Qimussimik alapernaarsuiartortitat Sirius 2025-mi aggustip 18-iani ukiut 75-inngortorsiornerat illersornissaqarfiup pisortatigoortumik ataasinngornermi ullup-qeqqanut nalliuttorsiutigimmagu qimmit qimuttut eqqartorneqarsimassagunarput. Tunup avannaani Ella Ø-mi pilersinneqaramik Operation Resolut-imik taaguuteqaqqaaraluarput. Aatsaat 1953-imi maanna atiminnik taaguuserneqarput.
Ulloq Aalborgip timmisartoqarfiani ingerlaaqatigiinnermik, oqalugiarnernik kingornalu ilassinninneq kunngip Frederiup, illersornissaqarfiup pisortaasa Siriusimi nakkutilliisuusimasut 85-it peqataaffigisaannik — ulluinnarni fupperinik taaneqartartut - nalliussineqarpoq.
Qimussimik alapernaarsuiartortitat Sirius 2025-mi aggustip 18-iani ukiut 75-inngortorsiornerat illersornissaqarfiup pisortatigoortumik ataasinngornermi ullup-qeqqanut nalliuttorsiutigimmagu qimmit qimuttut eqqartorneqarsimassagunarput. Tunup avannaani Ella Ø-mi pilersinneqaramik Operation Resolut-imik taaguuteqaqqaaraluarput. Aatsaat 1953-imi maanna atiminnik taaguuserneqarput.
Ulloq Aalborgip timmisartoqarfiani ingerlaaqatigiinnermik, oqalugiarnernik kingornalu ilassinninneq kunngip Frederiup, illersornissaqarfiup pisortaasa Siriusimi nakkutilliisuusimasut 85-it peqataaffigisaannik — ulluinnarni fupperinik taaneqartartut - nalliussineqarpoq.
Kalaallini siullersaallun Siriusimi sakkutuujusimasoq Sisimiormiu Alfred Olsen peqataasut ilagaat. Taassuma periarfissaq atorluarlugu Kunngi Frederik ilassivaa, marluullutimmi Tunup avannaanut minnerunngitsumillu qimussernermik nuannarisaqarluartuupput. Qimmimmi qimuttut alapernaarsuiartortitat sumiiffimmi issittumi inoqajuitsumilu suliassaminnik naammassinnissinnaanissaannut pingaaruteqarluinnartuupput.
Inuuninnik ilusilersuisuuvoq
- Siriusimut ilanngunnera inersimasutut inuuninnut ilusilersuisuuvoq, taamaattumik ulloq pingaarutilerujussuuvoq – aamma nuannersuuvoq. Siriusimimi sulisuusimasut naapeqqikkaangamik oqaloqatigiilluarneq pisarpoq. Ikittunnguuvugummi immikkorluinnaq ittumik misigisaqarnikut, Alfred Olsen nassuiaavoq. Taanna ingerlaaqatigiinnermi suleqatigisimasanilu Per Ølholm peqataapput.
Kunngi Frederik Siriusip nalliussineqarnerani peqataavoq. Peqatigiiffik Siriusimi siulittaasoq Rasmus Gregersen (sakkutuut atisaannik atunngitsoq), Ataqqinartorsuaq Kunngi aamma Specialoperationskommandomi pisortaq generalmajor Poul Ebstrup (panalik).
Assi: Theis Nielsen/Forsvaret
- Sirius puigunngisaannagassaavoq. Aammattaaq Kunngi Frederimmut, qimussimik alapernaarsuiartortitat 2000-imi ukiuni 60-inngortorsiorneraanni 2.800 kilometerisut isorartutigisumik angalaneranut peqataasumut, taamaappoq. Tassa kunngi, uanga Siriusimiissimasullu allat ataatsimoorfeqarpugut. Nalunngilarput Tunup avannaani aqqutinik ajornanngitsoqanngitsoq. Pinngortitamiinnermi inissisimaffik apeqqutaasanngilaq. Taamaattumik Siriusimi nakkutilliisuusimasut naatsorsuutigineqarsinnaajuaannarput.
Qimminut qujassutissaqarluartut
Ataasinngormat ilassinninnermi Siriusimi maannakkut nakkutilliisut Daneborgimiit videokkut attaveqarnikkut peqataapput. Taakku qimmit qimuttut immikkut qutsavigaat:
- Taakkoqartinnagu Siriusi piussanngikkaluarpoq, Daneborgimit oqarput.
Ullormi malunnartitsinermi Immikkut suliaqarnermi kommandomi pisortanngorlaaq generalmajor Poul Ebstrup, Jægerkorpsetimi pisortaq oberstløjtnant Claus Pugholm aamma Peqatigiiffik Siriusimi siulittaasoq Rasmus Gregersen oqalugiarput. Kunngi oqalugianngilaq, Siriusimilu suleqataasimasut najuuttut ingerlaaqatigalugit.
1950-imi qimussimik alapernaarsuiartortitat "Operation Resolut"-imik taaguuteqarlutik aallartinneqarput. Alapernaarsuiartortitat Avannaani Tunullu avannaani qallunaanit najuffigineqarnissaat qulakkeerniarlugu aallartinneqarput. Ukiut marluk qaangiummata Canadami silasiorfiup "Resolute Bay"-imik atilimmut paarlaattoorneqartannginnissaq anguniarlugu alapernaarsuiartortitat "Qimussimik alapernaarsuisut Sirius"-imik atserneqarput.
Sirius Kalaallit Nunaanni Sakkutooqarfimmit 2006-imi aqunneqalerpoq, ukiullu arfinillit qaangiummata Issittumi Sakkutooqarfik 2012-imi pilersinneqarmat alapernaarsuiartortitat Issittumi Sakkutooqarfiup ataaniilerput. Alapernaarsuiartortitat Sirius Jægerkorpsetimi Specialoperationskommandomi maanna ilinniartinneqartarput, Issittumilu Sakkutooqarfik alapernaarsuiartortitanik aallartitsisarluni.
