna neqerooruteqarpoq

– Pequsersuineq pisattallu qanoq atorlugillu allatut katitersinnaanerat pikkoriffigaara, oqarpoq.

Naja Kleistip nutaamik suliniuteqarnermigut Airbnb-nik pequsersuineq neqeroorutigaa. Mittarfittaaq airbnb-nik amerlanerusunik pisariaqartitsinermik pilersitsiumaartoq upperaa. Una Airbnb Sermersooq Seafood sinnerlugu pisatsersoqqammerpaa.
Poul Krarup Freelance Journalisti
Saqqummersinneqarpoq

Naja Kleist pisiniarfiutini Kop og Kande – Nice – Nuummiittoq Sisimiuniittorlu pingaarnertut ilisimaneqaatigai. Allarpassuarnilli aamma suliniuteqarpoq, panini Aviaq Kleist Nuuk Foodimeersoq qatanngutinilu Jens Kleist Sermersooq Seafoodimeersoq ikiortarpai.

Naja Kleist pisiniarfiutini Kop og Kande – Nice – Nuummiittoq Sisimiuniittorlu pingaarnertut ilisimaneqaatigai. Allarpassuarnilli aamma suliniuteqarpoq, panini Aviaq Kleist Nuuk Foodimeersoq qatanngutinilu Jens Kleist Sermersooq Seafoodimeersoq ikiortarpai.

Kop og Kande / NICE angerlarsimaffimmi pisattanik soorlu iggavimmi atortunik tuniniaasoq pisiniarfiuvoq qalipaatigissoq meqqinillu assigiinngitsorpassuarnik nioqquteqartoq, Facebookimi allassimavoq.

Maannali Naja Kleistip niuertarfini ilallugu angerlarsimaffinnik, najukkanik niuertarfinnillu pisatsersuinermik neqerooruteqalissaaq.

Pequsersuineq pillugu suliniut nutaaq

Aallaqqaammut Airbnb-nik ingammik Nuummiittunik pisatsersuisalerpoq.

– Mittarfittaap ammarneranut atatillugu sulisartut, takornariat ilaquttallu Nuummukaasalerpata unnuisarfiit allaanerusut pisariaqartinneqalissasut malugisinnaavara, taamaammallu Airbnb akikikkami aaqqiissutaalluarsinnaavoq, Naja Kleist oqarpoq, siullertullu Airbnb Tuapannguaniittoq Sermersooq Seafood qatanngutaanit Jens Kleistimit piginneqataaffigineqartoq sinnerlugu pisatsersorsimallugu ilisimatitsivoq.

– Sulisunut najukkaminniit suliffimminnut utimullu angalaqattaartartunut unnuiffissamik ppisariaqartitsipput, Naja Kleist oqaluttuarput.

Tassunga atatillugu Namminersorlutik Oqartussat kommuunillu Danmarkimiit tikisitsinatik nittartakkakkullu pisinatik kalaallit pisiniarfiutaat minnerit pisiffigisassagaat neriuutigaa.

– Kop og Kande Nicemi iluanaarutit Kalaallit Nunaanniiginnassapput. Niueriuseq immikkuullarippoq, tassani uanga nioqqutissat suut pisiniarfitsinniissanersut aalajangertarpakka. Najugaqavissunik sulisoqaratta aningaasat kaaviiaartitagut sapinngisamik nunatsinniiginnartinneqarput.

– Nioqqutissanut nuannarisanullu allanngorartunut malinnaaniarluta Kop og Kandemi nioqqutissat sapinngisamik nutarsarniarsarisarpagut. Soorlu aamma kalaallit nioqqutissaataannik Kop og Kandeni Danmarkimiittuni pisiarisinnaanngisannik peqartartugut.

– Pisisartut ilisimannittut nutarsaajuarnerput nuannaraat, Naja Kleist oqaluttuarpoq.

Paniata kaffisorniartarfia

Naja Kleistip pisatsersuinermik misilittakkaminik atuiffigisimasaa alla tassaavoq paniata - Aviaq Kleistip ningaavatalu Mark Walship - Nuuk Centerimi kaffisorniartarfittaavat, tassani pequttani assinillu Kop og Kande/Nice-mi pisiarineqarsinnaasunik pisatsersuisimavoq.

Tassaavoq Neko, Panasonic Centeriusimasullu inaani inissisimavoq.

Aviaq Kleist Nuuk Foodimi Industrivejimiittumeersutut ilisimaneqarneruvoq, Aviaq Kleistillu kaffisorniartarfittaamini Nekomi nioqqutigisani iggavimmi Industrivejimiittumi sanasarpai.

Immikkut sananeqartartut ilagaat Sushit nunatta pissarititaanik akullit, taakkulu mamarineqarlualereerput. Aviaq Kleist nerisassanut tamanut naqqaniit sananeqartartunut igasussamik tikisitsinikuuvoq.

Nekomi aamma seernarsaat atorlugu qaqortulianik suppanillu nammineq sanaanik sassaalliisoqartarpoq. Iffiukkat tamarmik nammineq iffiugaapput uunnataannaanngillallu, tamannalu kaffisorniartarfinniit allaniit immikkoorutigalugulu iluatsissutigaa, Naja Kleist oqaluttuarpoq.

Odensemiittoq matusoq

Naja Kleistip pisiniarfiutiminik Nice livingimik ateqartumik Odensemiittumik matusineranut Kalaallit Nunaanni suliniutit nutaat paniatalu kaffisorniartarfittaava peqqutaaqataapput. Pisiniarfimmi Odensemiittumi pisattat paniata kaffisorniartarfittaavanut Nuummiittumut tunineqarpoq. Nioqqutissallu sinneri Odensemi tunineqanngitsut Kalaallit Nunaannut nassarlugit Kop og Kandemi tuniniarneqarput.

– Pisiniarfiutima Odensemiittup maanna matuneranut peqqutit arlaliupput. Ilaatigut pisiniarfimmi pisattat Aviap pisiariumammagit, ilaatigullu pisiniartugut amerlanerulerniassammata suliffeqarfinnik minnernik ingerlatsisut Odensemiittut atugassarititaat siunnersuisoqatigiinni ilaasortap pitsanngorsaavigiumanngimmagit. Taamaammat nukissama pisiniarfinni Kalaallit Nunaanniittuni atornissaat aalajangerpara, Naja Kleist oqaluttuarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

erhverv airbnb inuussutissarsiutit nuuk kop og kande

ATORFIIT Se alle jobs

Powered by Labrador CMS