Sequnngeqqallunga pinngortitamiittutut misigaanga. Anoraannguaq
nillataartoq kiinanni malugisinnaasutut illugulu issittup aasaani alianaatsumi
paarnaqutit isugutattut naamasuusivakka.
Varnap EP saqqummersitaa “SILA”, qaammat kingulleq
saqqummertoq, tusarnaaginnarlugu imminut eqqaasippunga.
Sequnngeqqallunga pinngortitamiittutut misigaanga. Anoraannguaq
nillataartoq kiinanni malugisinnaasutut illugulu issittup aasaani alianaatsumi
paarnaqutit isugutattut naamasuusivakka.
Varnap EP saqqummersitaa “SILA”, qaammat kingulleq
saqqummertoq, tusarnaaginnarlugu imminut eqqaasippunga.
Sila kalaallit oqaasiini arlalinnik isumaqarpoq, “Silap
Inuanik” inuttaqartinneqarluni silamut, silaqassusermut silarsuullu qanoq
issusaanut tunngatinneqartartoq.
Erinnat toqqissisimalersitsillutillu, imminut takunarlutillu
pinngortitamik, kangerlunnik immamillu eqqarsalersitsipput.
Varnap misigissutsit soorlu kinaassuseq, usorsisimaarneq
nukillu nipilersuusiamini ileqqutoqqanik nutaalianillu akuleriisitsisunik
qaffakaatippai.
Salliussat ukkataralugit
Varna Marianne Nielsen Tunup sineriaani 3.000 kilometerinik
isorartussusilimmi illoqarfiit marluusut aappaani Tasiilami inunngorsimasoq
qilaatersortartunut kinguaajuvoq.
Erinniortuullunilu,
erinarsortartuullunilu/erinarsuusiortuullunilu, isiginnaartitsisartuullunilu,
erinarsortartuullunilu, qilaatersortartuullunilu, ilisimatusartuullunilu
Qilaat.org-imi, nunatsinni qilaatersornermut tivanermullu ilisimatusarfimmi,
tunngaviliisuuvoq.
Varna saqqummersitarpaaloqarpoq, ilaatigut nuusiat”The Road”
aamma ”Pilarngar”.
EP-tut saqqummersitaani erinnat ilaat ateqartoq”Uitta”,
nipigillunilu misigissutsinik qaffakaatitsisarpoq.
Varna imminut tatigaluni erinarsorlunilu oqariartuutini
siutinnut sallaatsumik isussuuttarpaa. Oqariartuut kalaallit naleqartitaasa
salliunneqarnerisa annikippallaarnerannik uanga nammineq paasisara. Erinaq
qimmit qimuttut miaggoornerisa immiunneqarnerannik sakkortusaasigaagami qamanngaanneerpalaarlunilu
ilumoortutut misinnarpoq. Elektronikkerpalaartumik nipilersornertaqarami
ilaatigut Billie Eiliship atugaanut”Bad guy”-imut eqqaanarsinnaavoq, uangali
isumaga malillugu uagut nammineq kulturitsinnik akusaanera erinnamut
nuannequtaalluinnarpoq.
Killissanik qaangiiniarneq
Varna saqqummersitani tamaasa atorlugit nipilersoriaatsit
nutaaliaasut killeqarfiinik qaangiiniartuaannarpoq, aammalu matumani
pakatsisitsisinnaanngilaq. EP-tut saqqummersitaani erinnat arfiniliusut
taallaqarujussuanngikkaluartut ilisarnarlutillu unneqarilluinnarput.
Nipilersukkanik elektroniskiusunik kalaallisullu tivanermik
tusarnaarlutit misileraarusukkuit, taava EP una ilinnoorrtuuvoq.
Misigisarpunga nipilersukkat nalinginnaanngitsut
tusarnaarlugit. Soorlulusooq inuit siuaasakka 100-t tununniittut
tusarnaarlunga.
Silarsuarmi attaveqatigiinnermik paasinninnermillu
kissaateqarfiusumi “SILA” qaamanermik, eqqissinermik nukinillu
isumassarsisitsisussaavoq.
