MOTOORI

Taxanut inatsit nutarterneqalersoq

Angallannermut ministerip ineqarnermut attaveqaqatigiinnermullu naalakkersuisup siunnersuutaa tunngavigalugu Kalaallit Nunaanni biilinik angallassisartut pillugit malittarisassat allanngortinniarpai. Angallannermut ministeri Folketingimut ilaasortamut akissummini taamatut paasissutissiivoq

Foråret har været præget af stor usikkerhed indenfor taxabranchen som følge af den manglende lovgivning inden for området.

Taxartartut akornanni upernaaq manna nalorninartorsiortoqangaatsiarpoq. Taxartartut arlallit apriilimi inatsisinik amigaateqarneq pissutigalugu, tassa kikkulluunniit biilersinnaanermut allagartallit taxartitsisutut isaatitsisinnaanerat pillugu, akerliussutsimik takutitsipput.

Motoori

Aviisi soqutigineqarluartoq, Motoori akeqanngitsumik uani atuarneqarsinnaavoq

Taxartartut arlallit inunnik allagartaqaratik taxartartunik politiinut nalunaaruteqartarsimapput. Inatsilli atuuttoq tunngavigalugu inuit nalunaarutigineqartut inatsisitigut malersorneqarsinnaangillat, naak akuersissuteqanngikkaluartut.

 Isertitalli tamarmik akileraaruserneqassasut piumasaqaataavoq, Akileraartarnermut Aqutsisoqarfik taxartartunut tamanut ersarissumik nalunaaruteqarpoq "Isertitat tamarmik akileraarfiusussaapput". Akuersissuteqaraanni soqanngikkaanniluunniit apeqqutaanani.

Akileraarnissat eqqaamajuk

Taxartartut akuersissutillit inunnik allagartaqaratik taxartartunik politiinut arlaleriarlutik nalunaarutiginnittaraluarput. Inatsilli atuuttoq tunngavigalugu inuit nalunaarutigineqartut inatsisitigut malersorneqarsinnaanngillat, naak akuersissuteqanngikkaluartut.

Isertitat taxarnermeerpata, biileqaqatigiinnermeerpata kiffartuussinermilluunniit akilersilluni inunnik angallassinermit pineqarpata akileraarnissamik pisussaaffik atuuttoq Akileraartarnermut Aqutsisoqarfik erseqqissaavoq.

 Akileraartarnermut Aqutsisoqarfiup aamma erseqqissarpaa suliffeqarfimmi sulisoqaraanni akileraarutit A-t ilanngaatigisaqqullugit akilertaqqullugillu.

 - Akileraarutitigut isertitat eqqortumik suliarineqarnissaat qulakkeerniarlugu tamatumani malittarisassat erseqqissarnissaat uagutsinnut pingaaruteqartoq, Akileraartarnermut Aqutsisoqarfimmi pisortaq Kim N. Nielsen apriilimi tusagassiuutinut nalunaarummi oqarpoq. Eqqortumik nalunaarutiginnittoqanngippat akiligassiisoqarsinnaasoq allatigulluunniit kinguneqartitsisinnaasoq ilanngullugu tikkuarpaa.

Ministeriaqarfik nalimmassaaleruttortoq aamma ineqarnermut attaveqaqatigiinnermullu naalakkersuisoqarfik oqaloqatigineqartoq Danmarkimi angallannermut ministeri Thomas Danielsen Folketingimi ilaasortamut IA-meersumut Aaja Chemnitzimut juunip 13-ianni akissummini ilisimatitsivoq

Inunnik angallassinermi akileraarutitigut isertitaqarnermik nalunaarusiornissamut kajumissaarinerup kingorna amerlanerusut isertitaminnik nalunaarsuisimanersut Akileraartarnermut Aqutsisoqarfimmut paasiniarparput. Tamakkuli nalunaarsorneq ajorpaat.

Akineqarnissaq sivisuumik utaqqisaraat

Ineqarnermut Attaveqaqatigiinnermullu Naalakkersuisoqarfik upernaaq manna marloriarluni Danmarkimi angallannermut ministeriaqarfimmit, Kalaallit Nunaanni taxanut maleruagassaliornissamut periarfissanik atuutsitsisumit, saaffiginnippoq.

Inuit Ataqatigiit sinnerlugit Folketingimut ilaasortap Aaja Chemnitzip angallannermut ministeri Thomas Danielsen (V) apriilip 22-ani apeqquteqarfigaa, kaammattuutigalugulu pisariaqartunik aaqqissuusseqqittoqarnissaa qulakkeerneqassasoq.

Susassaqarfimmi nalimmassaasoqarpoq

Sermitsiap Angallannermut ministeriaqarfik arlaleriarluni akissuteqaqqullugu saaffigaa, soorlu aamma ineqarnermut attaveqaqatigiinnermullu naalakkersuisumut Hans Peter Poulsenimut apeqquteqaateqartugut. Akissuteqartoqanngilarli.

Angallannermut ministeri Thomas Danielsen (V) Folketingimi ilaasortap Aaja Chemnitzip apeqqutaanut qanittukkut kiisami akissuteqarpoq. Tassani allassimavoq angallannermut ministeriaqarfik Hans Peter Poulsenimut apriilip 26-ani allagaqarsimasoq ”ministerip suliassap nukinginnassusia paasilluinnaraa, soorunamilu biilinik attartortittakkanut tunngatillugu malittarisassaliornissaq pillugu nalunaarummik nalimmassaasoqassasoq." Kalaallilli tungaanniit suut nalimmassaqquneqarnersut piffissami tassani oqaatigineqarsinnaanani.

 Angallannermullu ministeri naapertorlugu ineqarnermut attaveqaqatigiinnermullu naalakkersuisoqarfik politiit nalunaarutaannik tamatuma kingorna nassiussivoq. Taakkulu aallaavigalugit maanna nalimmassaasoqaleruttorpoq.

Ineqarnermut attaveqarnermullu naalakkersuisup Hans Peter Poulsenip upernaaq manna marloriarluni danskit angallannermut ministeriat saaffigaa nalunaarummik saqqummiussisoqarnissaa pillugu. Taamaalilluni Naalakkersuisut biilinik attartortittakkanut tunngatillugu malittarisassaliorsinnaaniassammata. Tamanna kiisami iluatsippoq.
Powered by Labrador CMS