Kunngip umiarsuaa Nuummut tikippoq
Kunngikkormiut Kalaallit Nunaannut tikeraarnissaat qallivoq.
Kunngip umiarsuaa Dannebrog Nuup eqqaaniippoq.
Assiliisoq: Kassaaluk Kristensen
Nuummi qaqutikkut takusagaq arfininngornerup ullaap tungaani erserpoq. Kunngikkormiut umiarsuaat Dannebrog Nuup eqqaani kisarsimavoq.
Kunnginngortitsinerup kingorna Kunngip Frederiup dronningillu Maryp Kalaallit Nunaannut qanittukkut tikeraarnerminni umiarsuaq najugaqarfigissavaat.
Kunngikkormiut Kalaallit Nunaannut juunip 29-annit juulip arfernata tungaanut tikeraarnissaat pilersaarutaavoq.
Angalaneq avannaani Pituffimmi Space Basemi aallartissaaq, tamatumalu kingorna Qaanaamut ingerlaqqittoqassalluni.
Kongeskibet Dannebrog Kalaallit Nunaannut tikippoq.
Assiliisoq: Kassaaluk Kristensen
Tamatuma kingorna Aasiannukassapput, tassanilu kunngip umiarsuaanut ikissallutik. Angalaneq Kujataani naammassissaaq.
Kunngikkormiut Savalimmiunut tikeraarnissaat aamma pilersaarutaagaluarpoq, tamannali qeqertani sulisut suliumajunnaarnerat pissutigalugu taamaatiinnarneqarpoq.
Kunngikkormiut Kalaallit Nunaanni tikeraarneranni pilersaarut ima isikkoqarpoq:
- 29. juni: Pittuffik Space Base, Qaanaaq Aasiaallu.
- 30. juni: Qeqertarsuarmut tikeraarneq.
- 1. juli: Attumut tikeraarneq.
- 2. juli: Sisimiunut tikeraarneq.
- 3. juli: Pilersaaruteqanngilaq (ulloq angalavik).
- 4.-5. juli: Nuummut tikeraarneq.
- 5. juli: Narsarsuarmut Qaqortumullu tikeraarneq.
- 6. juli: Narsamut Qassiarsummullu tikeraarneq.
