KL

DK

Unammisitsinerup kingorna aningaaserivik nutaamik ateqalerpoq

Maanna Bankiveqalerpoq, BankNordik-ilu oqaluttuaannanngorpoq. BankNordik ukioq manna siusinnerusukkut aalajangerpoq Kalaallit Nunaanni aningaaserivik nutaamik ateqalersinniarlugu, taamaammat atermik unammisitsivoq. Bankivik, maanna aningaaseriviup aqqa nutaaq, siunnersuutit tiguneqartut 3000-t ilagaat.

Tôrtia Reimer-Johansen
Tusagassiortoq
Saqqummersinneqarpoq

Siornatigut BankNordikiusoq sanioqqukkaanni, taaguut nutaaq Bankivik ilisarnaataasumi takuneqarsinnaalissaaq.

Atermik unammisitsinermi 3000-it siunnersuutigineqarput, Bankivillu toqqarneqarpoq:

- Kalaallit Nunaanni immikkoortortaqarfitsinnut atissatsinnik nutaamik, immikkuullarissumik nunamullu najukkatsinnut tulluartumik nassaarnissarput kissaatigisimavarput. Inuiaqatigiinnut ikioqqulluta atissarsiorluta unammisitsivugut, taamallu amerlatigisunit peqataaffigineqarnera assorsuaq tupaallaatigaarput.

- Siunnersuuterpassuit pitsaasut akornanni Bankivik atissatut siunnersuutigineqarpoq, taannalu atitut immikkuullarissutut, tassa banki piviusoq, torersumik ilumoorsaartumillu periuseqartoq dommeritta immikkut erseqqissarsimavaat – ilisarnaatillu taakkorpiaat aningaaserivitsinni sullissinitsinni, suleqatigiinnitsinni inuiaqatigiinnilu akuunitsinni pingaartitatsinnut attuumassuteqarluinnarput.

- Ateq taannarpiaq arlalinnit uatsinnut siunnersuutigineqarsimammat tulluusimaarlutalu qujamasuppugut, maannalu ateq taanna atulerparput, sapinngisannguarpullu tamaat atorlugu atermut tassunga naapertuuttumik periuseqarniarpugut, Turið F. Arge, Bankivimmi pisortaaneq oqarpoq.

Minik Hansen atermik Bankivik-mik siunnersuuteqartut ilagaat, atermillu taassuminnga siunnersuuteqarsimasut tamarmik akornanni makitsinermi makinneqarpoq, 10.000 kr.-inillu eqquilluni.

Dommerit suleqatigiittut ukuupput: Pivinnguaq Mørch, atuakkiortoq ilinniartitsisorlu, Naja Paulsen, tusagassiortoq kiisalu Arina Kleist, attaveqaqatigiinnermik ilinniarsimasoq. 

- Siunnersuutinik nassiussisimasut atertaarnissatsinnullu suleqataasimasut tamaasa aningaaseriviup aqutsisuisa qujaffigerusuppaat, kiisalu dommerivut suliap ingerlanerani pingaaruteqaqisumik suleqataasimasut aamma qujaffigerusullugit.

inuussutissarsiutit erhverv banknordik bankivik turið f. arge minik hansen navnekonkurrence

ATORFIIT Se alle jobs

Powered by Labrador CMS