Aallarnisaasut
Nuummeersut aallarnisaasut sulliviannut Blue Water Shippingip
inaataani 544 kvadratmeterisut annertussusilimmi
inissisimasumiittumut inissinnissamut qanittukkut
periarfissaqalissapput, tassani inuussutissarsiornermut
siunertalinnik containernik inissiisinnaassapput, ininullu
annertuunik aningaasartuuteqarnatik suliffeqarfimminnik
aallartitsisinnaalissapput.
- Aallarnisaasut amerlanerusut aningaasartuuteqarujussuarnatik isumassarsiaminnik piviusumi misileraanissaannut periarfissikkusuppagut. Aporfissaajaanissaq avatangiisinillu aallarnisaasut ineriartorfigisinnaasaannik pilersitsinissaq matumani siunertaavoq. Suliffeqarfillu alliartulerpat illoqarfimmi inini inuussutissarsiutinik ingerlatsiviusunut nuussinnaanerat eqqarsaataavoq, aallarnisaasut peqatigiiffiani siulittaasoq, Napaartooq Petrussen oqarpoq.
Aallarnisaasut
Nuummeersut aallarnisaasut sulliviannut Blue Water Shippingip
inaataani 544 kvadratmeterisut annertussusilimmi
inissisimasumiittumut inissinnissamut qanittukkut
periarfissaqalissapput, tassani inuussutissarsiornermut
siunertalinnik containernik inissiisinnaassapput, ininullu
annertuunik aningaasartuuteqarnatik suliffeqarfimminnik
aallartitsisinnaalissapput.
- Aallarnisaasut amerlanerusut aningaasartuuteqarujussuarnatik isumassarsiaminnik piviusumi misileraanissaannut periarfissikkusuppagut. Aporfissaajaanissaq avatangiisinillu aallarnisaasut ineriartorfigisinnaasaannik pilersitsinissaq matumani siunertaavoq. Suliffeqarfillu alliartulerpat illoqarfimmi inini inuussutissarsiutinik ingerlatsiviusunut nuussinnaanerat eqqarsaataavoq, aallarnisaasut peqatigiiffiani siulittaasoq, Napaartooq Petrussen oqarpoq.
Peqatigiiffillu
aallarnisaasut aalajangiisartullu akornanni attaveqaatissiisoq Sakkut
Nuummi 50-it missaannik maanna ilaasortaqarpoq, nunalu tamakkerlugu
siaruarnissaq soqutigisaralugu. Nuummi aallarnisaasut sulliviat
aqqutigalugu peqatigiiffik siullermeerluni initatigut
sinaakkutissaqalissaaq, tassanilu isumassarsiat
piviusunngortinneqarsinnaassapput.
- Manna aallaqqaataannaavoq. Sulliviup kateriffinngorluni aallarnisaasunut naapiffiulluni, ikioqatigiiffiulluni, ataatsimoorlunilu kalaallit suliffeqarfiinik nutaanik pilersitsiviunissaa neriuutigaarput, Sakkut siulittaasuat oqarpoq.
Piujuartitsinermik
nutaaliornermillu aallutaqarneq
Napaartoq
Petrussenip, Sassuma Seasaltiliornermik aallarnisaanermik
misilittagalik, aallarnisaasuaqqat aporfinnik unammillernartunillu
nalaataqarsinnaasarnerat ilisimasaqarfigaa. Aallarnisaasut
sullivianni nutaami aallarnisaasut nutaanik ineriartortitsinissamik
pingaarnerutitsisut salliutinnissaat toqqarpaat.
- Taakku tassaasinnaapput nerisassanik inuussutissanik, piujuartitsinermik periutsinillu nutaanik aallarnisaanermi suliniutit. Suliffeqarfiit peqataarusuttut aallarnisaasut peqatigiiffianni Sakkuni ilaasortaassapput, namminnerlu containerimik nassatassaqassallutik. Attartornermi akiliutit appasittuutinneqassapput, taamaalillunilu kikkut tamarmik – 20 40 fodimilluuniit containerimi aallartitsinerat apeqqutaatinnagu – peqataanissamut periarfissinneqassallutik, Napaartoq Petrussen oqarpoq.
Food Lab
aallarniutitut
Sakkut
Kommuneqarfik Sermersuumik suleqateqarpoq, tassanilu Food labimik,
aallarnisaasut igaffimmi atortunik attartorlutik periutsinik nutaanik
misileraavigisinnaasaannik pilersitsinissaq sulissutigineqarpoq.
Tassanilu kalaallit nioqqutissiassaannik toqqammaveqartunik street
foodimit tunisassianik ineriartortitsinermik misileraanissamut
periarfissaqartitsisoqassaaq.
- Taamaalillutik illoqarfiup innuttai aallarnisaasut sulliviannukarlutik suut nerisinnaanerlugit takusinnaavaat – soorlu nunani allani street foodini tamanna takuneqarsinnaasoq, Napaartoq Petrussen oqarpoq.
Avammut
tunisassiornermut ikaarsaarfik
Blue Water
Shippingimik isumaqatigiissuteqarnikkut aamma tunisassianik nutaanik
ungasinnerusoq isigalugu avammut niuerutinngorsinnaasunik
periarfissat pilernersut, Sakkuni siulittaasup nassuiaatigaa.
- Blue Water Shipping piffinnik atugassiiginnanngilaq – taakku aamma aallarnisaasut alliartorlutik ungasinnerusoq isigalugu avammut niuerutissanik tunisassianik pilersitsisinnaanerat aamma takusinnaavaat. Taamaalilluni sullivik piffinni suliffeqarfinnut nunarsuarmi niuerfinnut anngunnissamik sinnattoqartunut alloriarfinngorsinnaavoq, Napaartoq Petrussen naggasiilluni oqarpoq.
