AAQQISSUISUUNEQ INNERSUUSIVOQ
Takornarianut tikitassat aappaluttut, sungaartut qorsuillu
Ocean Explorer nunami eqqissisimatitami ikkarlimmalli Naalakkersuisut takornariaqarnermut inatsit nutaaq apriilip ingerlanerani tusarniaassutigineqartussaq tuaviuunnialerpaat. Allannguinissamut siunnersuutit pingaarutillit ilaat tassaassaaq ilaasoqarluni angallannerup killilersornissaa.
Siorna Ocean Explorerip Tunup avannaarsuani ikkarlinneratigut oqallittoqalerpoq, umiarsuit ilaasartaatit nunatsinnut sumiiffinnillu sunik pissarsissutaasarnerat pillugu, sutigullu piumasaqaateqarnersugut. Takornarialerinermut inatsisissami nutaami siunnersuutigineqarpoq ilaasoqarluni angallannermut sumiiffinnik immikkoortitsinissaq, immaqa nunami eqqissisimatitami niuernikkut angallassineq inerteqqutaalerluni
Arktisk Kommando
Septembarip
11-ani 2023-mi umiarsuaq ilaasartaat Ocean Explorer Tunup avannaarsuarni
Alpefjordenimi ikkarlippoq. Umiarsuaq ilungersunartumik ajoqusinngilaq, ilaasut
inuttallu aamma ajoquseratik. Ikkarlinnerli oqallinnermik pilersitsivoq,
umiarsuit ilaasartaatit nunatsinnut sumiiffinnullu sunik tunniussaqartarnersut,
sunillu piumasaqaateqarfiginerivut.
667-it ukioq manna tulassapput
Takornariartitsinermut inatsit nutaaq
Takornariaqarnermut inatsit apriilip ingerlanerani
tusarniaassutigineqassasoq naatsorsuutigineqarpoq. Ilimanarporlu 2024-imi
Inatsisartut ukiaanerani ataatsimiinneranni oqaluuserineqassasoq 2025-mi
takornariarfimmut sunniuteqarluni
2023-mi
umiarsuit takornariartaatit 518 Nunatsinnut tulapput. Naatsorsuutigineqarporlu
2024-mi suli amerlanerussasut. Maannangaaq Visit Greenlandip ukioq manna
nunatsinnut tulattussatut 667 nalunaarsorsimavaat, tassalu MS Cape Racemi
12-inik ilaasulinniit takornariartaatinut akimasuunut Odysseyimi 4.198-inik
ilaasulimmut. Piffissarli angallaffiusoq aatsaat naappat qassit nunatsinnut
tulassimanersut iluamik paasinarsissaaq.
Ullumikkut
umiarsuit ilaasartaatit aallaavittut Kalaallit Nunaanni sumiluunniit
angalaarsinnaapput, taamaattorli Nunami eqqissisimatitami angalaarnissaminnut
immikkut ittumik ilisimasassarsiornissaminnut akuersissuteqassapput. Tamatuma
saniatigut umiarsuarnut 250 sinnerlugit ilaasulinnut ilisimasortaqarnissamik
piumasaqaateqarpoq.
Sumiiffik qorsuk, sungaartoq aappaluttorlu
Islandimi
Svalbardimilu oqartussaasut killilersuilersimapput, umiarsuit ilaasartaatit
sumi ingerlaarsinnaanersut, tamannalu takornarialerisut Nunatsinni
naatsorsuutigisinnaavaat tassalu 2025-mi angallannermi. Taama
Inuussutissarsiornermut, niuernermut, aatsitassanut, inatsisinik
atuutsitsinermut naligiissitaanermullu Naalakkersuisoq Naaja H. Nathanielsen
(IA) oqaluttuarpoq, qaammatini kingullerni nunatsinni kommuninut
angalaarsimasoq kommunalbestyrelsemi ilaasortat, sumiiffinni takornarialerisut
innuttaasullu takornarialerinermik inatsisissatut siunnersuummik
oqallitsinniarlugit. Inatsisaavoq ilaatigut siunnersuutitaqartoq sumiiffinni
aalajangersimasuni takornarialerisunut kommunit sutigut
killilersuisinnaanersut.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit siunissami taamaallaat
atuarneqarsinnaajumaassapput.
Atuarluarna
– Inuussutissarsiuteqartunut
sumiiffiit pingasunut immikkoortitersimavavut. Qorsummi killilersorneqarani
angalasoqarsinnaavoq, sungaartuni immikkut piumasaqaatitaqarluni soorlu
piumasarineqarluni umiarsuarni takornariartaatini sulisut sumiiffinni takornarialerisumik
atuissasut imaluunniit taamaallaat piniarfiup assigisaataluunniit avataani
tikissinnaanissaq. Sumiiffiit aappaluttut tikinnissaat
inerteqqutaalluinnassaaq.
- Sumiiffik aappaluttoq tassaasinnaavoq sumiiffimmi
aalajangersimasumi pinngortitamiluunniit inuussutissarsiutigalugu piniartut
illersornissaat. Tassaasinnaavoq Tunup avannaarsuani nunamut
eqqissisisimatitamut, taamaallaat sakkutuunit, sumiiffimmi piniartunit,
ilisimatuunit kiisalu aatsitassarsiortunit akuersissuteqartunit
tikinneqarsinnaasumut, Ocean Explorerimi pisimasoq eqqarsaatigalugu, Naaja H.
Nathanielsen oqarpoq.
Kommunit sumiiffinnik toqqaassapput
Takornarialerinermut inatsisissaq poorskip kingorna tusarniaassutigineqartussaq ilimagineqarpoq umiarsuarmik takornariartitsisartunik angisuunik eqquinerpaassasoq, allannguutit naammassiuminaassinnaammata. – Takornarialerisut angisuut killilerneqarsinnaapput, soorlu Svalbardimi Islandimilu taamaaliortoqarsimasoq, piujuartitsinerulli aqqani, Inuussutissarsiornermut, niuernermut, aatsitassanut, inatsisinik atuutsitsinermut naligiissitaanermullu Naalakkersuisoq Naaja H. Nathanielsen (IA) oqarpoq
Leiff Josefsen
Isumaavoq
kommunit Namminersorlutik Oqartussanut saaffiginnissasut kissaatigalugu
sumiiffiit qorsuit, sungaartut imaluunniit aappaluttut sumiitsinniarnerlugit.
Taamaattoq piumasaqaataassaaq kommunit immikkoortortanut siunnersuutertik
tusarniaassutigissagaat, killilersuinerillu taamaallaat piffissamut ataatsimut
atuutissanngitsut.
– Pingaartuuvoq
kommunimi sumiiffinnut aalajangersimasunut immikkoortiterinerup tamakkiisumik
tapersersorneqarnissaa, Naaja H. Nathanielsen oqarpoq, ilisimalluarnerarlugu
sumiiffinnut immikkoortiterineq tamatigut nunanit allaniit
ingerlatseqatigiiffinnit ilassilluarneqarnavianngitsoq.
– Tamanna
annertuumik takornarialerisunut sakkortunerpaamik eqquissajunnarsivoq,
eqaatsumik sulisinnaaneq ajornakusoortissinnaammassuk. Tamatuma saniatigut
killilersorneqarsinnaapput, assersuutigalugu kommunip ilaasut qassit
ataatsikkut niusinnaanersut killilersimappagu. Taamaattumik aap,
takornarialerisut angisuut killilerneqarsinnaapput, soorlu Svalbardimi
Islandimilu taamaaliortoqarsimasoq, piujuartitsinerulli aqqani, tamannalu
aqqutissaavoq eqqortoq.
Takornariaqarnermut akerliuneq
Naalakkersuisut
takornariaqarneq sumiiffinni inuiaqatigiinnut tulluartoq kissaatigaat,
illoqarfiillu ikinnerpaat ataatsikkut takornariat niusut tusindilikkaat
nammassinnaavaat.
– Umiarsuit
ilisimasassarsiortut mikinerit amerlanerpaamik 330-nik ilaasoqarsinnaasut
Kalaallit Nunaannut tulluarnerupput umiarsuarujussuarnit angisuunit
illoqarfimmut mikinerumaamut tulakkaangamik innuttaasut amerlassusaanniit
amerlanerulersitsisartut. Piffissallu angallaffiusup ingerlanerani
sakkortusimaqaluni. Tamanna sumiiffinni takornariaqarnermik akerliulersitsivoq,
taamaattumik killilersuineq sakkuusinnaavoq iluaqutaasoq, innuttaasut suli
peqataatikkusukkutsigit, Naaja H. Nathanielsen oqarpoq.
Sumiiffinnik
immikkoortiterinerup saniatigut takornarialerinermik inatsimmi nutaami aamma
piumasaqaataavoq takornarialerisut tamarmik allagartaqarnissaat.
Isumannaallisaanermut upalungaarsimanermullu pilersaaruteqassaaq, aammalu
nunanit allaniit takornarialerisunut annertunermik piumasaqaateqassaaq,
piginnittut ilaasa Kalaallit Nunaanneersuunissaannik. Tamatuma saniatigut
takornarialerinermut inatsimmi piumasaqaataassaaq sumiiffinni sulisussanik
atuinerunissamik, taamaattoq suliassaqarfinni tamangajanni sulisussanik
amigaateqarneq qissimigaarneqarluni. Takornarialerinermut inatsimmi nutaami
ammaanneqassaaq uumasunik nujuartanik soorlu nannunik takuniaatitsisinnaaneq.
Kujataani takornarialerisut ilaannut takuniaatitsinissamik
uppernarsaateqalereersimavoq, amerlanerillu takkutissapput.