Avannaata Qimussersua 2025 KNI-mit aallakaatinneqassaaq

Qinersisoqartussaammat, sulisullu amigarnerat peqqutaalluni Avannaata Qimussersua KNR-imiit aallakaatinneqassanngitsoq nalunaarutigineqareersorlu, KNI A/S sassarluni nalunaaruteqarpoq. Avannaata Qimussersua 2025 KNI-ip toqqaannartumik aallakaatinniarpaa.

Leiff Josefsen

Tôrtia Reimer-Johansen Tôrtia Reimer-Johansen Journalist

Offentliggjort torsdag 13. feb 2025 15:04

Avannaata Qimussersuai 2025 Sisimiuni pippat toqqaannartumik malinnaasinnaavutit.

AAMMA ATUARUK

KNR-ip Avannaata Qimussersua TV-kkut toqqaannartumik aallakaatissanngilaa

KNR-TV-kkuunngitsoq, kisianni KNI A/S-kkut.

- Nuannaarutigalugu nalunaarutigissavarput KNI A/S-ip Avannaata Qimussersua 2025 livestreamerlugu takutissammagu. Tamanna pissaaq Sisimiut TV suleqatigalugu.

Ussassaarut

- Siunertaavoq minnerpaamik aallarnerat tikinnerallu takutinneqassasoq, taamaattorlu neriuutigaarput aamma sukkanniuunnerata naalaani aallarfimmi pisunik takutitsiumaarluta apersuinertalinnik, KNI A/S Sermitsiamut allappoq.

Avannaata Qimussersua Sisimiuni marsip ulluisa 29-anni pissaaq.