Naalakkersuisut aningaasarsianut akileraarutit pillugit inatsisissatut siunnersuutip allanngortinnissaanik siunnersuuteqarnikkut, immikkut akileraarusiisalernialersaarnertik sakkortuumik isornartorsiorneqartoq taamaatippaat.
Immikkut akileraartitsisalernissamik inatsisissatut siunnersuut aningaasaqarnermut akileraartarnermullu naalakkersuisuusimasup Mute B. Egedep, IA-meersup, Inatsisartunut siorna saqqummiuppaa.
Naalakkersuisut aningaasarsianut akileraarutit pillugit inatsisissatut siunnersuutip allanngortinnissaanik siunnersuuteqarnikkut, immikkut akileraarusiisalernialersaarnertik sakkortuumik isornartorsiorneqartoq taamaatippaat.
Immikkut akileraartitsisalernissamik inatsisissatut siunnersuut aningaasaqarnermut akileraartarnermullu naalakkersuisuusimasup Mute B. Egedep, IA-meersup, Inatsisartunut siorna saqqummiuppaa.
Nunatsinniit nunamut allamut nuunnerup kingorna akileraartussaatitaanerup uninnerani akileraarusiisalernialersaarnerup inatsisissatut siunnersuummiit peerneqarnera inuussutissarsiortut nuannaarutigaat.
Aammattaaq Naalakkersuisut Inatsisartullu isornartorsiuinernik tusaatissatut tigusillutik allannguinerat nersualaarneqarpoq.
Inatsisissatut siunnersuutip Inatsisartuni marlunngornermi juunip qulingani aappassaaneerneqassaaq, akuersissutigineqarnissaalu naatsorsuutigineqarluni.
- Naalakkersuisut immikkut akileraarusiisalernialersaarnerat inatsisissatut siunnersuummiit peerneqarnera nuannaarutigeqaara.
- Politikerit inuussutissarsiortunut nunatsinnilu suliffeqarfiinnut tusarnaarput, tamannalu uannut, suliffeqarfinnut kalaallinullu suliffeqarfinnut allanut iluaqutaavoq.
53-inik ukiulik Kitdlak Knudsen, innaallagisserivimmik suliffeqarfimmik Carl Lynge A/S-imik piginnittoq, oqarpoq. Suliffeqarfiutini ukiuni 23-ngajanni ingerlataraa, qulinillu sulisoqarluni.
Inatsisissatut siunnersuut akerlerineqaqisoq
Soorlu Sermitsiami allaaserineqartutut, Naalakkersuisut nunanut allanut nuunnermi akileraarusiisalernissamut inatsisissatut siunnersuutaat nunatsinni inuussutissarsiortut ilarpassuinit akerlerineqarpoq.
Suliffeqarfiit kattuffiillu 14-it tusarniaanermut ataatsimoorlutik akissutaanni aamma Grønlandsbankenip Aningaasaqarnermut Akileraartarnermullu Naalakkersuisoqarfiup allannguutissatut siunnersuutaanut tusarniaanermut akissutaanni tamanna atuarneqarsinnaavoq.
Sermitsiap ukioq manna januaarimi taanna allaaseraa.
Tusarnaanermi akissummut ataatsimoortumut Kitdlak Knudsen atsioqataaqataavoq.
Suliffeqarfiutini Kalaallit Nunaanni pisiarinissaqanngippat matusariaqalissallugu Sermitsiamut oqaluttuaraa.
- Suliffeqarfik soraarninngornissanut ileqqaakkatut atorpara. Maanna marloriaammik akileraarnissaraluara sussaarpoq. Inatsisissatut siunnersuummi immikkut akileraarusiisoqartalernissaa peerneqarmat, suliffeqarfiutiga tuniniarusulerukku suliffeqarfiup matunissaanik isumakuluuteqartariaaruppunga.
- Maannali toqqissisimallunga suliffeqarfiutinnut aningaasaliisinnaanngorpunga ineriartortitsisinnaallungalu. Tassa tunisinnginninni alliartortillugu, maanna oqarpoq.
- Allamut nuunnermi akileraartussaatitaanerup taamaatinneqarnera inuussutissarsiortunut pitsaasuuvoq. Politikerit nersualaartariaqarput, Martin Gjødvad oqarpoq. Taanna Kalaallit Nunaanni IT-mik suliffeqarfiit annersaannik Inu:it-mik piginnittuuvoq.
Assi: Leiff Josefsen
Martin Gjødvad: - Inuussutissarsiortunut pitsaasuuvoq
Isornartorsiuisut immikkut akileraarusiisalernissamut inatsisissatut siunnersuut kalaallit suliffeqarfiinut pillaatitut akileraarutitut taavaat. Taakku inatsit tamanna atuutilissagaluarpat Danmarkimit nunanillu allaneersunit aningaasaliisut, kinguaariit nikinneranni allannguinerit pisortallu Danmarkimut nuunnerannut atatillugu suliffeqarfinnik eqquissasoq ernumassutigaat.
- Allamut nuunnermi akileraartussaatitaanerup taamaatinneqarnera inuussutissarsiortunut pitsaasuuvoq. Politikerit nersualaartariaqarput, Martin Gjødvad oqarpoq. Taanna Kalaallit Nunaanni IT-mik suliffeqarfiit annersaannik Inu:it-mik 20-nik sulisulimmik piginnittuuvoq.
Inatsisartut akileraartarnermut ataatsimiititaliaat 2025-mi decembarimi ataatsimeeqatigaa, tassanilu inatsisissatut siunnersuut pillugu isumakuluutini isornartorsiuininilu saqqummiullugit.
Martin Gjødvadip immikkut akileraarusiisalernissamik inatsisissatut siunnersuut Danmarkimi suliffeqarfiit Kalaallit Nunaanni suliaqarnissaminnik pilerinerulernissaannik kinguneqarsinnaasoq Sermitsiamut taamani oqatigaa.
- Kalaallit suliffeqarfii immikkut akileraaruserneqarsinnaalissapput, qallunaalli suliffeqarfii Kalaallit Nunaanni akileraartaratik suliaqarsinnaassallutik.
- Taamaattumik qallunaat suliffeqarfii kalaallit suliffeqarfiinut unammillernissamut iluaquteqalissapput. Tamanna unammillersinnaanermik equngatitsilissaaq, Martin Gjødvad oqarpoq.
Akileraaritut pillugit siunnersuut Inatsisartuni aappassaaneerneqarnerani immikkut akileraarusiisalernialersaarneq atorunnaarsinneqarpat isorinnittut qasukkaamisinnaanngussapput. Maannamut.
