Aasaq manna
ukiut 100-t qaangiupput kalaallit savaatillit siulliit nunalerinermik
savaateqarnermillu aallartitsimmata, tassa Kujataani nunaqarfik Qassiarsuk
tunngavilermassuk. Ortooraq aamma Tiipaaraq Frederiksen, vikingit kingorna
Kalaallit Nunaanni savaatillit siulliit, nunaqarfik tunngavilerpaat.
Qassiarsuk
marlunngormat nalliuttorsiutigineqarpoq tassani hiistinik takutitsinerit,
oqalugiarnerit soorunamilu savaaqqap neqaanik siatamik nereqatigiinnerit
pipput. Maalaaraq Johnsen ukiuni 35-ni Qassiarsummi najugaqarsimavoq, uialu
tunngaviliisumut Ortooraq Frederiksenimut ernutaavoq. Maalaaraq Johnsen
nalliuttorsiornissamut piareersarnermut nukippassuit atorneqarsimasut
oqaluttuarpoq.
Aasaq manna
ukiut 100-t qaangiupput kalaallit savaatillit siulliit nunalerinermik
savaateqarnermillu aallartitsimmata, tassa Kujataani nunaqarfik Qassiarsuk
tunngavilermassuk. Ortooraq aamma Tiipaaraq Frederiksen, vikingit kingorna
Kalaallit Nunaanni savaatillit siulliit, nunaqarfik tunngavilerpaat.
Qassiarsuk
marlunngormat nalliuttorsiutigineqarpoq tassani hiistinik takutitsinerit,
oqalugiarnerit soorunamilu savaaqqap neqaanik siatamik nereqatigiinnerit
pipput. Maalaaraq Johnsen ukiuni 35-ni Qassiarsummi najugaqarsimavoq, uialu
tunngaviliisumut Ortooraq Frederiksenimut ernutaavoq. Maalaaraq Johnsen
nalliuttorsiornissamut piareersarnermut nukippassuit atorneqarsimasut
oqaluttuarpoq.
– Ulloq
qilanaarisimaqaarput. Illu iliveqarfiullu sanningasui qalipassimavagut.
– Nalliuttorsiorneq
uannut pingaaruteqaqaaq. Qilanaarisimaqaarput, piareersarluta pissangallutalu,
Maalaaraq Johnsen oqarpoq.
Qassiarsuup ukiuni 100-nngortorsiorluni nalliuttorsiutigineqarneranut inuppassuit imaatigut tikipput. - Inuit taama amerlatigisut sumiiffinnit assigiinngitsorpassuarneersut katersuussimammata nuanneqaaq, tamarmik tunngaviliisumit kinguaarineqarput, ukiuni 35-mi nunaqarfimmi najugaqarsimasoq Maalaaraq Johnsen oqarpoq.
Julia Aka Wille
Amerlasuut imaatigut tikipput
Naatsorsueqqissaartarfik naapertorlugu Qassiarsummi 39-t najugaqarput, marlunngormalli nunaqarfik inunnik ulikkaarpoq.
- Inuit taama amerlatigisut sumiiffinnit assigiinngitsorpassuarneersut katersuussimammata nuanneqaaq, tamarmik tunngaviliisumit kinguaarineqarput, Maalaaraq Johnsen oqarpoq.
Kujataani maanna 35-t missaanniittut savaateqarput, taakkulu naatsiianik, ruuanik allanillu naatitsisarput.
Kommune Kujallermi borgmesteri Stine Egede (IA) ullaarnganiik oqalugiarpoq, kingornalu Savaatillit peqatigiit suleqatigiissut siulittaasuat Suulut Hansen oqalugiarluni.
Nunaqarfimmik taanna kisiat aasaq manna nalliuttorsiutigineqanngilaq. Narsarmijit sapaatip-akunnerata naanerani kingullermi, nunap nunaqarfiisa kujasinnerpaartaat, ukiunik 200-nngortorsiorluni aamma nalliuttorsiorpoq. Nunaqarfik ajoqersuiartortitap Conrad Kleinshmidtip tunngavilernikuuaa.
Avannaani nunaqarfik Attu ukiunik 200-nngortorsiorluni ukioq manna aamma nalliuttorsiorpoq. Tamanna kunngikkormiut nunatsinnut tikeraarnerminni nunaqarfik aqqusaarmassuk kunngip Frederiup eqqaassutissamik uleerineratigut malunnartinneqarpoq.
Ortooraq Frederiksenip kinguaavi Qassiarsummi eqqaassutissaata saavani. Ortooraq nulialu Tiipaaraq Frederiksen vikingit kingorna Kalaallit Nunaanni savaatillit siullersaraat.
Julia Aka Wille
