Ilulissani
PolarExpo ukiut marluk qaangiuppata aaqqissuunneqaqqissaaq. Ukioq manna
Ilulissani piniarnermut, aalisarnermut piniarnermullu nittarsaassineq 1900-t
missaanniittunik akiliillutik peqataaffigineqartoq naammassineqarmat Avannaata
Kommunia aamma Aalborg Kultur- og Kongrescenter taama nalunaarput.
Ukioq
alllorlugu nittarsaassineq annertooq aaqqissuunneqartartoq siunissami suli
anginerulissasoq Avannaata Kommuniani borgmesteri Palle Jerimiassen oqarpoq.
Ilulissani
PolarExpo ukiut marluk qaangiuppata aaqqissuunneqaqqissaaq. Ukioq manna
Ilulissani piniarnermut, aalisarnermut piniarnermullu nittarsaassineq 1900-t
missaanniittunik akiliillutik peqataaffigineqartoq naammassineqarmat Avannaata
Kommunia aamma Aalborg Kultur- og Kongrescenter taama nalunaarput.
Ukioq
alllorlugu nittarsaassineq annertooq aaqqissuunneqartartoq siunissami suli
anginerulissasoq Avannaata Kommuniani borgmesteri Palle Jerimiassen oqarpoq.
Timersortarfissuarmik
ataatsimeersuarnerni, saqqummersitsinermi nittarsaassinernilu angisuuni
atorneqarsinnaasup sanaartornissaa pilersaarutaasoq borgmesterip ukioq manna
ammaanersiorluni oqalugiarnermini oqaatigaa. Ilulissani mittarfissuup 2026-mi
atulertussaq ilutigalugu PolarExpop siunissami suli anginerulernissaanut
periarfissaqalissaaq.
-
Avannaata Kommuniani innuttaasut 3000-it aalisarnermik
inuussutissarsiuteqarput, aalisarnerlu nunatsinni inuussutissarsiutitut
pingaarnerpaavoq. Avannaata Kommuniani inuussutissarsiutit ineriartorluarput.
Kommunitut ineriartorneq tamanna tapersersortuarnissaa kissaatigaarput,
ilaatigut aaqqissuussinernut ima ittunik periarfissanik amerlanerusunik
pilersitsinikkut, Palle Jerimiassen oqarpoq.
Pimoorussineq
annertooq
Aalborg
Kultur- og Kongrescenter PolarExpomi teknikkikkut aaqqissuussisuuvoq, tassanilu
aamma ukioq manna nittarsaassineq naammagisimaarneqarluarpoq.
-
Oqalugiartut, nittarsaassisut peqataasullu pimoorussilluarnerat PolarExpomik
immikkut ittunngortitsivoq. Nittarsaassinerlu aammaarluni iluatsilluarpoq.
Nittarsaassisut nittarsaassivimminni nukippassuarnik atuisimanerat ersarippoq.
Nittarsaassineq pilersaarutit malillugit ingerlavoq, nittarsaassiffiusunilu
uummaarissoqarlunilu alakkarterilluartoqarluni, tamannalu soorunami
nuannaarutigeqaarput, AKKC-miit Else Herfort, PolarExpomi ataqatigiissaarisoq
oqaluttuarpoq.
-
Piujuartitsisumik aalisarneq ilisimasanillu avitseqatigiinneq PolarExpomi ukioq
manna sammineqarluarput. Nittarsaassinerup ingerlanerani saqqummiussinerit,
workshoppit oqalliseqatigiinnerillu amerlasuut peqataaffigineqarput, taakkunani
aalisartut, piniartut, ilisimatusartut politikkerillu Kalaallit Nunaanni
aalisarnerup siunissaa pillugu pingaarutilinnik oqallinnissamut
katersuutsinneqarlutik.
-
Piujuartitsilluni aalisarneq Kalaallit Nunaata siunissaanut qanoq
pingaaruteqartigisoq nittarsaassisunit peqataasuniillu oqallisigineqarpoq,
tassanilu annertuumik tapersersorneqarnera pimoorunneqarneralu
takutinneqarluni. PolarExpo 2024 niuernikkut attaveqaqatigiinnermillu
ineriartortitsinikkut taamaallaat pinnani, aammali piujuartitsilluni aalisarneq
akisussaassuseqarlunilu aalisarneq pillugit siuarsaanermi oqaloqatigiinnerit
iluatsilluarlutik.
Aalisarnermut
inatsit pillugu paasissutissiilluni aalisarnermut piniarnermullu
naalakkersuisoqarfiup ataatsimiititsinera Else Herfortip eqqaavaa. Tassani
naalakkersuisoq Kim Kielsen inatsisit nutarterneqarnerat taakkualu
aalisarnermut sunniutaat pillugit paasissutissiivoq. Ataatsimiititsinermut ima
soqutiginnittoqartigaaq peqataasorpassuit inissaqartinniarlugit aaqqissuussaq
inimut anginerusumut nuutsinneqartariaqarluni.
PolarExpo
tulliuttoq Ilulissani oktobarip arfernani, arfineq-aappaanni
arfineq-pingajuannilu 2026-mi pissaaq.
