Berda, Birdie, Larsen, 31-nik ukiulik. Ilinniartoq, filmiliortoq, anaanaq.
Inuit kulturiat ilinnut suua?
Berda, Birdie, Larsen, 31-nik ukiulik. Ilinniartoq, filmiliortoq, anaanaq.
Inuit kulturiat ilinnut suua?
- Oqaatsit inersimasunngiorama
aatsaat ilikkarakkit oqaatsitigut unammillernartitaqarnikuuvunga. Taamaammat
ilisimasanut nutaanut ammanerulerneq nammineq samminerunikuuara.
Amerlanertigut annaasaq nassaareqqillugu
misigisimasarpunga. Assersuutigalugu qullermik ikitsineq uanga nammineq
peroriartorninni sungiusimanngilara, panimmali peroriartornermini
sungiusimavaa. Tamanna pissuserineqartussanik kulturitsinnillu
pilerseqqinnertut misiginartarpoq.
Inuiaqatinnut qanoq atassuteqarlutit misigisarpit?
- Aperigammali akisinnaanikuunngilara. Uissama sianernissaata tungaanut
akisinnaanngilara. Taanna sila taarsereersoq oqarpoq: ”Asas, silamut qiviarit”.
Qulanngiivillunga qanoq isumaqarnersoq paasivara
Birdie
Aneerasaartarfitsinnut anillakkama arsarnerit isiginnaarpakka. Oqaaserpassuit atunngikkaluarlugit paaseqatigiissinnaanermik misigissusaavoq.
Inuulluni suna unammillernarsinnaava?
Naggueqatigiit Inuit Ulluat:
Naggueqatigiit
Inuit ulluat, aamma International Cirkumpolar Inuit Dag-imik taaneqartartoq,
inuit ullorsiutiginiarlugit oqariartuutaallu siammartinniarlugit
nalliussineqartarpoq. Ukiut tamaasa novembarip arfineq-aappaanni pisarpoq.
Ulloq taanna Inuit Issittormiut Siunnersuisoqatigiivi 2006-imi Utqiagvimmi
ataatsimeersuarmata nalliuttorsiutigineqartalerpoq. Siunnersuisoqatigiit novembarip
arfineq-aappaat Eben Hopson Seniorip, Inuit Issittormiut Ataatsimeersuaqqaarnissaannik
aaqqissuisup, inuuia ataqqinnillutik toqqarpaat.
Najoqqutaq: Wikipedia
- Inuussagaanni qangatut inooriaaseq pillugu ilisimasaqarluaraanni aatsaat
akuerineqartoqarsinnaasoq siornatigut isumaqartarpunga, sunalu tamaat
ilisimasinnaanagu imminut akuereqqaartariaqarsimavunga. Nunasiaataasimanerput
pissutigalugu kinguaariinnit siulinnit ilisimasarpassuarnik
kingornussisoqarsimanngilaq. Akuersinikkut inissaqartitsilerpunga, kukkunerit
ilisimasanik nutaanik pissarsinermi ilinniutigineqarsinnaasunik
inissaqartinneqarput. Nutaanik ilisimasaqalersitsisinnaaneq, matumani uanga
nammineq paninnut qanittukkullu meerartaassannut, tunissutaavoq.
