Sanaartorneq akisunerulerpoq

Naatsorsueqqissaartarfiup sanaartornermut aningaasartuutit naatsorsorpai, 2023-milu piffissamut tassunga sanilliullugit 2024-mi juulip aallaqqaataani 6,4 procentimik qaffassimapput.

Saqqummersinneqarpoq

Sanaartornermi atortussat, assartuineq sulisullu akissarsiaat qaffakkiartormata sanaartornermi akigititat qaffakkiartorput.

Tamanna Naatsorsueqqissaartarfiup sanaartornermut aningaasartuutit pillugit naatsorsuusiaani qanittukkut saqqummersumi atuarneqarsinnaavoq. Naatsorsuusiani Kalaallit Nunaanni sanaartornermi aningaasartuutit nassuiarneqarput, sanaartornermilu aningaasat naleerukkiartornerisa malinnaaviginissaannut atorneqartarput.

Naatsorsueqqissaartarfik naapertorlugu sanaartornermi ukiumut aningaasartuutit 2024-mi juulip aallaqqaataani 6,4 procentimik allanngorsimapput:

- 2023-mi piffissami tamatumani, tassa 2023-mi januaarimiit juulimut, 0,6 procentimik allanngortoqarsimavoq. ingammik atortussat assartuinermilu akit qaffakkiartornerat allannguuteqarneranut pissutaavoq, aammali sulisartut akissarsiaat qaffassimasut Naatsorsueqqissaartarfik allappoq.

Takussutissami tulliuttumi ukiup affaanut naatsorsuussat allanngorneri takuneqarsinnaapput:

Powered by Labrador CMS