Ukiuni
qulikkuutaanni kingullerni Nunatsinni savaatillit ikiliartorsimaqaat,
savaateqarfiillu sinneri naammattumik alliartortinneqarsimanatik. Taamaattumik
nunalerinermik ineriartortitsinissaq pisariaqartinneqarpoq,
tunisassiorsinnaanerat annerulerniassammat, savaatillillu aningaasaqarnerat
pitsaanerulerniassammat.
Tamanna
Naalakkersuisut nunalerinermut periusissiaanni 2021-meersumi
atuarneqarsinnaavoq, tassanilu anguniakkat ilagaat 2030-mi savaatillit
tapiissutinik pisartagallit ikinnerulernissaat. Inatsisissatut siunnersuummi
siunnersuutigineqarluni savanik piaqqiortunik ikinnerpaanik 400-nik savaatillit
kisimik inuussutissarsiornikkut tapiiffigineqarsinnaassasut. Tamanna
Inatsisartunit ukioq manna maajip naalernerani akuersissutigineqarpoq.
Ukiuni
qulikkuutaanni kingullerni Nunatsinni savaatillit ikiliartorsimaqaat,
savaateqarfiillu sinneri naammattumik alliartortinneqarsimanatik. Taamaattumik
nunalerinermik ineriartortitsinissaq pisariaqartinneqarpoq,
tunisassiorsinnaanerat annerulerniassammat, savaatillillu aningaasaqarnerat
pitsaanerulerniassammat.
Tamanna
Naalakkersuisut nunalerinermut periusissiaanni 2021-meersumi
atuarneqarsinnaavoq, tassanilu anguniakkat ilagaat 2030-mi savaatillit
tapiissutinik pisartagallit ikinnerulernissaat. Inatsisissatut siunnersuummi
siunnersuutigineqarluni savanik piaqqiortunik ikinnerpaanik 400-nik savaatillit
kisimik inuussutissarsiornikkut tapiiffigineqarsinnaassasut. Tamanna
Inatsisartunit ukioq manna maajip naalernerani akuersissutigineqarpoq.
Savaatillit
Peqatigiit Suleqatigiissuni (SPS) siulittaasoq Suulut Hansen eqqissisaavoq
nassuiaallunilu oqaatigalugu, inatsisissatut siunnersuut paatsoorneqarsimasoq.
- Paatsoornikkut isumaqartoqarpoq
inatsisissatut siunnersuutip savaateqarfiit matutinniarai ikilisarlugillu.
Isumaqarpunga inatsisissatut siunnersuutikkut savaatiliusimasut
unitsitsiinnarsimasut ilaat siunissami aallartitseqqissinnaanerat
kingunerissagaa.
-
Naalakkersuisut peqatigalugit isumaqatigiissutigaarput piffissami 2025-mit
2030-mut ikaarsaariarfiusumi ikinnerpaanik 300-nik savaateqarnissaq
piumasaqaataassasoq. Piffissami tamatumani inuussutissarsiuteqarnermut
tapiissutinik akuersissummik immikkut pissarsisoqarsinnaassaaq, Suulut Hansen
oqarpoq.
Pissutsit
pitsanngorsarneqartariaqartut
Piviusoq
tassaavoq, savaateqarfiit mikinerusut siunissami ikinnerulernissaat, taakkualu
amerlanerpaamik 35 procentii 400-t ataallugit piaqqiortunik savaateqassasut.
Siunissaq ungasinnerusoq eqqarsaatigalugu anguniarneqartussaq tassaavoq,
savaatillit pisortanit tapiiffigineqarnissaminnut pisariaqartitsiunnaarnissaat,
nalunaarusiami allassimavoq.
-
Savaatillit ullutsinni pisortanit tapiiffigineqaratik ingerlatsisinnaanngillat.
Ukiut ingerlaneranni inuussutissarsiutinut tapersiisarfimmit erniakitsunik
taarsigassarsisitsisoqartarpoq, qinnuteqartut aningaasaqarniarnerat
nalilersorneqanngikkaluartoq. Tamatuma kinguneraa, savaatillit arlalissuit
taarsersorsinnaanngisaminnik amerlasuunik akiitsoqalersimanerat, nunalerinermut
naalakkersuisoqarfik allappoq.
Inatsisissatut
siunnersuutip savaatillit atugaasa ajornerulersinnissaat siunertarinngikkaa,
Suulut Hansenip erseqqissarpaa.
-
Inatsisissatut siunnersuut taama ilusilersorneqanngilaq. Paasisakka
naapertorlugit tamanna savaatilinnut atugassarititaasunik
pitsanngorsaataassaaq, Suulut Hansen oqarpoq, taannalu nunalerinermut
naalakkersuisumik Kalistat Lundimik (IA) inatsisissatut siunnersuut pillugu
oqaloqateqarsimavoq.
- Tamanna
Kalistat Lundilu oqaloqatigiissutigaarput, amerlaqisummi inatsisissatut
siunnersuut pillugu ernumassuteqarlutik saaffigisarmannga.
Paaseqatigiilluarpugut kisianni Kujataanut maanga tikeraarnissaminut
tikilluaqqusaavoq. Naalakkersuisut nalinginnaasumik maanga
Kujataanukakulanerusariaqarput, Suulut Hansen oqarpoq.
