KL

DK

Polar Seafoodip Nuummi raajanik tunisassiornini annertusarpaa

Nuummi raajaleriffimmi sulisut ukioq kaajallallugu suliaqarnissaat qularnaarniarlugu, Polar Seafood A/S-p raajanik nunat allat imartaanni pisanik tigooraaneq annertusivaa.

Polar Seafoodip Nuummi raajaleriffia ukioq manna raajanik 2.500 tonsinik nunat allat imartaanni pisarineqartunik, siusinnerusukkullu Islandimut Norgimullu nassiunneqartartunik tigooraavoq.
Tusagassiortoq
Saqqummersinneqarpoq

Nunarsuarmi raajanik uutanik qalipaajakkanillu siaruarterisut annersaat Polar Seafood nunatsinni suliffissaqartitsinermik qularnaarinnittumik periutsiminik allannguivoq.

Raajat nunat allat imartaanni pisarineqartut siusinnerusukkut Norgimi Islandimiluunniit suliarineqartussanngorlugit nassiunneqartartut, maanna annertunerusumik Polar Seafoodip Nuummi raajaleriffianut nassiunneqartalerput.

- Nuummi tunisassiorfitsinni sulisuvut annertuumik nersugassaapput. Taakku nunarsuup sinnerani unammillersinnaallutik sullipput. Nunat allamiut raajaataannik maanna nunatsinni suliarinittalernitta ukioq kaajallallugu aalaakaasumik suliaqarnissaannik neqeroorsinnaalernitsinnik kinguneqarpoq, Polar Seafoodimi pisortaaneq Bent Friis-Salling oqarpoq.

2.500 tonsit

Ukioq mannaannaq nunat allat imartaani pianik 2.500 tonsinik Nuummi tunisassiorfitsinnut tulaassivugut, aalisartitseqatigiiffinni inuinnarnit pigineqartuni annersaq tusagassiuutinut nalunaarummini allappoq.

Taamattaaq Polar Seafoodip raajat amerlanerusut nammineq kilisaatimini suliassaagaluit Nuummi suliffissuarmi suliarineqartussanngorlugit nassiunissaat pingaarnerutippaa. Peritsimillu allannguineq ima nassuiarneqarpoq, “raajartassat apparneqarput, Nuummilu tunisassiorfik ukioq kaajallallugu raajanik naammattunik tunisassiassaqassanngikkaluarpoq”.

- Sulisut pitsaasut tunniusimasullu pigiinnassagutsigit aamma uagut nammineq taakkununnga suliffeqarfittut pitsaasuullutalu aalaakkaasuusariaqarpugut. Ukiorlu kaajallallugu suliffeqarsinnaanerannik neqeroornitsigut taamaassaagut, Bent Friis-Salling oqarpoq.

Tunisassiat annertusinerat

Raajat avataanit eqqunneqartut ullumikkut Nuummi raajat suliarineqartartut 10 aamma 15 procentit missaannik annertussuseqarput. Raajat Polar Seafoodip nammineq umiarsuaataanit tulaanneqartut peqatigalugit, tamatuma Nuummi tunisassiorfiup 2024-mi tunisassiamik 25 procentinik amerleriartitsivoq.

nuuk miki brøns inuussutissarsiutit erhverv rejer polar seafood strategiskifte

ATORFIIT Se alle jobs

Powered by Labrador CMS