KL

DK

Royal Greenland Siumumeersumik atorfinitsitsivoq

Ole Aggo Markussen Royal Greenlandimi Head of Public Affairsitut januaarip aallaqqaataani 2025-mi atorfinissaaq. Taanna Siumumi allatsitut sulisimavoq.

- Royal Greenlandimut ilanngunnissannut periarfissaqarnera assut tulluusimaarutigaara, Ole Aggo Markussen atorfittaani pillugu oqarpoq.
Thomas Munk Veirum
Tusagassiortoq
Saqqummersinneqarpoq

Ole Aggo Markussen head of public affairsitut Royal Greenlandip politikkikkut kiisalu aalisarnermi inuiaqatigiinnilu soqutigisalinnut attaveqarneranik nukittorsaassasoq, tusagassiuutinut nalunaarummi Royal Greenland allappoq.

Sulisoqarnermut attaveqaqatigiinnermullu pisortaq Bodil Marie Damgaard atorfinitsitsineq pillugu tusagassiuutinut nalunaarummi ima oqarpoq:

- Ole Aggo Royal Greenlandimut tikilluaqqusinnaagatsigu nuannaarutigaarput. Taassuma suleqatigineratigut suleqatigisartakkatsinnut piginnittutsinnullu qaninnerusumik atassuteqarnerunissatsinnik sulissuteqarnerput nukittorsassavarput, inuiaqatigiillu Royal Greenlandip suliffeqarfittut paasinninnerannik paasisimasaqassusaannillu annertusaassalluta. 

- Suliassaq tamanna arlalinnit ujartorneqarsimavoq isumaqarpugullu tamanna Royal Greenlandimut Kalaallillu Nunaannut iluaqutaassaqisoq.

Ole Aggo Markussen Siumumi allatsitut atorfeqarsimavoq, tusagassiortutut ilinniagaqarsimalluni siornatigullu ilaatigut Nukissiorfinni allattoqarfimmi pisortaasimalluni naalakkersuisumullu allattaasimalluni.

- Royal Greenlandimut ilanngunnissannut periarfissaqarnera assut tulluusimaarutigaara. Ingerlatseqatigiiffiup naleqalersitsinissamut najukkamilu tunngaveqarluarnissamik aallussinera uummateqarfigaara, suliffeqarfiullu ineriartorneranut tapersiinissannut qilanaarpunga, Ole Aggo Markussen atorfittaarnerminut atatillugu oqarpoq.

grønland fiskeri erhverv bodil marie damgaard inuussutissarsiutit ole aggo markussen royal greenland

ATORFIIT Se alle jobs

Powered by Labrador CMS