Justus Hansen, Demokraatit ukiorpassuarni
nuna tamakkerlugu kommuninilu politikkimik suliaqartartuisa nuimasut ilaat,
Kommuneqarfik Sermersuumi atorfittaarpoq.
Politikeri tusaamasaq Tasiilameersoq
kommunimi ingerlatsinermut aqutsisunngoqqammerpoq. Taamaalilluni Tunumi
Kommuneqarfik Sermersuup ingerlatsinermut aserfallatsaaliuinermullu suliassanut
suliniutinullu akisussaasuulerpoq. Tassani inuit 2700-t missaanniittut
najugaqarput.
Justus Hansen, Demokraatit ukiorpassuarni
nuna tamakkerlugu kommuninilu politikkimik suliaqartartuisa nuimasut ilaat,
Kommuneqarfik Sermersuumi atorfittaarpoq.
Politikeri tusaamasaq Tasiilameersoq
kommunimi ingerlatsinermut aqutsisunngoqqammerpoq. Taamaalilluni Tunumi
Kommuneqarfik Sermersuup ingerlatsinermut aserfallatsaaliuinermullu suliassanut
suliniutinullu akisussaasuulerpoq. Tassani inuit 2700-t missaanniittut
najugaqarput.
56-inik ukiulik Justus Hansen tamatumunnga
atatillugu Kommuneqarfik Sermersuumi ineriartortitsinermut sanaartornermullu
siulittaasutut tunuarpoq. Ingerlatsinermut aqutsisutut atorfik siulittaasutut
atorfimmut naleqqutinngimmat tamatumunnga peqqutaavoq. Borgmesterimut
tullersortaaginnassaaq.
Aqutsineq siammarterneqartoq
- Ukioq
manna januaarip aallaqqaataani sulilerpunga. Kommunip ingerlatsinermut,
teknikkimut, sanaartornermut, kulturimut, sunngiffimmi sammisaqarnermut
atuarfinnullu tunngatillugu ingerlatsiviini, najukkani, illuni atortuutinilu
ulluinnarni sullissineq akisussaaffigaara. Atorfik Nuummit Tunumut
oqartussaanerup nuunneqarneranut atatillugu pilersinneqarpoq, Justus Hansen
oqaluttuarpoq.
Ingerlatsinermut aqutsisutut kommunimi
teknikkimut, ingerlatsinermut aserfallatsaaliuinermullu tunngasuni sulisut,
ilaatigut immikkoortortaqarfimmi aqutsisut suliniutinillu aqutsisut, ataatsimut
aqutsisuuffigai. Tasiilami immikkoortumi pisortaq qullersaraa.
Sooruna aqutsineq siammarterneqartoq?
- Ingerlatsinermut
atatillugu ulluinnarni sukkasuumik aalajangiisinnaajumalluta taamaaliorpugut,“
Justus Hansen oqarpoq.
Ukiumut 4 millionit koruunit missaannik
atugassaqarpoq.
Kommunimi allaffissornikkut aalajangigassat
2024-mi oktobarip aallaqqaataanit najukkani Tasiilami Paamiunilu
aalajangerneqartarput. Kommuneqarfik Sermersuup aaqqissuussaanikkut
allannguineranut atatillugu tamanna pivoq, tassanilu Tasiilami Paamiunilu immikkoortortaqarfimmi
ingerlatsisut akisussaaffeqarnerulerlutillu immikkoortortaqarfimmi aqutsisutut
atorfeqalerput.
Ukiuni 15-ini Inatsisartunut
ilaasortaasimasoq
Justus Hansen nuna tamakkerlugu politikkimik misilittagaqarluarpoq.
Ukiuni 15-ini Inatsisartunut ilaasortaasimavoq. Siullermik 2009-miit 2013-imut,
taavalu 2017-imiit 2021-mut. Justus Hansen ilaatigut Inatsisartuni
sanaartornermut ataatsimiititaliami, attaveqaasersuutinut ataatsimiititaliami
kiisalu nunanut allanut sillimaniarnermullu ataatsimiititaliami
siulittaasuusimavoq.
Demokraatit sinnerlugit Inatsisartunut
ilaasortap Tasiilameersup qinersinermut atatillugu Inatsisartunit tunuarami
nuna tamakkerlugu politikki 2021-mi upernaakkut qimappaa.
- Partiimut
allamut nuuttartuunngilanga, Justus Hansen oqarpoq.
Ilaquttanilu Tasiilami najugaqarput. Ataataa
najaalu Danmarkimi najugaqarput. Arnaa toqunikuuvoq.
Justus Hansen mekanikeritut
ilinniagaqarsimavoq, ilaatigut Danmarkimi namminersortutut sulisimalluni.
Taamatuttaaq Tasiilami Polaroilimi tankinik ukiuni 19-ini nakkutilliisuusimavoq.
