Aputsiaq Gregers Ratzow, Palleq Kristiansen, Grøndahl
Rasmussen aamma Linda Møller Petersen maanna Katuami inaarutaasumik suliaminnik
saqqummersitsipput.
Saqqummersitsineq juunip 22-ata tungaanut
takuneqarsinnaassaaq, taakkualu eqqumiitsuliat Eqqumiitsuliornermik
Ilinniarfimmi ukiumi ataatsimi ilinniarnerminni pilersitaraat.
Aputsiaq Gregers Ratzow, Palleq Kristiansen, Grøndahl
Rasmussen aamma Linda Møller Petersen maanna Katuami inaarutaasumik suliaminnik
saqqummersitsipput.
Saqqummersitsineq juunip 22-ata tungaanut
takuneqarsinnaassaaq, taakkualu eqqumiitsuliat Eqqumiitsuliornermik
Ilinniarfimmi ukiumi ataatsimi ilinniarnerminni pilersitaraat.
Eqqumiitsuliornermik Ilinniarfik Linda Møller
Petersenimut pingaaruteqangaarpoq. Tassani pinngorartitsilluni
suliaqarnissamut, inuttut ineriartornissamut nuannarisaminillu
ineriartortitsinissamut periarfissaqarsimavoq. Aallaqqaammut titartaaneq
ajornartissimavaa.
- Aallaqqaammut sapiissuseqarnangalu naammaginanngitsutut
misigivunga. Qalipakkanik assiliinissara misilinngisaannarnikuuara,
aniinnarusuttarualuarlungalu. Allalli sapinngippata uanga aamma sapernanga
eqqarsalerpunga.
Eqqumiitsuliornermi Ilinniarfimmi ilinniartut Katuami juunip arferngani saqqummersitsinerminnik ammaanersiorput, saqqummersitsinerlu juunip 22.ata tungaanut takuneqarsinnaavoq.
Assi: Katuaq
- Eqqumiitsuliornerup silarsuaanut appakaateqqaarneq
aallaqqaammut oqitsuinnaanngilaq, ilinniarnitsinnili sukkasuumik
ineriartorpugut. Eqqumiitsuliornermik Ilinniarfimmi ilinniarninni imminut
ilisarisimanerulerlungalu nuannarisannut tunngasunik paasisaqangaatsiarama
eqqumiitsuliornerup silarsuaaniittussaallunga paasivara, Linda Møller Petersen
oqarpoq.
Oqaluffik aamma Kunngi Eqqumiitsuliornermik ilinniarfimmi ilinniartut allat peqatigalugit
ilaatigut atortussat assigiinngitsut atorlugit eqqumiitsuliornermik,
assilialiornermik, qalipaanermik, akrylimik marrarmillu suliaqarnermik
ilinniartinneqarpoq, suliaallu maanna Katuami saqqummersinneqarput.
Linda Møller Petersenip Frederik “Kunngi” Kristensen
immikkut pingaartippaa, taamaammallu taassuma assinga qalipassimavaa. Aamma
Paamiuni Eqqissinerup Oqaluffia sammivinniit assigiinngitsuniit qalipassimavaa.
- Paamiormiuuvunga, oqaluffimmilu tassani kuisullungalu
apersortinnikuugama uannut pingaaruteqangaarpoq, taanna oqaluttuarpoq.
Oqaluffik qaammaterpaalunni annikitsorsiorluni
titartarlugulu qalipappaa.
- Oqaluffik, qalipaatai, tarrat, sanimoortui qaamaneralu
qalipassallugit unammillernarpoq, Linda Møller Petersen oqarpoq.
Aputsiaq Gregers Ratzow, Grøndahl Rasmussen, Palleq Kristiansen aamma Linda Møller Petersen ukioq ataaseq Eqqumiitsuliornermik Ilinniarfimmi tunngaviusumik ilinniarput.
Assiliisoq: Oscar Scott Carl
