Palasip uliguaa Dronningip sanaava Viborgimi atoqqaarfissiorneqarpoq

Sapaammi ullaap tungaa palasip uliguaa dronning Margrethep ilusilersugaa Viborg Domkirkemi atoqqaartinneqarpoq.

Taama Viborg Domkirke domkirkip nittartakkakkut quppernerani allappoq.

Palasip uliguaa, uliguaavoq kusassagaq, palasip nalliuttuni nerliiviliartitsinermilu atortagaa.

”Tunissutip annertuup” palasip uliguaa sananeqarsinnaanngortippaa, domkirke allappoq.

Viborg Domsognimi ilagiit sinniisaat dronning Margrethemut, siornatigut tassani aamma biskopip uliguaanik ilusilersuisumut qinnuiginnittuupput.

Palasip uliguaa Selskabet for Kirkelig Kunstimi ikaartiterisartumik Lizzi Damgaardimik siulersorneqartumik sananeqartoq, nittartakkami allassimavoq.

- Palasip uliguaata ilusaata Viborg Domkirkemi eqqumiitsuliat kusanartut, Joakim Skovgaardimik suliarineqartut assigai, taamatullu aamma biskopip uliguaata annoraaminertaa, ilusaalu aamma, domkirke nittartakkakkut quppernermini allappoq.

Atoqqaartitsineq sapaammi ullaap tungaani naalagiarnermi pissaaq, tassanilu naalagianut 500-nut inissaqarpoq.

Dronning Margrethe atoqqaartitsinermi najuunnissaanik ilagiit sinniisaat ilisimatinneqarsimasut, nittartakkakkut quppernermi allassimavoq.

Dronning Margrethe siusinnerusukkut palasip uliguaanik oqaluffinnut arlalinnut sanasarpoq, ilaatigut Haderselv Domkirkemut Holmens Kirkemullu.

Taamattaaq Viborg Domkirkemi, Aarhus Domkirkemi Aalborg Domkirkemilu biskopit uliguaanik qalipaatigissaartunik sanaaqartoq, Kunngikkormiut nittartakkakkut qupperneranni allassimavoq.