Assilialiortup Buuti Pedersenip angutaa naasunik
soqutigisaqartorujussuuvoq, naasunullu asanninnini Kujataani
naggorissumi panimminut ingerlateqqillugu.
Taamaattumik Buuti Pedersenip
aqqaneq-marlunnik ukioqarluni naasoq Qaqortumi Storsøvejimi
meeraanermini angerlarsimaffimmi eqqaani nassaarisani immikkut
ittuusoq qularutiginngilaa.
Assilialiortup Buuti Pedersenip angutaa naasunik
soqutigisaqartorujussuuvoq, naasunullu asanninnini Kujataani
naggorissumi panimminut ingerlateqqillugu.
Taamaattumik Buuti Pedersenip
aqqaneq-marlunnik ukioqarluni naasoq Qaqortumi Storsøvejimi
meeraanermini angerlarsimaffimmi eqqaani nassaarisani immikkut
ittuusoq qularutiginngilaa.
Tamannalumi ilumoorpoq.
Buuti Pedersenip naasoq nassaarisaa
tassaavoq eng-nellikerod. (Naasoq latinerisut ateqarpoq Geum rivale,
kalaallisulli ateqarani).
Eng-nellikerod Europap
qiterpasissortaani aamma Europap Kitaani, matumani aamma Danmarkip
annersaa ilanngullugu, narsani ivigarissuni isugutattuni
orpippassuarnilu naasarpoq, 1960-ikkunnili Nunatsinni
nunaqarfiup Uunartip eqqaani, Ittoqqortoormiit eqqaaniittumi,
puilasut 60°-inik
kissassusillit eqqaanni taamaallaat
nassaarineqarsimalluni.
– Naasoq sumi nassaarisimanerlugu
ataatannut oqaluttuarinngisaannarpara. Nalunnginnakkumi assariarlugu
illutta eqqaanut ikkukkumaaraa, kisianni
eqqissisimatikkusulluinnarakku, Buuti Pedersen Sermitsiamut
oqaluttuarpoq.
Naasoq naqeriarlugu panertippaa,
Københavnimilu naasunut katersugaasivimmut, Botanisk Havemut,
nassiunneqarluni, Qaqortup suatungaani nassaarineqarfia nalunaarlugu.
Buuti Pedersenip ukiorpassuit
qaangiuttut Botanisk Museum pulaarmagu, naasulerisut naasoq
panertitaq nassiussimasaa takutippaat, taannami Nunatsinni
qaqutigoortuunera pissutigalugu naasunik katersugaasiviup
katersugaataanut ilanngunneqarsimammat.
Naasoq
naniuk
Nunatta Allakkeriviata ukiut sisamat ingerlaneranni
frimærkit arfineq-pingasut naasunik titartagartallit
saqqummersinniarpai, taakku Buuti Pedersenimit, 1955-imi
inunngortumit, titartarneqassapput.
- Nunatsinni naasut kusanartut
pillugit paasissutissiinissaq kissaatigigakku, aamma neriuutigigakku
asimi naasunik ujaasisarnissaq soqutigineqalissasoq, Buuti Pedersen
oqarpoq.
Frimærkit siulliit marluk saqqummersinneqaqqammerput,
siulliup titartagartaralugu oqaasaq, tulliatalu aamma Nunatta naasua
niviarsiaq titartagartaralugu.
Frimærkini naasut aqqi kalaallisut,
qallunaatut latinerisullu allassimapput, ilanngunneqarsimasarlunilu
Nunatta assinga naasup Nunatsinni siaruarsimanerannik
takussutissiisoq. Nunatsinni naasut assigiinngitsut 520-upput
naasullu Nunatta avataanit eqqussat 200-uullutik, ilarpassuili
eng-nellikerod assigalugu kalaallisut ateqartinneqanngillat.
- Naasulli ateqarnissaat
pingaaruteqarpoq, taakkumi asimi naammattuussagutsigik
ilisimasariaqaratsigik, Buuti Pedersen oqarpoq. Nunatta
Allakkerivianit Oqaasileriffik saaffigineqareerpoq, naasut
taamaalillutik frimærkini tullliuttuni kalaallisut
atsersorneqarniassammata, aamma qaqutigoortoq eng-nellikerod
ilanngullugu.
