B.J. Entreprise kinguaariinnik nikisitseqqammerpoq, tassani pisortap Jeppe Rosenkilde Mortensenip John Eliassenip piginneqataassutai kingulliit pisiarai.
– Suliaq piffissartornarfiuvoq, piareersagassat arlaqarput, suliffeqarfimmi siulersuisut siulittaasuat Søren Lennert Mortensen, Jeppe Rosenkilde Mortensenimut ataataasoq, oqaluttuarpoq.
B.J. Entreprise kinguaariinnik nikisitseqqammerpoq, tassani pisortap Jeppe Rosenkilde Mortensenip John Eliassenip piginneqataassutai kingulliit pisiarai.
– Suliaq piffissartornarfiuvoq, piareersagassat arlaqarput, suliffeqarfimmi siulersuisut siulittaasuat Søren Lennert Mortensen, Jeppe Rosenkilde Mortensenimut ataataasoq, oqaluttuarpoq.
– Jeppe ukioq 2000-imi B.J. Entreprisemi sulilermalli kinguaariit nikinnissaat pilersaarutaareernikuuvoq, suliarli pisariummat inatsisilerinermik aningaasaqarnermillu ilisimasaqarnissaq pisariaqarpoq. Taamaammat aallartiaartoqartariaqarpoq, suliarmi unnuinnarlugu naammassineqarsinnaanngilaq.
Siunnersortigissaartariaqartoq
– Siunnersorteqarani aamma naammassineqarsinnaanngilaq. John Eliassenip Jeppellu, oqaloqatigiinnerni siullerniilli iluatsissallutik aalajangiusimasimasut – maannalu iluatsissimasut, suleqatigiilluarnerat B.J. Entreprisemi iluatsinnermut siullertut pissutaavoq.
– Suliami marlunnik pingaarutilinnik suleqateqarpugut. Ilaatigut ingerlatseqatigiiffimmi kukkunersiuisoq – taavalu Grønlandsbanken, aningaasaliinermi ikiuussimasoq.
– Suliffeqarfinnut uagutsitulli kinguaariinnik nikisitsisussanut aallartiaarnissaq siunnersuutigisinnaavara. PIsariaqartitsinermi kinguaariit nikisinneqassappata angusarissaarnissamut kingusinaartoqarsimassaaq. Allamik piginnittutaarnermi suliffeqarfiup ingerlaannarsinnaanissaa qulakkeerneqarsimassaaq – piginnittuusimasullu inuunermini suliani ingerlalluarumaartoq nalunagu tunuarsinnaassaaq. Soorunamilu isumannaatsumik utoqqalisinnaalluni aningaasaateqassaaq.
– Siullertut inuk suliffeqarfimmik ingerlatitseqqiinissaminut naleqquttoq nassaarineqassaaq. Taava suliffeqarfimmi kukkunersiuisoq, suliffeqarfimmi piginneqataassutinik akileraarutinullu tunngasunik akilersuinermi ikiuuttussaq, aallaqqaataaniilli ilaatinneqassaaq. Taava naammattunik aningaasaqanngippat kinguaariit nikinnerat iluatsissinnaanngimmat aningaasalersuinissamut suleqatissaq nassaarineqassaaq.
Aallartittut
– Ingerlatseqatigiiffiit allat kinguaariinnik nikisiterusuttut, inatsisilli najoqqutarineqartussat aningaasaliinerillu annertusinnaammata aallartinnissaminnut tunuarsimaartut nalunngilakka.
- Siunnersuutigisinnaavara: Aallartinniaritsi. Nukiit nutaat atulerniassammata utoqqaat tunuarnissaat suliffeqarfimmut - inuiaqatigiinnullu – pingaaruteqarpoq.
- Maanna for B.J. Entreprisemi kinguaariit nikinnerat naammassivoq. Tassungali killinngilaq. Maanna Jeppelul susoqassanersoq eqqartortussanngorparput. Jeppe 50-iliiliivippoq, taamaammallu siusinaanngilagut, Søren Lennert Mortensen oqarpoq.
