Sikkilernermik nuannarisaqartut Jørgen Højlund Wibe aamma Thomas Steinthal Aarhusimeersut maanna Russellip Sermersuaata eqqaaniittumit Punkt 660-imit Sisimiunut ATV-nut aqqut 200 kilometerit missaanni isorartutigisoq naammassingajannikoq aqqutigalugu mountainbikenik sikkilerput.
Ullormi siullermi takornarianik angallassisartoq ilisimaneqarluartoq Christian Pihlblad Jerimiassen, Kangerlussuarmi takornarialerinermik ingerlatsisumik adventours.gl-imik piginnittoq, peqatigaat.
Sikkilernermik nuannarisaqartut Jørgen Højlund Wibe aamma Thomas Steinthal Aarhusimeersut maanna Russellip Sermersuaata eqqaaniittumit Punkt 660-imit Sisimiunut ATV-nut aqqut 200 kilometerit missaanni isorartutigisoq naammassingajannikoq aqqutigalugu mountainbikenik sikkilerput.
Ullormi siullermi takornarianik angallassisartoq ilisimaneqarluartoq Christian Pihlblad Jerimiassen, Kangerlussuarmi takornarialerinermik ingerlatsisumik adventours.gl-imik piginnittoq, peqatigaat.
Taassuma Russellip Sermersuanit ATV-nut aqqutip aallartiffianukaappai.
– Neriuppugut siunissami misilittagakinnerusut assingusumik angalasarnissaat taassuma aaqqissuussinnaagaa, Jørgen Højlund Wibe Facebookimi allappoq.
Jørgen Højlund Wibe maanna Kangerlussuarmi Russellip Sermersuanit Sisimiunut sikkilinik mountainbikenik ingerlavoq.
Assi nammineq pigisaq
Sikkilernissamut aqqutikkuminassappat sikkilernermik nuannarisaqartunut, „bikepackerenik“ taaneqartartunut, nunani tamalaani nittartakkani oqallittarfinnilu Kalaallit Nunaanni takisuumik „bikepacking“-imik aqqutitut siullertut pisortatigoortumik nalunaarsorniarpaat.
- Tamanna Arctic Circle Trailimut takornariaqarnermik soqutiginartumik allannguutaasinnaavoq, Jørgen Højlund Wibe naliliivoq.
– Neriuppugut bikepackerit nunarsuarmit tamarmeersut misigisassarsiorusuttut sikkilernissamut kajungerissasut, siullertummi Kalaallit Nunaata kusanangaassusianik nuannaarutiginnissinnaaniassammata, aappaattullu Russellip sermersuata aakkiartornerata unitsinnissaanut tamatumalu Kangerlussuup eqqaani pinngortitamut sunniutaanut silap pissusianut ambassadørinngorsinnaaniassammata, Jørgen Højlund Wibe oqarpoq.
Jørgen Højlund Wibep siornatigut ATV-t aqqutaat sikkilinik mountainbikenik ingerlaviginiarsarisimavaa. Nunap assinga GPS-iluunniit atornagu ajornaatsuinnaasimanngilaq.
Assi nammineq pigisaq
Ukiut marluk matuma siorna Arctic Circle Trailimi ATV-mik ingerlaarfik kisimiilluni sikkiliminik mountainbikenik ingerlaarfigisimallugu, taanna aamma ilisimatitsivoq.
- Nunap assinga GPS-iluunniit atornagit aqqut malippara. Ajornaatsuinnaanngilaq, inuuninnili eqqaamajuassavara, taanna oqarpoq.
Jørgen Wibe aamma Thomas Steinthal Aarhus Universitetimi Cognitive Science-mik ilinniarput. Thomas inuusunnerugallarami pikkorivissut akornanni sikkilertarsimavoq, Jørgen Wibelu silami sammisaqartarnermi nuannarisaqarluni, angalaneq pillugu tusagassiutinut nalunaarummi allassimavoq.
