Nina
von Staffeldt, Kalaallit Nunaannut tunngasunik pinerluttulersaarutinik
atuakkiortartoq pinerluttulersaarummik Skyggebjørnen-imik atserlugu
saqqummersitseqqippoq.
Politii Kim Hammeken palasilu Aviaq Kreutzmann
sorsunnersuup kingulliup nalaani pisimasumut akuliunneqarsimasut pillugit
oqaluttuaavoq, piffissamilu matumani nunarsuarmi politikkimut,
pissaaneqarnermut oqaluttuarisaanermullu pisunut tulluartoq.
Nina
von Staffeldt, Kalaallit Nunaannut tunngasunik pinerluttulersaarutinik
atuakkiortartoq pinerluttulersaarummik Skyggebjørnen-imik atserlugu
saqqummersitseqqippoq.
Politii Kim Hammeken palasilu Aviaq Kreutzmann
sorsunnersuup kingulliup nalaani pisimasumut akuliunneqarsimasut pillugit
oqaluttuaavoq, piffissamilu matumani nunarsuarmi politikkimut,
pissaaneqarnermut oqaluttuarisaanermullu pisunut tulluartoq.
- Trumpip
Kalaallit Nunaata pisiarinissaa pillugu 2019-imi oqalulernerani isumassarsiaq
pinngorpoq. Eqqarsaatinnullu uteqqialluni, Nina von Staffeldt AG-mut oqarpoq,
nangillunilu:
-
Atuakkiakka arfinillit maannamut saqqummersitakka tamarmik Kalaallit Nunaanni
pisimapput, 2022-milu ’Skyggebjørn’ allassuataarlugu. Unneqqarillungali
nassuerutigissavara Trumpip 2025-p aallartinnerani isumassarsiani
saqqummiuteqqimmagit ernumaammersimanera – oqaluttuarivallaarnaguli atuakkianni
pisuusaartitakka piviusumi pisunut qanittuararsuunerat oqaatigisinnaavara,
tamatumuunalu piviusumut eqqaanaqaluni. Piviusumili pinngitsumik peqarpunga!,
oqarpoq.
Atuakkiortup
inuttat nutaat allaaserileramigit suna sammineqassanersoq isikkunippoq, Nina
von Staffeldt oqaluttuarpoq. Atuakkami pisimasut ullumikkut Kujataani
aallartipput, aammali sorsunnersuup aappaaniit kapitalerpaaluit
ilanngunneqarput: Taakku Kujataani Washingtonimilu pisuupput.
- Naak
oqaluttualiaq ukiut 80-it matuma siorna aallartikkaluartoq, maannakkut
inuttaasunut marlunnut sunniuteqarpoq, oqarpoq.
“Skyggebjørn”
pinerluttulersaarutit atuakkiat nangeqattaartut siullersarigaat Ninap aamma
oqaatigisinnaavaa. Atuakkallu nanginnera allallugu aallartereerpaa.
