Ikinngutikkalu
niaqqukkut tagiartuuttarnikuuvugut. Ukioqqortunerulereeraluarlunga niaqqukkut
tagiartortinneq suli iluarisaqaara, ingammillu ulluni makkunani
pisoqarfioqisuni pisariaqartissinnaasaraluaqalugu. Niaqqukkut
tagiartortinnissara ulluni arlalinni qilanaareriillarlugu ulloq kiisami
nalliinnaqaaq.
Tupaallappungali.
Tamanna tassuugu uterfigeqqissavara. Ilorrisimaartarfimmut isiinnaqaanga.
Iserama eqqaasarpassuaqarpunga. Allaanngilaq silarsuarmut allamut isiinnarluni.
Appakaaffigisarami meeraallunga inuusuttuullungalu soorlu
cd-siniarfigisarnikuuara. Taamanikkut GRC-imik, tassa Grønlands Radio
Centerimik ateqarpoq. Immikkuullarilluinnarmammi iserlugu
nuannertuaannarnikuuvoq. Meeqqama Lulus Blomsteriusoq ilitsoqquppaat,
alutornartunik nioqqutissaateqarluni naasuerniarfiusoq.
Ikinngutikkalu
niaqqukkut tagiartuuttarnikuuvugut. Ukioqqortunerulereeraluarlunga niaqqukkut
tagiartortinneq suli iluarisaqaara, ingammillu ulluni makkunani
pisoqarfioqisuni pisariaqartissinnaasaraluaqalugu. Niaqqukkut
tagiartortinnissara ulluni arlalinni qilanaareriillarlugu ulloq kiisami
nalliinnaqaaq.
Tupaallappungali.
Tamanna tassuugu uterfigeqqissavara. Ilorrisimaartarfimmut isiinnaqaanga.
Iserama eqqaasarpassuaqarpunga. Allaanngilaq silarsuarmut allamut isiinnarluni.
Appakaaffigisarami meeraallunga inuusuttuullungalu soorlu
cd-siniarfigisarnikuuara. Taamanikkut GRC-imik, tassa Grønlands Radio
Centerimik ateqarpoq. Immikkuullarilluinnarmammi iserlugu
nuannertuaannarnikuuvoq. Meeqqama Lulus Blomsteriusoq ilitsoqquppaat,
alutornartunik nioqqutissaateqarluni naasuerniarfiusoq.
Illummi
taassuma allersaa, saniani akunnittarfeqalernikuummat naak
poorsimakannilertuusinikuugaluartoq, nuummiut akornanni suli
ilisimaarineqartoq, allamorluinnaq maanna atorpoq. Iserlugu aamma
toqqissiallannarpoq. Iigai kialaartumik qalipataammata, eqqissiallannartumik
nipilersuuteqarmat sulisullu qungujulallutik tikilluaqqusimmata iseruminarpoq,
qasuernarpoq pissatsiallannarlunilu. Isersimaninnimi taamatorpiaq misigivunga.
Tassa ilorrisimaariartorlunga tamaannarpunga, iluataqalungalumi. Imminut qanorsuaq
ilorrisimaartittoqarsinnaavoq, allaniilli taamaaliorneqarneq
nallerneqarsinnaanngilluinnarluni. Iluatannangaarmammi
amikkitsinaannangajapporluunniit.
Meena Manley nunatsinnut nuutsinnani Hong Kongimi ukiuni aqqaneq-marlunni najugaqarpoq, taassumalu ilorrisimaartarfiutini allileqqammerpaa. Siniffiit marluk aallarnissaatigai. Suliffeqarfiutaani init tassanilu sulisut maanna amerlinikuupput.
Assi: Jette Andersen
Isertunut
utaqqisarfeeraqarpoq, tassanilu utaqqisunut imermik
sassaallerfigineqartarlutik. Inersuarmut appakaaqquneqarpunga, tassaniippullu
siniffiit marluk. Siniffiup aappaa nutaaliamik quliisarfeqarpoq. Aarimmi
sunaaffa tupaallatsitaaniarlunga. Siniffiimmi marluk inersuarmiittut tamarmik
uannut atugassiaasut ilisimatippaannga, timikkummigooq siniffiup aappaani
qasukkarsimaarnartumik tagiartorterujooriarlunga aappaani qulitseriarlunga
niaqqukkut tagiartortissagama.
Eqiiallanneq
Tupaallaatigeqisannik
aatsaat taama ilorrisimaarnartigisumik niaqqukkut tagiartortinnertalimmik taama
arsunneqartigissallunga ilimagisimanngikkaluarpara. Allaammi talikka, qungasera
sakissakkalu nerumaartumik tagiartorneqarput. Taamaammat attuuaneqarnissamik
pisariaqartitsinersutit qulaani apeqqutigaara. Tagiartortinnerami
ilorrisimaarnangaarmat attuuaneqarnissamik pisariaqartitsisunut
innersuunnaqaaq, sukattooqqanerillu annikillisinneqarnerat
toqqissiallannaqaluni.
Uulia
tagiartuutigisassani tipigissaateqanngitsuusoq, tagiartuisussama Poyip
erseqqissaavigaanga. Uuliamilli tipigissaatilimmik tarngunneqarlutik
tagiartortikkusuttunut soorlu naasut isserannik akulinnik aamma
tagiartuuteqarput.
Niaqora
uulia aamma atorlugu tagiartoriarlunga – aaahhhh ilorrisimaarnartumik
uulikullaammerumasunut – siniffiup aappaanut nooqquaanga. Tassani
arlaleriarluni qulippaanga, aammali kingunerusernerai malugiitsoorpara.
Nammineq silarsuaaqqanneerujuuleruttortunga perusuersimaarujuuleruttortungalu
ilorrisimaartarfiup immikkoortuanut nutaanukaqquaanga: tassa
nujaleriffittaanukaqquaanga. Ingikkama Nukaaqqap nutsakka panersilertinnagit
sullitaminnut tamanut neqeroorutigisartakkaminnik, tassa tiimik
najooqqagasserpaannga naatitanillu tamulugassippaannga. Eqiiallannaqaarlu.
Ilaqutariinnit
immaqa ingerlateqqinneqassasoq
Meena Manley
Smile Thai Massage & Beautymik piginnittuuvoq. Taanna Thailandimiuuvoq,
nunatsinnili ukiuni kingullerni 20-ni najugaqarluni. Nunatsinnut tikikkamili
Nuummi neriniartarfiit pitsaanerpaat ilaanni ukiuni siullerni 13-ini sulivoq,
namminersortunngornissili aamma pilerigisimallugu. Taamaalilluni
tagiartuisarfimmik ammaaniarluni aalajangerpoq. Neriniartarfimmimi
ukiorpassuarni sulinikuugami tagiartortinneq timimut qanoq
iluaqutaatigisarnersoq iluarusunnartigisarnersorlu ilisimaaraa, taamaalillunilu
Smile Thai
Massage & Beauty ukiut tallimat matuma siorna pilersillugu. Coronap
tuniluutileruttorfiani aamma tamaviaarnikooqaaq.
Meenalli
tamanna anigorpaa, panialu 16-inik ukiulik Meenap nuannaarutigeqisaanik
ikiuuttalernikuulluni.
-
Suliffeqarfiutima ilaqutariinni ingerlateqqiinnarsinnaaneranik
neriuuteqalersitsivoq, Meena Manley sullitaminik tamanik pingaartitsisuusoq.
- Sullitavut
tamarmik pingaartippakka. Kikkuugaluarpataluunniit tamarmik pingaartippakka.
