KL

DK

AALISARNERMUT ISUMAQATIGIISSUT NUTARTERNEQARTOQ

Rusland Savalimmiut imartaani aalisartuarsinnaavoq

Savalimmiut Ruslandillu aalisarneq pillugu isumaqatigiissutaat 1977-imiilli atuuppoq. Immikkulli ilisimasallit oqaatigaat, isumaqatigiissut akerleriiffiusoq tamanna, ukioq manna Savalimmiunut amigartoorutaasimasoq.

Maannamut isumaqatigiissutigineqartumi Russit kilisaataataat 29-t 2025-mi Savalimmiuni umiarsualivinnut talissinnaatitaapput. Taamaallaalli aalisarnermut isumaqatigiiissut naapertorlugu taamaaliorsinnaassallutik.
Freelance Journalist
Saqqummersinneqarpoq

Savalimmiuni politikikkut sammineqartut isumaqatigiinngissutaanerpaat ilagaat. 

Ilaatigut Tuluit Nunaata Ukrainellu Savalimmiuni naalakkersuisut kajumissaarpaat, Ruslandimut aalisarnermut isumaqatigiissutertik atorunnaarseqqullugu.

Savalimmiuni politikikkut sammineqartut isumaqatigiinngissutaanerpaat ilagaat. 

Ilaatigut Tuluit Nunaata Ukrainellu Savalimmiuni naalakkersuisut kajumissaarpaat, Ruslandimut aalisarnermut isumaqatigiissutertik atorunnaarseqqullugu.

Savalimmiunili inatsisartuni, lagtingimi, amerlanerussuteqartut Ruslandimik suleqateqarnerup akerleriissutaasup ingerlateqqinnissaa kissaatigaat. Savalimmiormiut aalisariutaatillit taamaalillutik ilaatigut Barentip Imartaani saarullinniarsinnaatitaassapput. Tamatumunnga taarsiullugu Russit kilisaataataat ilaatigut Savalimmiut imartaani saarullernanik amerlasuunik aalisarsinnaatitaassapput.

Naak Savalimmiuni naalakkersuisut siulittaasuata, lagmand Aksel V. Johannesenip, taassumalu partiiata Socialdemokratit, Javnaðarflokkurinip Ruslandimik aalisarnikkut suleqateqarnerup akerleriissutaasup sivitsorneqarnissaa akerlerigaluaraat, Savalimmiormiut Russillu oqartussaasui aalisarneq pillugu isumaqatigiissuteqaqqipput.

Tamatumuuna 2025-mut atuuttussamik.

Savalimmiuni naalakkersuisut isumaqatigiissutip 2025-mut nutarternissaanik aalajangiinnginneranni lagmandi Savalimmiuni radioqarfimmut tv-qarfimmullu KVF-imut oqarpoq, partiimi isumaa allanngorsimanngitsoq, Lagtingimili amerlanerussuteqartut Ruslandimik aalisarnikkut suleqateqarnerup unitsinnissaa kissaatiginngikkaat.

Savalimmiuni naalagaaffiup sinniisaa nalunaarusiamini taama allappoq.

Taarseraalluni niuerneq

Savalimmiut Ruslandilu ukiuni qulikkuutaani arlalinni niueqatigiissimapput, taamaalillutik Russit aalisartut Savalimmiut imartaanni aalisarsinnaapput Savalimmiormiullu aalisartut Ruslandip imartaani aalisarsinnaallutik.

Aalisarnermut isumaqatigiissut akerleriissutaasorujussuanngoraluartoq, tassa Ruslandip Ukraine februaarimi 2022-mi isaaffigimmaguli, isumaqatigiissulli 2023-mut 2024-mullu – maannalu 2025-mut – sivitsorneqarpoq.

Isumaqatigiissutip akerleriissutaaneranut aamma patsisaavoq, Russit aalisariutaat marluk Savalimmiut imartaanni ukiorpassuarni aalisartarsimasut, Savalimmiunilu umiarsualivinnut talittarsimasut, Norgemi isertortumik paasiniaasartunit kilitsissiaanerarlugit pasillerneqarmata.

Tamanna nunani avannarlerni tv-kkut aallakaatitsivinnit DR-imit, SVT-mit, NRK-mit aamma Yle-mit piviusulersaarutini nangeqattaartuni ”Skyggekrigen”-imi 2023-mi upernaakkut qulaajarneqareersorlu.

Ruslandimiut kilisaataataat 29-t Savalimmiuni umiarsualivinnut 2025-mi talissinnaatitaapput. Taamaallaalli tamanna pissalluni aalisarnermut isumaqatigiissut naapertorlugu.

Aalisarnermut attaveqaasersuutinullu naalakkersuisoqarfimmit tusagassiuutinut nalunaarummi allassimavoq, Barentip imartaani Russit imartaanni Savalimmiormiut aalisariutaannut aalisakkat natermiut pisassiissutigineqartut aappaagu ikileriarujussuartinneqassasut.

Saarullittassiissutit ukioq mannamut sanilliullugit 23,8 procentimik 7.445 tonsinut ikilineqarput, saarullit ilaannut misaqqarnanut pisassiissutit 4,5 procentimik ikilineqarput 1.000 tonsinngorlugit. 2025-mi natermiut raajallu pisassiissutigineqartut 2024-mut sanilliullugit allannguuteqassanngillat, tassa 900 tonsit aamma 4.000 tonsit pisassiissutigineqassallutik.

Savalimmiut imartaani Russinut avaleraasartoortassiissutit ammassassuartassiissutillu ikinnerupput. Avaleraasartoortassiissutit 34 procentimik ikileriarput 8.000 tonsinngorlutik ammassassuartassiissutit 10,6 procentimik ikileriarlutik 5.800 tonsinngorlutik. Saarullernat pisassiissutigineqartut ukioq mannamisut iinnassapput, tassa 75.000 tonsiussagamik.

Ruslandimut avammut niuerneq appariapiloortoq

Savalimmiuni universitetip misissuineq „Fra Krim til Kiev“ (Krimimit Kievimut) novembarimi saqqummersippaa, tassani Ruslandimut aalisarnermut isumaqatigiissut aamma Savalimmiut Ruslandillu akornanni aningaasaqarnikkut pissutsit sammineqarlutik.

Immikkut ilisimasallit misissuisimasut naliliipput, Savalimmiut aalisarnermut isumaqatigiissuteqarnermigut ukioq manna amigartooruteqartoq. Tamatumunnga pissutaalluni Savalimmiut Barentip imartaani pisassaasa ikiliartornerat avaleraasartoortallu akiisa qaffakkiartornerat, tamannalu aalisartunut Ruslandimeersunut Savalimmiut imartaani pisassiissutaateqartunut aalisartunut iluaqutaavoq.

Savalimmiut Ruslandimut tunisartagai februaarimi 2022-mi Ruslandip Ukrainemut saassussinerata kingorna ikileriarujussuarsimapput. Misissuinermi missiliorneqarsimavoq Savalimmiut ukioq manna Ruslandimut aalisakkanik avammut tunisartagai 800 millionit koruunit missaannik naleqassasut. Tamannalu avammut tunisartagaasa tamarmiusut 7 procenteraat.

Savalimmiut avammut tunisartagaasa 29 procentii Ruslandimut 2017-imi tunineqartarput. Ruslandilli Ukrainemut saassussinerata kinguninnguagut Savalimmiuni kapisilinnik tunisassiortut Ruslandimut tunisassiorunnaarput.

Nalunaarusiaq ilisimatusartunit Heini í Skorinimit, Hans Ellefsenimit aamma Flemming Spliedsboel Hansenimit suliarineqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuussutissarsiutit aksel v. johannesen rusland savalimmiut ukrainemi saassussineq aalisarnermut isumaqatigiissut

ATORFIIT Se alle jobs

Powered by Labrador CMS