Aallarnisaasut Palli
Fleischer Lyberth aamma Aqqa Lange, naatitaarniarfeeqqamik Sisimiut Fresh
Farmimik ingerlatsisut, aasaq manna nikallungapput.
Akiligassat
akilerneqanngitsut suliffeqarfiup naatitaanit salaatiniillu sukkanerusumik
amerliartorput. Tamatumunnga ilutigalugu aningaasat naleerukkiartornerisa
kingunerisaanik imermut kiassarnermullu aningaasartuutit qaffakkaluttuinnarmata
talornarpoq.
Aallarnisaasut Palli
Fleischer Lyberth aamma Aqqa Lange, naatitaarniarfeeqqamik Sisimiut Fresh
Farmimik ingerlatsisut, aasaq manna nikallungapput.
Akiligassat
akilerneqanngitsut suliffeqarfiup naatitaanit salaatiniillu sukkanerusumik
amerliartorput. Tamatumunnga ilutigalugu aningaasat naleerukkiartornerisa
kingunerisaanik imermut kiassarnermullu aningaasartuutit qaffakkaluttuinnarmata
talornarpoq.
Maanna nuannaaqqilerput.
Akiligassat akilerneqareersimapput - ingerlallualersimappullu, naak
aallarnisaasut suli akissarsinngikkaluartut akiligassallu allat suli
takkuttussaagaluartut.
Periarfissaq
ilimaginngisaq
- Ilimaginngisatsinnit
annanneqarpugut, naatsorsuutigisimanngikkaluarparpummi, Palli Fleischer Lyberth
oqaluttuarpoq.
- Umiarsuit
takornariartaatit ingerlatseqatigiiffiannit saaffigineqarpugut, taakkualu
ilaasutik Sisimiut qeqqani suliffitsinnut pulaartikkusuppaat - ullumikkumut
killiffitsinni inunnik 200-nik, tamarmik pulaarnerminnut 120
koruuneernikuusunik, pulaartoqarsimalerpugut.
Misigisaq nuanneqaaq.
Takornariat alapernaatsuullutillu issittup killeqarfiata avannaani
naatitsisoqarsinnaanera alutoraat.
- Akiligassarpassuit
anigugassaanngitsutut misinnarseruttortut piffissaq eqqoqqissaarlugu pivoq. Suliffeqarfiup
siunissaq ungasinnerusoq eqqarsaatigalugu ingerlalluarnissaanut tamanna
naammanngilaq, kisianni maanna qasuersaarsinnaalerpugut – maannalu siunissaq
eqqarsaatigeqqissaarsinnaalerparput.
Sunaluunniit
tunisinnaagaat
- Naatitaaqqanik
tunisassiortarpugut – naatitat inerinneqanngitsut ilaatigut broccolit rasisellu
– aammalu salaatit tunisassiarisarpagut. Taakku ilaatigut Hotel Sisimiunt, Sømandshjemmimut
KNI-mut PIsiffimmullu tunisarpagut – tuninissaat ajornartorsiutiginngilarput.
- Tunisassianik Hotel
Sisimiunut pajukkaangama suli allanik peqarnersoq apeqqutigiuaannarpaat, taamaammat
unammillernartitarput pitsaasuuvoq.
- Aningaasartuutilli
qaffasippallaarput. Illumut, innaallagissamut imermullu qaammatit tamaasa
30.000-it missaanik akiliisarpugut – sulilu immitsinnut akissarsitinnginnatta
aningaasaateqarniarluta suliffeqarfitta saniatigut sulisarpugut.
- Suliarujussuuvoq – ullut
tamaasa. Sapaatip-akunnerata naaneraniinnaq naammassineqarsinnaanngilaq.
Assigiinngisitsineq
Sisimiut Fresh Farm
nunatsinnilu naatsiivilerinermik ingerlatsisut allat aalisakkerinermi
innaallagissamut tapiiffigineqartunut sanilliullugit immikkoortinneqartartut
Palli Fleischer Lyberth isumaqarpoq.
- Taamatut
immikkoortitsineq nunap imminut pilersorsinnaanissaanut periusissianut
naapertuutinngilaq, aallarnisaasoq oqarpoq.
-
Aningaasaleeqqinnginnitsinni akiligassat ingerlaavartumik takkussuuttut akilertariaqaratsigit
arriitsuararsuarmik siuariartorpugut. Atortut nutaat pisiareqqammerpagut,
kisianni flamingot oqorsarnermut atugassat pisiarinissaannut akissaqalertinnata
ingerlaqqissinnaanngilagut. Taamaammat arriitsumik siuariartorpugut, allornerit
ataasiakkaarlugit.
- Sisimiuni silami
naluttarfikumi atisalersortarfiusimasoq matoqqasoq qullilillu ullumikkut naatitsivigisarparput,
piffissalli ingerlanerani kiassarnermut nalimmassaatilimmik
naatitsiveqalernissarput takorluugaraarput. Aasaaneranimi Sisimiuni ulloq
unnuarlu qaamasarpoq – naatitsivillu aasaanerani kiassarneqarani salatinik
naatitsiviusinnaavoq. Salaatimmi 10 gradiinnarmi naasinnaapput.
Illoqarfimmiut
amerlanerit igalaasap killingani tomatinik agurkinillu naatitsineq
misilinnikuuaat. Tomatinik agurkinillu aamma naatitsisarnissaq
takorluugaraarput – aammattaaq jordbærinik radiserinillu angisoorsuarnik,
naatitaaraanngitsunik, naatitsilluta misiliinikuuvugut – Sisimiunilu tamanna
ajornanngilaq.
Sisimiut Fresh Farmimi
suliniut suli takorluugaannaavoq – takorluukkatillu naapertorlugit Palli
Fleischer Lyberth Aqqa Langelu ingerlarsorujoorput.
- Kalaallit Nunaat
naatitanik imminut pilersorluarsinnaavoq. Islandimi tamanna iluatsissimavoq,
maanili nunami suli sinaakkutissaqanngilaq, Palli Fleischer Lyberth oqarpoq.
