Jonathan Prisen 2024 GAME Greenlandimut tunniunneqarpoq
GAME Grønland Jonathanip Nersornaasiuttagaanik ukioq manna tunineqarpoq. Inuusuttunik isumassarsisitsisumik suliniuteqarsimanertik pillugu. GAME Grønland Sisimiuni, Maniitsumi Paamiunilu aqqusinermi timersornermik, inuusuttut timikkut, inuttut tarnikkullu ineriartornissaannut periarfissiisumik, peqqinnartunik isumaqartunillu ataatsimoorfissanik pilersitsinissamik suliniuteqarpoq.
GAME Greenland - Nersornaammik tigusisut: Apollonie Kreutzmann, Qeqqata Kommuniani suliniutinik siunnersorti, Kalaallit Nunaanni Timersoqatigiit Kattuffiat suleqatigalugu. (tv) aamma Karen Motzfeldt (Jonathan Motzfeldtip aningaasaateqarfiani siulittaasoq).
Foto: Jonathan Motzfeldts Fond
Kalaallit Nunaata 2030-p tungaanut nunarsuarmi timimik aalatitsinerpaanissamut takorluukkap ilagaa GAME Greenlandip aqqusinermi timersornerit inunnullu allanut sammisassat aqqutigalugit ataatsimoortitsisarnera.
Suliniuteqarnerat pillugu peqatigiiffik maanna Jonathanip nersornaasiuttagaanik 2024-mi nersornaaserneqarpoq, Sisimiuni, Maniitsumi Paamiunilu suliniutinut 50.000 koruuninik tunineqarluni.
GAME Greenland aqqusinermi timersornermik, soorlu aqqusinermi arsaannermik, aqqusinermi qitinnermik niviarsiaqqallu timersortarnissaannut kajumissaarisumik GAME Girl Zonemik, suliaqarpoq.
- GAME'ip suliniutai ilaatigut aqqusinermi arsarnermik, aqqusinermi
qitinnermik aamma niviarsiaqqat amerlanerusut pitsaasumik ataatsimoorfinni
timersornerulernissaannik immikkut ukkataqartumik GAME Girl Zone-mik imaqarput.
Illoqarfinni nunaqarfinnilu meeqqanik inuusuttunillu katersuutsitsinissaq aamma
eqqumaffigineqartorujussuuvoq ataatsimoorlutik sammisaqarnermikkut
pimoorussinissamut, ataatsimoornernik pilersitsinissamut ineriartornissamullu
periarfissinneqarlutik Karen Motzfeldt, Johathan Motzfeldtip Aningaasaateqarfiani siulittaasoq tusagassiuutitigut nalunaarummi allappoq.
- GAME Greenlandip playmakeriilu
ataatsimoorfinnik soqutiginaatilinnik inuusuttut ineriartornerminni inuunermi
pitsaasumik alloriarnissamut sakkussaqalernissamut tapersersorneqarfigisaannik
pilersitsisinnaasimanera ataqqinaataavoq. Suliniut tamanna inuiaqatitsinnut
iluaqutaaqaaq qiimmassaataallunilu.
GAME Greenlandip isumalimmik sulinera
nalliussillugu ullormi nalliuttorsiornartumi nersornaammik
tunniussisinnaasimanerannut Qeqqata Kommunianut qujassuteqarput.
Jonathan Prisen
inuusuttut GAME-imi sulinerat, qanorlu - playmakeritut ataatsimoorfittullu -
tamanut nukittunerusumik, peqataatitsinerusumik aalanerusumillu
ulluinnaqalernissamik pilersitsinissamut nuna tamakkerlugu
isumassarsititsinerat nersorneqarpoq.
