Frankrigi Avannaalu filmiliornermi
ataatsimooqqilersut
Upernavimmi eqqaanilu franskit filmiliaannut nutaamut
apriilimi immiussisoqarpoq
»Aputip inua arnaq sapiitsoq« Upernavimmi eqqaanilu immiunneqarpoq.
Assiliisoq: Ole Olsvig
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat ilaanni allaaserisaavoq.
Allaaserisat pisartagaqartunit siunissami taamaallaat atuarneqarsinnaajumaassapput.
Atuarluarna.
Upernavik assiliisartunik, immiussinermi qullilerisunik isiginnaartitsisartunillu sapaatit akunnerini kingullerni ulikkaarpoq. Tassa franskit filmiliaat nutaaq
»Aputip inua arnaq sapiitsoq« illoqarfimmi
immiunneqarmat.
Franskit filmiliortarfiat
Envie de Tempête Productionsip Upernavimmi innuttaasunik qanimut suleqateqarluni
Avannaani filmiliornermik suliniummik
ingerlatsivoq.
Franskit 17-it Europamiit Avannaanut
angalasimapput. Tassanilu Ole Olsvig, nunaqarfimmit Naajaaneersoq, ulluinnarnili
Nuummi najugaqartoq peqataavoq. Taanna
franskisut aamma avannaamiutut oqaluttarpoq aamma manuskriptimi filmiliornermilu
nutserisutut suleqataavoq.
– Kalaallit Nunaanni, pingaartumik Avannaani, suliniutit taamaattut ingerlanneqarsinnaanerat periarfissaallunilu tatiginartuusoq takullugu nuanneqaaq, Ole Olsvig
oqarpoq. Taanna Upernavimmi sapaatipakunnerini pingasuni kingullerni filmiliornermi suleqataavoq.
– Ullaaralaamiit unnuup tungaanut sulisarpugut, taamaattumik suliassarujussuuvoq, oqaluttuarpoq.
Najugaqartut suleqataasut
Filmimi arnaq franskeq Parisimiittoq malinnaavigineqarpoq. Taanna qaammatit marluinnaat inuuffigisussanngorai paasitinneqarpoq. Toqunnginnermini Kalaallit Nunaat
misigerusuppaa, qaammatilli marluk tassanngaannaq ukiunut marlunnut sivitsorput. Tamatumalu nalaani piniartunngorpoq,
Avannaani ikinngutitaartorpoq kalaallisullu
oqalussinnaanngorluni.
– Piniartut akornanni najugaqarpoq, illoqarluni inuulluarlunilu. Filmimi nuannersorpassuit takuneqarsinnaapput, tassami
Europamiut avannaamiullu inooriaasiat
assigiinngillat, Ole Olsvig oqarpoq.
Upernavimmi nunaqarfianilu Aappilattumilu filmiliortoqarpoq, filmiliornerlu
tapersersorneqangaatsiartoq Ole Olsvig ITmik suliffeqarfimmini ulluinnarni namminersortoq oqaluttuarpoq.
– Tamarmik inussiarnisaarput suliniummullu tapersersuillutik, isiginnaartitsisartutut imaluunniit statistitut peqataapput
akissarsiaqaatigalugulu.
Filmiliornermi inuit illuinnaat attartorneqarput, puisit nannullu amii inunnit attartorneqarlutik. Aamma aalisartut qimussertartullu arlallit suleqatigineqarput, taakkua
filmiliortartut atortuilu qeqertamut filmiliorfissamut angallassinnaasimallugit.
– Inuiaqatigiit aningaasanik pissarsipput,
aamma inuit unnuisitsinermut, nerisassanut angallannermullu nunaqavissut pigisaannut iluaqutaavoq, Ole Olsvig oqarpoq.
Nanginnera
Filmiliornermik suliaqartut filmi naatsoq
»Inupiluk« 2014-imeersoq piniartut Ole
Eliassen aamma Adam Eskildsen Kullorsuarmiut pingaarnertut inuttaaffigisaat aamma
suliarinikuuaat. Filmi »Le voyage au Groenland« (Kalaallit Nunaannut angalaneq),
»Inupiluup« nanginnera aamma sanasimavaat. Filmiliornermik suliaqartoq Nicolas
Dubreuil filmiliornermik aqutsisuuvoq,
ukiorpassuarnilu Avannaanut tikeraartareerpoq.
– Taassuma inuiaqatigiit najugaqartullu
attaveqarfigilluarpai. Taassuma misilittagai attaveqaqatigisartagaalu suliniutinullu
tatiginninnera piunngitsuuppata iluatsissimanavianngikkaluarpoq, Ole Olsvig
oqarpoq. Taassuma filmiliortartut siornatigut suleqatigisareersimavai, pingaartumik
»Kalaallit Nunaannut angalanerup« immiunneqarnerani, taannalu Netfliximi isiginnaa
rneqarsinnaavoq.
Filmi »Aputip inua arnaq sapiitsoq« aappaagu saqqummersinneqassasoq naatsorsuutigineqarpoq
