TAGE SCHJØTTIP INGERLATANI ALLAMUT INGERLATEQQIKKUSUKKAA

Sagamaps nutaamik piginnittussarsiorpoq

Ingerlatsivimmik pilersitsisup 83-inik ukiullip ingerlatani allamut ingerlateqqikkusuppaa. - Nutaamik eqqarsarnissamut piffissanngorpoq, Tage Schjøtt oqarpoq

- Mulighederne dukkede jo langsomt op, og til sidst var Sagamaps på fuld tid. Jeg ved ikke, hvad jeg havde regnet med, men ideerne bliver ved med at være der, siger Tage Schjøtt.
- Piffissap ingerlanerani periarfissat takkussuupput, naggataatigullu Sagamaps-imi ulloq naallugu sulilerpunga. Naluara qanoq naatsorsuutigisaqarsimanerlunga, isumassarsiaqartuarporli, Tage Schjøtt oqarpoq.

Tage Schjøttip inuussutissarsiornikkut qaffakkiartornera qulingiluaannarnik ukioqartoq aallartippoq, atuagaarniarfimmi agguaasartutut sulilerami. Taamanimiilli suliffigisimasai suliffeqarfiillu aqqusaarsimasai amerlaqaat, 1990-ikkunniilli suliffeqarfiutimini Sagamaps ApS-imi nunap assinginik saqqummersitsisalerluni. Ullumikkut 83-inik ukioqarpoq, maannalu nunap assinginik suliaqartarnerminik unitsitsinissamut piffissanngortoq, Tage Schjøtt oqaluttuarpoq.

- Suli sulivunga, siornatigutulli pisussinnaajunnaarlunga. Taamaattumik Sagamapsimit saqqummersinneqartartut nutaamik eqqarsarluni ingerlateqqinneqarsinnaassasut neriuutigaara.

Tage Schjøttip inuussutissarsiornikkut qaffakkiartornera qulingiluaannarnik ukioqartoq aallartippoq, atuagaarniarfimmi agguaasartutut sulilerami. Taamanimiilli suliffigisimasai suliffeqarfiillu aqqusaarsimasai amerlaqaat, 1990-ikkunniilli suliffeqarfiutimini Sagamaps ApS-imi nunap assinginik saqqummersitsisalerluni. Ullumikkut 83-inik ukioqarpoq, maannalu nunap assinginik suliaqartarnerminik unitsitsinissamut piffissanngortoq, Tage Schjøtt oqaluttuarpoq.

- Suli sulivunga, siornatigutulli pisussinnaajunnaarlunga. Taamaattumik Sagamapsimit saqqummersinneqartartut nutaamik eqqarsarluni ingerlateqqinneqarsinnaassasut neriuutigaara.

Suliffeqarfiup tunisassiornera, toqqortaatigineqartorpassuillu Tage Schjøttip ukiut ingerlaneranni katersorsimasai, arlaannaannilluunniit maannakkorpiaq tigusisussaqanngillat. Nunap assingi pillugit suliniut aallartinneraniilli Kalaallit Nunaanni sumiiffiit immikkoortukkaarlugit Nunarput tamakkerlugu saqqummersitsisarpoq. Tage Schjøtt suli sinerissami angalasarpoq nunap assingi immakkut angalasunit atorneqarluartartut tuniniarlugit.

Kalaallit Nunaannut 1960-ikkunni siullermik tikippoq, Danmarkimi kalaallit ikinngutimi arlallit nuna pillugu oqaluttuaat tusareerlugit. Tage Schjøtt Kangerlussuarmi, taamani Sondre Strom Airbasemik taaguutilimmi, ukioq ataaseq sulivoq, tamatumalu kingorna Danmarkimut uterluni. Nuliani ilinniartitsisunngorniareerluni naammassimmat, aappariit Narsamut nuupput, tassani siullermik biileerniarfimmik angallassissutinik assigiinngitsunik tuniniaaffiuteqaqqaariarlutik, kingorna amminik tunisassiorfimmik aallartitsillutik.

- Qangaaniilli soqutiginninnera Kangerlussuarmiitillunga aallartippoq. Aviisimi atuarakku Tjodhildep Oqaluffia Qassiarsummi nassaarineqarsimasoq soqutigisorujussuanngorakku, soqutiginninneralu taamanimiilli malersulerpara, Tage Schjøtt nunap assinginik soqutiginninnini pillugu oqarpoq.

Isumassarsiat nutaamik eqqarsaatigisariaqartut

Maani nunaqartorpassuarnit nunap assingi sorpassuarnik paasissutissartallit Sagamapsimeersut amerlaqisunit ilisimaneqartut oqaatigineqarsinnaavoq. Ilaatigut umiatsiani atorneqartarput, kommunip allaffiini plakatitut nivingatinneqartarlutik imaluunniit qarasaasiap museanut allequttatut atorneqartarlutik. Aviisiliortup matuminnga allaaserinnittup eqqaamalluinnarpaa, meeraatilluni umiatsiami angalaqataasarnerpassuarmini angummi nunap assingi qupperarai atoraalu takusarsimavai.

Tage Schjøttili aallaqqaammut nunap assinginik soqutigisaqanngilluinnaraluarpoq. Aatsaalli matumut igalaaminermut aporami periarfissaqartoq takusinnaalerlugu.

Det er nok ikke for meget at antage, at mange her i landet kender de detaljerede landkort fra Sagamaps, der er lavet i flere serier
Nunap assingi sukumiisut allaatigineqartut Sagamaps-imeersut, tulleriiarlugit saqqummersinneqartartut, Nunatsinni amerlasuunit ilisimaneqarluarput.

- Nunap assinginik suliaqaqqullunga kajumissaarneqarama, tamannali soqutiginartinngilluinnarlugu. Taavali matumut igalaaminermut aporama niaqqukkullu kilerlunga. Tamatumalu kingorna piffissaqartorujussuanngorlunga, tassa timiga aalatippallaartussaannginnakku. Issiaannarneq saperakku, taava nunap assingi sammeqqilerpakka periarfissaqarsinnaanerlunga takuniarlugu, Tage Schjøtt oqarpoq, taassuma suliaminut atatillugu Nunarput tamaat angallavigisimavaa. Taamaallaat Qaanaamiissimananilu Ittoqqortoormiiniissimanngilaq.

Nunap assinginut aamma nunap immikkoortuinut assigiinngitsunut Aqutsisoqarfimmut sianerpoq, atortussaminillu nassinneqarluni, taamaalilluni Narsarsuup eqqaata nunap assinganik suliaqarsinnaalerluni, qallunaatsiaanut tunngasunik nunap assiliorluni, tunuinut qallunaatsiaat oqaluttuassartaannik ilanngussilluni. Suliaq angisooq qarasaasiakkut ujaaseriarluni nunap assinginik katiterineq taama aallartippoq.

- Piffissap ingerlanerani periarfissat takkussuupput, naggataatigullu Sagamapsit ulloq naallugu suliarilerpakka. Naluara qanoq naatsorsuutigisaqarsimanerlunga, isumassarsiaqartuarpungali, Tage Schjøtt oqarpoq.

Maannali isumassarsiat nukinnit nutaanit isumagineqalertariaqarput ineriartortinneqarlutillu, tamanna tassa neriuutigisaa.

Pisartagaqarneq

Er du allerede abonnent? Log ind

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS