PISORTAANERIT

Namminersorlutik Oqartussat suliffeqarfiutaanni pisortaanerit ima akissarsisarput

Royal Greenlandimi pisortaaneq Susanne Arfelt Rajamand 8 millionit koruunit missaannik akissarsiaqarpoq, 2023-milu Namminersorlutik Oqartussat suliffeqarfiutaanni akissarsiaqarnerpaalluni. Tusassimi, KNI-mi Air Greenlandimilu pisortaanernit marloriaammik akissarsiaqarneruvoq

Susanne Arfelt Rajamand, Royal Greenland, fik sidste år to millioner kr. i sign-on fee og en million kroner i bonus.
Susanne Arfelt Rajamand, Royal Greenlandimiittoq, siorna millioninik marlunnik koruuninik atorfininnermini ajunngitsorsinermi saniatigut millioninik aamma ajunngitsorsivoq.

Namminersorlutik Oqartussat suliffeqarfiutaanni pisortaanerit millionikkaanik akissarsisinneqarsimanerannik ukiup ingerlanerani naatsorsuiffiusoq nallerpoq.

Ingerlatseqatigiiffiit, aktiaatileqatigiiffiit 2023-mut naatsorsuutitik sapaatit akunnerini kingullerni saqqummiuppaat. Namminersorlutik Oqartussat ingerlatseqatigiiffiutaannut annerpaanut ilaasut tassaasut Royal Greenlandimi, Royal Arctic Linemi, KNI, Tusassimi aamma Air Greenlandimi pisortat akissarsiaqarnerpaapput.

PISARTAGAQARTUNUT

Allaaserisaq una Nutaarsiassaqartitsivimmi aviisit naqitat ilaanni allaaserisaavoq.

Allaaserisat pisartagaqartunit siunissami taamaallaat atuarneqarsinnaajumaassapput.

Atuarluarna.

Susanne Arfelt Rajamand, Kalaallit Nunaanni suliffeqarfiit annersaanni, Royal Greenlandimi, 5,8 milliardit koruuninik kaaviiaartitaqartumi 2.300-nillu sulisulimmi, pisortaaneq 8,1 millionit koruuninik akissarsiaqarnermigut pisortaanerit akornanni akissarsiaqarnerpaavoq. Tusassimi, KNI-mi Air Greenlandimilu pisortaanernit marloriaammik akissarsiaqarneruvoq.

Tusassimi pisortaanerusimasoq Kristian Reinert Davidsen 4 millionit koruunit sinnerlugit siorna akissarsiaqarpoq, KNI-milu pisortaaneq Jeppe Jensen 4 millionit koruuninik akissarsiaqartoq Air Greenlandimi pisortaaneq Jakob Nitter Sørensen siorna 3,8 millionit koruuninik akissarsisimavoq.

Namminersorlutik Oqartussat ingerlatseqatigiiffiutaasa annerpaat 2023-mi ukiumut naatsorsuutit aallaavigalugit Sermitsiap kisitsinerani tamanna paasinarsivoq.

KNI ukiumi naatsorsuusiorfiusumi kingullermi 2022-23-mi 3 milliardit koruuninik kaaviiaartitaqarpoq, Air Greenlandip aamma Tusassip siorna kaaviiaartitaat 1,7 milliardit koruuniupput, Tusassillu 823 millionit koruuniullutik.

Aningaasarsiat

Sermitsiap naatsorsugai aningaasarsianut aalajangersimasunut nikerartunullu kisitsisineersuupput. Suliffeqarfiit pisortanit pigineqartut, tassa aktiaatileqatigiiffiit, pisortat naatsorsuutaannut atatillugu paasissutissanik taamaattunik saqqummiussinissamut pisussaaffeqarput.

Susanne Arfelt Rajamandip, 2023-mi februaarip aallaqqaataani atorfinitsitaasup, akissarsiai assigiinngitsunik arlalinnik malunnaateqarput. Taassuma Royal Greenlandimi atorfininnissamik isumaqatigiissuteqarnerata sign-on-imik taaneqartartumik, imaluunniit kalaallisuunngorlugu atorfininnermi ajunngitsorsineq, ukiumut aningaasarsiaasa annertunerujussuunerat siullertut maluginiagassaavoq.

Royal Greenland naapertorlugu Susanne Arfelt Rajamand nunarsuarmi immummik tunisassiornermik suliffeqarfiit annersaasa ilaanni Fonterrami New Zealandimeersumi pisortatut atorfimminit soraarnissaanut aningaasat ataasiartumik tunniunneqarnissaat pisariaqarsimapput. Taanna Fonterrap Asiap kangiata kujasissortaani immikkoortortaqarfiani Singaporimi pisortatut 2.500-nik sulisoqartumeerpoq.

Aningaasat, tassa atorfininnermi akiliut, 2 millionit koruuniupput. Taakku saniatigut aalajangersimasumik 1 millionit koruuninik ajunngitsorsisarpoq. Susanne Arfelt Rajamand, nunatsinni inuussutissarsiornermi pisortani qullersaasoq, aalajangersimasumik 5,1 millionit koruuninik aalajangersimasunik akissarsiaqarpoq, ajunngitsorsiallu ilanngullugit 8,1 millionit koruuninik aningaasarsisimalluni.

Hammekenip 5,7 millionit koruunit isertippai

Tulliulluni inissippoq Royal Arctic Linemi, RAL-imi, maanna pisortaanerusimasoq Verner Hammeken. Taanna katillugit 5,7 millionit koruunit angullugit akissarsiaqarpoq, ajunngitsorsiassat soraarnermilu isumaqatigiissutit ilanngullugit. RAL siorna 1,1 milliardit koruuninik kaaviiaartitaqarpoq.

Hammeken RAL-imi pisortaanertut 2023-mi septembarip naanerani tunuarpoq. Niels Clemensenip taanna taarserlugu siorna, ajunngitsorsiassat ilanngullugit, 2,5 millionit koruunit akissarsiarisimavai.

Jeppe Jensen ajunngitsorsinngilaq

Jeppe Jensen, KNI, får ikke bonus.
Jeppe Jensen, KNI-miittoq, ajunngitsorsiaqanngilaq.

Royal Greenlandimi pisortaaneq Susanne Arfelt Rajamand akissarsiami 8,1 millionit koruunit saniatigut akeqanngitsumik biileqarpoq, oqarasuaat, internet aamma akeqanngitsumik aviisinnattarluni. Soraarnerussutisiassanili nammineq akilertarpai.

Tusassimi Kristian Reinert Davidsenip soraarnerussutisiassai aamma ajunngitsorsiai ilanngullugit akissarsiai 4 millionit koruunit missaanniipput. Sulinermini aamma allatigut ajunngitsorsiaqarpoq, soorlu suliffiup biilii, naatsorsuutini atuarneqarsinnaavoq.

KNI-mi pisortaanerup Jeppe Jensenip akissarsiaanut 4 millionit koruuninut aamma soraarnerussutisiassat ilaapput, ajunngitsorsiaqaranili. Pisortaaneq suliffiminit biileqarpoq.

Jacob Nitter: Siunissami ajunngitsorsiassat naagga

Jacob Nitter Sørensen, Air Greenlandimiittoq, 2023-mi 200.000 koruuninik ajunngitsorsivoq.

Eqqaaneqareersutut Air Greenlandip pisortaanera Jacob Nitter Sørensen siorna 3,8 millionit koruuninik akissarsivoq, taakkunannga 200.000 koruunit ajunngitsorsiaallutik. Nammineq soraarnerussutisiani akilertarpai akeqanngitsumillu biileqarluni. Nitter Sørensen ukioq manna ajunngitsorsisarunnaarpoq. Ajunngitsorsinissani kissaatiginngilaa, Sermitsiamut oqarpoq.

Royal Arctic Linemi pisortaaneq Niels Clemensen siorna katillugit 2,5 millionit koruuninik akissarsiaqarlunilu ajunngitsorsivoq. Ajunngitsorsiai 400.000 koruuniupput.

Kalaallit Airports Holdingimi pisortaaneq Jens R. Lauridsen katillugit 2,2 millionit koruuninik akissarsiaqarpoq. KAIR-imi siulersuisunut ilaasortaanermini aamma ajunngitsorsiassanik, soorlu sulisut sillimmasiissutaannik, internetimik oqarasuaatinillu atuiffiusumik angerlarsimaffimmi suliffeqarnermut kiisalu ukiumoortumik nalunaarusiami allassimasutut "atuiffiit pisariallit“ akilerneqartarput.

Kalaallit Airports Holding siorna 23 millionit koruuninik kaaviiaartitaqarpoq.

Powered by Labrador CMS