GEUS-imi
Aatsitassanut Atortussianullu qitiusumik ilisimasaqarfik (Videncenter for
Mineralske Råstoffer og Materialer (MiMa)), Namminersorlutik Oqartussani
ujarassiornermut immikkoortumik qanimut suleqateqarsimasoq, ukiumut
aningaasaliissutini 3 millionit koruuninik annaasaqarpoq, maannalu
matuneqarluni.
Nittartakkakkut quppernermi nittartakkakkut quppernerup
aningaasaliissutit unitsinneqarnerat, taamaammallu nittartakkakkut qupperneq
nutarterneqartarunnaartoq, naatsumik oqaatigineqarpoq.
GEUS-imi
Aatsitassanut Atortussianullu qitiusumik ilisimasaqarfik (Videncenter for
Mineralske Råstoffer og Materialer (MiMa)), Namminersorlutik Oqartussani
ujarassiornermut immikkoortumik qanimut suleqateqarsimasoq, ukiumut
aningaasaliissutini 3 millionit koruuninik annaasaqarpoq, maannalu
matuneqarluni.
Nittartakkakkut quppernermi nittartakkakkut quppernerup
aningaasaliissutit unitsinneqarnerat, taamaammallu nittartakkakkut qupperneq
nutarterneqartarunnaartoq, naatsumik oqaatigineqarpoq.
Ilisimasanik sanarfineq amigaateqalersussaq
Qitiusumik ilisimasaqarfik ukiuni aqqaneq marlunni atuunnermini aatsitassanik,
ingammillu aatsitassanik qaqutigoortunik ilisimasanik, ilisimatuussutsikkut
allaaserisani, nalunaarusiani, paasissutissiivinni, policy briefsini, atuakkani
atuartitsissutini, tusagassiuutini allaaserisani, inuinnarnut paasiuminartunik
ilisimatuussutsikkut allaaserisani, filmini paasissutissiisuni, qarasaasiakkut
siaruarterinerni, ataatsimeersuarnerni, workshopini, oqartussanik sullissinerni
nunallu tamalaat ataatsimeeqatigiinnerini atorneqartunik annertuunik
sanarfivoq. Nalunaarsukkat Sermitsiap pissarsiai naapertorlugit, qitiusumik
ilisimasaqarfiup sulisui 80-t sinnerlugit atuarfinni,
ilinniarnertuunngorniarfinni, peqatigiiffinni, suliffeqarfinni kattuffinnilu
oqalugiaasiorput, Qallunaat nunaannilu nunanilu allani tusagassiorfinni 150-t
sinnerlugit apersorneqarlutillu immikkut ilisimasalittut oqaaseqarlutik.
– Aningaasaliissutinik appaanani ilisimasat taakku paasineqarnissaannut
siaruarterneqarnissaannullu pisariaqartitsineq annertusisoq, pissutsit
takutippaat, siusinnersukkut qitiusumik ilisimasaqarfimmi pisortaasimasoq,
siunnersuisuuneq soraarneq, Per Kalvig oqarpoq. Ukiarmi Inuit Ataqatigiit sinnerlugit Folketingimut ilaasortap Aaja Chemnitzip
naalakkersuisut taamaaliornerat aatsitassarsiornermut ikorfartuinermut
pinngortitamilu ajunaarnersuarnut tunngatillugu ajuusaarnartumik
oqariartornerusutut taavaa. Sermitsiamilu atuartartut allagaatigut ujarassiuut
marluk Martin Ghislerip Henrik Stendalillu ”MiMap atorunnaarsinneqarnera
Kalaallit Nunaanni aatsitassarsiornissamut periarfissanut ilisimasanut
katersinermi amigalersitsisoq” oqaatigaat.
– Aningaasaliissutit annikillinerannut taarsiullugu ilisimasat taakku paasineqarnissaat siaruarterneqarnissaallu annertusiartortumik pisariaqartinneqartoq pissutsit takutippaat, qitiusumik ilisimasaqarfimmi pisortaasimasoq, siunnersuisuuneq soraarneq Per Kalvig oqarpoq.
Assi: GEUS
Aningaasaleeqqinnissaq
pingaarnerutinneqanngilaq
Piffissami Danmarkimi Kalaallillu Nunaanni ilisimasanik taamaattunik
pisariaqartitsisoqarnerani sooq aatsitassanut qitiusumik ilisimasaqarfik
matuneqarnersoq, Sermitsiap Silap pissusianut, Nukissiuutinut Pilersornermullu
ministereqarfimmut apeqqutigaa.
"Danmarkip Kalaallit Nunaatalu Ujarassiornikkut Misissuisoqarfia (GEUS)
ukiuni arlalinni Aatsitassanut Atortussianullu qitiusumik ilisimasaqarfimmut
aningaasaliissutinik pissarsisarpoq. Kingullermik 2021-mut aningaasanut
inatsimmi ukiumut 3 millionit koruunit (2021-mi akit) piffissamut 2021-2024-mut
qitiusumik ilisimasaqarfiup ingerlanneqarnerata nanginnissaanut
immikkoortinneqarput. 2025-mut aningaasanut inatsimmi qitiusumik
ilisimasaqarfimmut aningaasaliissutinik nutaanik pingaarnersiuinermi immikkoortitsisoqanngilaq. Ilanngaaseereerluni
GEUS-imut 100 million kr-t missaannik tunngaviusumik aningaasaliisoqartarnera
maluginiarneqassaaq. GEUS suli Kalaallit Nunaanni sulisoqarlunilu
allaffeqarpoq, sulilu Kalaallit Nunaanni aatsitassarsiornermut attuumasunik
ilisimatusarnernik ingerlatsilluni, Kalaallillu Nunaanni Namminersorlutik
Oqartussat suli GEUS-ip ilisimasai paasissutissaataalu atorsinnaavaat.
Aatsitassanut immikkoortoq Kalaallit Nunaanni immikkut pingaaruteqarpoq, Silap
pissusianut, Nukissiuutinut Pilersornermullu ministereqarfiullu immikkoortumi
Kalaallit Nunaannik suleqateqarnerup nukittorsarnissaa sulissutigaa."
Amerlasuut
saaffiginnittartut
GEUS-ip
pisortaa Flemming Larsen 2025-mut aningasanut inatsimmik
isumaqatiginninniarnermi qitiusumik ilisimasaqarfiup nangittumik
ingerlanneqarnissaa sulissutigigaluarpaa, tamannali iluatsinngitsoq oqarpoq.
– Qitiusumik
ilisimasaqarfiup pisariaqartinneqarnera paasitinniarsarigaluarparput, tamannali
ajoraluartumik pingaarnersiuinernut ilanngunneqanngilaq. Aatsitassami
maannakkut annertuumik soqutigineqarput, apersuinerillu saaffiginninnerillu
pisut tamaasa akiniartuartarpagut. GEUS-ip ataani aatsitassani nalitusiartorneq
suli suliaraarput, Flemming Larsen oqarpoq.
