Atortussanik
nerisassanillu pisiniarfik Pisiffik A/S, Nunatta Karsianut 308
millionit koruuninik akileraarutinik akitsuutinillu siorna
akiliuteqarsimavoq.
Taakku ukiup siulianut naleqqiullugit
amerleriarnerujussuupput, tassami ukiup siulianut naleqqiullugu 100
millionit koruuningajannik amerlanerusunik Nunatta ineriartorneranut
inuunerissaarnermullu akiliuteqarsimagami, siornami
akiliutigineqartut 206 millionit koruuningajaagamik.
Atortussanik
nerisassanillu pisiniarfik Pisiffik A/S, Nunatta Karsianut 308
millionit koruuninik akileraarutinik akitsuutinillu siorna
akiliuteqarsimavoq.
Taakku ukiup siulianut naleqqiullugit
amerleriarnerujussuupput, tassami ukiup siulianut naleqqiullugu 100
millionit koruuningajannik amerlanerusunik Nunatta ineriartorneranut
inuunerissaarnermullu akiliuteqarsimagami, siornami
akiliutigineqartut 206 millionit koruuningajaagamik.
Nunatsinni
pisiniarfik atortussanik tuniniaasoq annerpaaq Pisiffik, ilaatigut
pisiniarfinnik ataatsimoortunik pigineqartunik ukuninnga
ingerlataqartoq, Pisiffik, Spar, Akiki, Torrak Fashion, Jysk aamma
Ilva, ukiumoortumik naatsorsuutiminni atasinnaassutsiminnik 2024-mut
nalunaarusiaminni taama allapput.
Pisiffik:
- Pingaarutilimmik inissisimavugut
Taamaalilluni
ingerlatseqatigiiffiup akileraarutitigut akitsuutitigullu
akiliutaasigut takuneqarsinnaasutut Pisiffik inuiaqatigiit
ineriartorneranni qitiusumik inissisimavoq. Nioqqutissanik
ulluinnarni atugassanik pilersuisutuinnaanngitsoq, aammali
suliffeqarfittut, ullut tamaasa kalaallit ataatsimoornerannut
iluaqusiisartutut, Pisiffik taama allappoq.
-
Nalunaarusiatsinni allakkatta, ukiup siuliani Kalaallit
aningaasaqarnerannut pingaarutilimmik tapersiisimalluta – ukiup
siulianit 100 millionit koruunit sinnerlugit amerlanerusunik –
taamaalilluta immami minittornernik pilersitsivugut,
ataatsimoornernullu peqataaffigeriikkatsinnut periarfissanik
pitsanngorsaaqataalluta, pisortaaneq Per Steen Larsen Sermitsiamut
oqarpoq.
- Nalunaarusiatsinni allakkatta, ukiup siuliani Kalaallit aningaasaqarnerannut pingaarutilimmik tapersiisimalluta – ukiup siulianit 100 millionit koruunit sinnerlugit amerlanerusunik – taamaalilluta immami minittornertut ittunik pilersitsivugut, ataatsimoornernullu peqataaffigeriikkatsinnut periarfissanik pitsanngorsaaqataalluta, pisortaaneq Per Steen Larsen Sermitsiamut oqarpoq.
Assi: Pisiffik
Pisiffik
suli aningaasarsiorluarpoq. Pisiniarfiutileqatigiit 2024-mut
naatsorsuutai sinneqartoorfioqqipput. Tassa akileraarutit
akilerneqareerneranni. Akileraarutitigut sinneqartoorutit 25
millionit koruuniupput, 2023-mi 14 millionit koruuniusimallutik.
Ilanngaatigineqartussat
ilanngaatigereerlugit kaaviiaartitat siorna 1 milliardit aamma 456
millionit koruuniupput,
ukiup siulianit amerlanerulaarlutik. Ingerlatseqatigiiffiup
oqaluttuarisaanerani Pisiffik aatsaat taama kaaviiaartitaqartigaaq.
Atasinnaassutsimut
nalunaarusiami aamma takuneqarsinnaasutut 2024-mi ilitsersuisunik
nutaanik 22-nik ilinniakkaminnik naammassinnittoqarpoq, taakkulu
pisiniarfimmi sulisut allat peqatigalugit inuusuttunik 42-nik
nutaamik suliffeqalersitsisimallutik Pisiffimmilu
qaffakkiartornissaminnut periarfissinneqarlutik.
Pisiffik
ukiup naanerani 756-inik sulisoqarpoq, tassa arnanik 379-inik aamma
angutinik 364-inik. Aqutsisut 45 procentii angullugit arnaapput.
