Lorenzo Bigo, Italiamiu 30-nik ukiulik, Nunatsinni arsaannermik nuannarisaqartorujussuaq atuakkiorpoq taasaminik „Calcio artico. Giocare a pallone in Groenlandia“, naatsumik oqaatigalugu „Issittumi arsaattarneq: Kalaallit Nunaanni arsaattarneq“.
Atuakkami tassani nammineq oqaatigisaatut, Nunatsinni arsaattarnerup oqaluttuarisaanerani ukiuni 70-ini siullerni pisimasut naatsumik, assit atorlugit oqaluttuarineqarput.
Lorenzo Bigo, Italiamiu 30-nik ukiulik, Nunatsinni arsaannermik nuannarisaqartorujussuaq atuakkiorpoq taasaminik „Calcio artico. Giocare a pallone in Groenlandia“, naatsumik oqaatigalugu „Issittumi arsaattarneq: Kalaallit Nunaanni arsaattarneq“.
Atuakkami tassani nammineq oqaatigisaatut, Nunatsinni arsaattarnerup oqaluttuarisaanerani ukiuni 70-ini siullerni pisimasut naatsumik, assit atorlugit oqaluttuarineqarput.
Atuagaq nunap immikkoortuinut immikkoortitersimavaa: Avannaani, Qeqqani, Kujataani Tunumilu aamma Qeqertarsuup Tunuani arsaattarnernut.
- Kapitalit tamarmik arsaattartut pingaarnerit pillugit oqaluttuanik, soqutiginartunik oqaluttuanillu imaqarput, taama ilisimatitsivoq.
Atuakkap tunuatungaani assit amerlasuut katersorsimavai, tassanilu takuneqarsinnaallutik Nunatsinni arsaattartut klubiisa tamarmik ilisarnaataat ukiullu tamaasa pissartanngortarsimasut assingi.
Lorenzo Bigop Italiami kalaallit isikkamik arsaattarnerat soqutigineqaleraluttuinnartoq malugisinnaavaa, taamaattumillu atuartartut amerlasuut atuakkiani nuannarissagaat neriuutigaa.
Assi: Nammineq pigisaq.
- Kalaallit Nunaanni arsaattarneq pillugu paasissutissarpassuarnik ukiut ingerlaneranni katersigama, nunamilu najukkanni piviusut tamakkua pillugit ilisimasaqarnerulersitseqataarusukkama atuagaq una allappara, oqarpoq nangillunilu:
- Kalaallit Nunaanni ikinngutikka tamaasa qutsaviginiarlugit atuakkamik saqqummersitsivunga, taakkumi arsaattartut tujuuluaraannik katersininni ikiorpaannga. Taakkua aamma arsaattarnerminnik, kulturiminnik nunartillu kusanartoq pillugu ilinniartilluarmannga, Lorenzo Bigo oqarpoq, taassuma ukioq ataaseq sinnilaarlugu atuagaq allassimavaa.
- Atuagaq maanna saqqummermat killitsingaarlungalu tulluusimaarpunga. Italiami maani Friulip Kalaallit Nunaatalu sapaatiummat maajip 31-anni ikinngutigiittut unammineranni atuagaq saqqummiussinnaagakku nuannaarutigaara. Nunanut allanut unammisartut sulisuilu qanittukkut Italiami naapillugit misigisaq nuannerluinnartoq misigaara – misigisaq uummatinni pigiuaannagassara, Lorenzo Bigo killitsissimalluni oqarpoq, tupaallaatissaanngitsumik taassuma nammineq Kalaallit Nunaata takunissaa kissaatigisaraa.
