Air Greenlandip
Kangerlussuarmit Nuummut timmisartuussisarnini novembarip 28-anni unitsimmaguli nunaqarfimmi mittarfeqarfiusumi nipaallilluinnarpoq.
Taamaattumik
Københavnimit Kangerlussuarmut timmisartuussisarnerit ataasinngormat
aallarteqqinneqarmata nuannattoqarlunilu kaffillertoqarpoq.
Air Greenlandip
Kangerlussuarmit Nuummut timmisartuussisarnini novembarip 28-anni unitsimmaguli nunaqarfimmi mittarfeqarfiusumi nipaallilluinnarpoq.
Taamaattumik
Københavnimit Kangerlussuarmut timmisartuussisarnerit ataasinngormat
aallarteqqinneqarmata nuannattoqarlunilu kaffillertoqarpoq.
Tassa
timmisartoq – Boeing
737-800 Jettime-meersoq – tikimmat Kangerlussuarmi innuttaasut
erfalasulisarlutik,
kaffimik
kaagimillu
sassaalliinissaminnut
piareersimapput.
-
Timmisartumi
ilaasut nuannaartut 130-t missaanniipput, taakku maanna
Kangerlussuarmi feeriartussaapput,
sapaatip akunnerata ingerlanerani ilaat
Ilulissanut
Sisimiunulluunniit ingerlaqqissallutik,
Albatros Arctic Circlemi pisortaq Jørgen Larsen kaffillernermik
aaqqissuussisoq oqarpoq.
Allaannginnami qanga pissutsinut utersaarluni, tassa Kangerlussuarmi tikittarfik inunnik ulikkaarluinnarmat, tassa timmisartumut ilaasunik Kangerlussuarmiunillu.
Assi: Jørgen Larsen
Ulloq
nuannaarfiusoq
-
Københavnimiit nalunaaquttap akunnera ataaseq kingusinaarluni
aallarneq pissutigalugu kingusinaalaarlutik tikipput, tamannali
soqutaanngilaq. Ullormi pineqartoq Kangerlussuarmi nuannaffiuvoq –
kikkullu tamarmik nuannaarlutik.
-
Kangerlussuarmi maanna pisoqaqqilermat
inuuneq nuannaarnerlu
atugaaqqilerput –
aamma tamatumunnga
pissutaalluni, Air
Greenlandip nunap sinneranut
timmisartuussisarnini
annertusisimammagu,
maannami
sapaatip akunneranut arfinileriarluni Kangerlussuup Ilulissallu
akornanni timmisartuussisoqartassalluni
kiisalu sapaatip akunneranut pingasoriarluni Sisimiunut
timmisartuussisoqartassalluni.
Taamaalilluni
Kangerlussuup Nunatsinni takornariaqarnermut inissisimanera
pingaaruteqarneralu nukittunerulissasoq, pisortaq ilisimatitsivoq.
Københavnip
Kangerlussuullu akornanni timmisartuussisarnermi aqqummi nutaami
sapaatip akunneranut marloriarluni tikittoqarlunilu
aallartoqartassaaq, tamannalu iluatsinneqarluni Air Greenlandip aamma
Albatros Arctic Circle-ip, Old
Camp-imik, Polar Lodge-mik aamma Hotel Kangerlussuarmik kiisalu
Restaurant Roklubbenimik aamma Restaurant MuskOx-imik
ingerlataqartup, suleqatigiinnerisigut piviusunngorsinnaasimavoq.
Timmisartoq
Jettime-meersoq Kangerlussuarmut aqqusaaginnariarluni Nuummut
ingerlaqqippoq. Nuummi unnueriarluni marlunngornermi ullaakkut
Kangerlussuakkoorluni Københavnimut utissaaq, nalunaaqutarlu 16.25
mittussaassalluni.
Ilaasut Kangerlussuarmut tikilluaqqullugit kaagillerfigalugillu kaffillerfigineqarput.
Assi: Jørgen Larsen
Nuummit
timmisartuussisoqarnerusassasoq
Kangerlussuaq
aqqusaarlugu timmisartuussisarneq oktobarip 16-iata tungaanut
atuutissaaq, Air Greenlandillu aasaanerani timmisartuussisarnissaanut
ilaalluni, taanna marsip 17-ianni atuutilerpoq. Aasaanerani
timmisartuussisarnissamut pilersaarutip kinguneranik Nuup
Københavnillu akornanni timmisartuussisarneq ullaakkut unnukkullu
aallartartut amerleriangaatsiarnerannik kinguneqassaaq.
"Ataasinngornerit tallimanngornerillu ullaat tamaasa toqqaannartumik Nuummiit Københavnimut nalunaaqutaq 7.30 timmisarttuussisassaagut, nalunaaqutaq 15.00 tikittartussamik. Tallimanngornerit tamaasa ualikkut kingusissukkut Københavnimiit toqqaannartumik Nuummut nalunaaqutaq 15.50 timmisussaq nalunaaqutarlu 17.40 tikittussaq neqeroorutigisinnaavarput. Sapaatit tamaasa unnukkut toqqaannartumik Københavnimit Nuummut nalunaaqutaq 18.00 aallarluni nalunaaqutaq 20.00-lu tikittussaq neqeroorutigaarput", Air Greenland nittartakkamini taama ilisimatitsivoq.
