Polar Seafood Norgemiunik kilisaataatileqatigiinnik nukittuunik suleqateqalersoq

Kilisaataatileqatigiiffiup Chrismap kilisaataatileqatigiit Arctic Pioneer, Kvitungen aamma Polar Pioneer pingaarnertut piginneqataasumit Per Thore Kraknesimit pisiarai.

Pisineq Norgep avannaani kilisaataatileqatigiiffiup nutaap pissaaneqarluartup, Tromsømi qullersaqarfeqartup aallartinnera malunniuteqarluassasoq Chrisma tusagassiuutinut nalunaarummini allappoq.

Nukariit Haakon Kjile Pettersen aamma Karl Olav Kjile Pettersen pingaarnertut piginnittoralugit aqutsisunilu ilaatinnerisigut tamanna pivoq.

Tamanna Chrismap tusagassiuutinut nalunaarummini oqaatigaa.

Polar Seafood Denmarkip suliffeqarfiutaa Polar Seafood Norway piginneqataanerminik ingerlatitseqqittussanngorlunilusuleqataalluartussatut nalunaarutigineqarpoq.

Polar Seafood Norwayip, Danmarkimeersumit Polar Seafood Denmarkimit pigineqartup, nalunaarummi oqaatigineqartutut piginneqataassutini ingerlateqqillugillu suleqatitut nukittuutut piginneqataavoq.

- Taakkua Chrisma peqatigalugu misilittagaqarnerulerlutillu patajaannerulissapput, minnerunngitsumillu tuniniaaffinnut isersinnaalissallutik, Chrisma allappoq.

Polar Seafood Denmark, Aalborgip eqqaani Vodskovimi qullersaqarfeqartoq, Polar Seafood Greenlandimillu affarmik pigineqartoq, Norgemi saattuarniartitseqatigiinni

pingasuni maannamut piginneqataasimanermisut piginneqataavoq, tassa 40 procentimik.

Polar Seafoodimi pisortaq: - Aaqqissuussineq patajaalluinnartoq

- Kilisaataatileqatigiiffimmut nutaamut Chrisma peqatigalugu aaqqissuussaq patajaatsoq peqataaffiginiarlugu ilannguppugut, Henrik Leth, Polar Seafood Denmarkimi pisortaaneq, Sermitsiamut oqarpoq.

Saattuarniarneq maannamut amigartoorutaasartoq Chrismamik suleqateqalernikkut iluanaarutaalersinnaassasoq taanna isumaqarpoq.

Kilisaataatileqatigiit pingasuusut kilisaataatigaat «Arctic Pioner», «Kvitungen» aamma «Polar Pioneer», taakku ukioq manna pisassiinermi siullermi Norgemi aalisarnermut tunngasunik aviisi Fiskeribladet naapertorlugu umiarsuit taakku pingasut, Arctic Pioneer, Kvittungen aamma Polar Pioneer, ukioq manna pisassiissutinik siullernik tunineqarnerminni katillugit 1.690 tonsinik saarullittassiipput.

Kilisaataatileqatigiit taakku pingasut aalisariutit «Arctic Pioner», «Kvitungen» aamma «Polar Pioneer», taanna ukioq manna siullermeertumik pisassinneqarsimallunilu Norgemi aalisarnermut tusagassiorfik Fiskeribladet naapertorlugu katillugu saattuanik 1.690 tonsinik aalisarsimavoq.

Chrisma aalisariummik »Tromsbas« saattuanik 700 tonsinik tulaassisimasumik piginnittuuvoq. Tromsbas saattuarniarnermi ingerlatsisut annerpaat ilagaat .

Sermitsiap siorna novembarimi allanneratuut ingerlatseqatigiiffissuaq ukiualuit matuma siornagut Barentip imartaani saattuarniarnermi peqataalermalli Polar Seafood Denmark katillugit 200 million koruuninik amigartooruteqarpoq .

- Maannamut aningaasaliiffigisatsinni amigartoorutit annersaraat, pisortaaneq Henrik Leth taamanikkut nassuerpoq .

200 million koruuninik nalikilliliisoq

Kalaallit Nunaanniit Polar Seafood Greenland Islandimiillu Brim tamarmik Polar Seafood Denmarkimi 50 procentimik piginnittuupput.

Amigartoorutit 200 million koruunit affai Polar Seafood Greenlandimit, Miki Brønsimit, Bent Sallingimit Laila Sallingimillu pigineqartumit, tiguneqarput.

Aningaasat Polar Seafood Denmarkip Polar Pioneerimut, Arctic Pionerimut Kvitungenimillu aalisariutinik ingerlatsinermi aningaasaliinissamilu anigaasaliissutitut taarsigassarsiaritippai.

Maligassiuisut

Kilisaataatileqatigiit, Polar Seafood Denmarkimit 40 procentimik pigineqartut, maannamut annertuumik amigartoortarsimapput. Polar Seafood Denmarkip 200 millionit koruunit ukiunilu siuliini saattuarniarnermi niuermik ingerlatsinerit ingerlatseqatigiiffissuup 2024-mut naatsorsuutaanit nalikillivai.

Ilaqutariit Pettersen aamma Kraknes Norgemi saattuarniarnermi maligassiuisuupput, ukiullu kingulliit qulit ingerlaneranni aalisarnermik ingerlatsisuni annerpaanut ilaallutik.