Kunngikkormiut angalanerat aallartippoq
Kunngi Frederik, Dronningi Mary aamma qitornaat marlulissat, Prins Vincent aamma Prinsesse Josephine Aasiaat innuttaasuinut Kunngip umiarsuaanit Dannebrogimit arfininngornermi unnukkut avalannginnermi aalateripput. Marlulissat Aasiannut ualimut tikipput, kunngili nulialu Pituffimmiit Qaanaamiillu ualimut tikissimallutik.
Kunngip umiarsuaa Dannebrog Aasianniit arfininngornermi unnukkut nalunaaqutaq 20.30 aallarpoq. Arfininngornermi ualikkut unnukkullu Kunngi Frederik aamma Dronning Mary Aasiaat tikeraarpaat.
Umiarsuarmi angalaneq aallarnerlugu kunngikkormiut Aasianni innuttaasunut aalateriartorput. Aasianniit Qeqertarsuarmut, kingornalu kujammut Nuuk Qaqortoq Narsarlu aqqusaarlugit nunarput tikeraassavaat.
Umiarsuup aallalernerani kunngi Frederik, dronning Mary qitornaalu marluk, prins Vincent aamma prinsesse Josephine, umiarsuarmit innuttaasut aalateraat
Aasianni innuttaasut arlallit hurraartorput, umiarsualivimmilu nuannattorpassuupput.
Kunngikkormiut umiarsuaat Qeqertarsuarmeeriarluni kujammut Sisimiut aqqusaarlugu Nuummukassaaq, kunngikkormiut nunatsinni angalanertik naggaserlugu 6. juli Narsami Qassiarsummilu tikeraassapput.
