Atuakkiortup Cecilie Vahlip marlunnik paneqalerami taakkua siuaasaat ilaqutaasalu oqaluttuarisaanerat pillugu paasitinnissai nalusimanngilaa. Taamaattumik Qassiarsummi peroriartornini ilaqutariillu inuunerat pillugit anaanami ajamilu oqaluttuaat eqqaamasalersaarutaallu allattortalerpai.
Oqaluttuat taakku maanna atuakkiarineqarput. ’Ortooraq I’ Qassiarsummi Café Thorhildurip silataani seqinnarissuup ataani ataasinngormat saqqummersinneqarpoq. Qassiarsuup ukiunik 100-nngortorsiorneranut atatillugu tamanna pivoq. Nunaqarfik 2020-mi 39-nik innuttaqartoq ulluinnarniit inoqarneruvoq. Cecilie Vahlip ukiut 100-nngortorsiornermut aamma Kalaallit Nunaanni savaateqarnerup oqaluttuarisaaneranut atatillugu atuakkiaasa pingajoraat.
Atuakkiortup Cecilie Vahlip marlunnik paneqalerami taakkua siuaasaat ilaqutaasalu oqaluttuarisaanerat pillugu paasitinnissai nalusimanngilaa. Taamaattumik Qassiarsummi peroriartornini ilaqutariillu inuunerat pillugit anaanami ajamilu oqaluttuaat eqqaamasalersaarutaallu allattortalerpai.
Oqaluttuat taakku maanna atuakkiarineqarput. ’Ortooraq I’ Qassiarsummi Café Thorhildurip silataani seqinnarissuup ataani ataasinngormat saqqummersinneqarpoq. Qassiarsuup ukiunik 100-nngortorsiorneranut atatillugu tamanna pivoq. Nunaqarfik 2020-mi 39-nik innuttaqartoq ulluinnarniit inoqarneruvoq. Cecilie Vahlip ukiut 100-nngortorsiornermut aamma Kalaallit Nunaanni savaateqarnerup oqaluttuarisaaneranut atatillugu atuakkiaasa pingajoraat.
Atuakkalli nalliuttorsiornermut atatillugu saqqummersinneqarnissaa siunertaasimanngilaq.
– Atuagaq naammassigakku oqiliallaatigeqaara, misigivungalu inuit tigulluaraat. Neriuppunga
atuareerunikku pissarsiaqaatigissagaat. Atuakkiornissannut atugassannik pappiararpassuarni
misissuisimavunga, atuakkiortoq Cecilie Vahl oqarpoq.
- Maanna saqqummernissaa siunertaanngikkaluarpoq. Siornali eqqarsalerpunga 100-nngortorsiornissaanut immikkoortoq siulleq angumerisinnaallugu., Cecilie Vahl 1949-mi Qassiarsummi inunngortoq ullumikkullu ilinniartitsisuulluni soraarninngorsimasoq oqarpoq.
- Atuagaq naammassigakku oqiliallaatigeqaara, misigivungalu inuit tigulluaraat. Neriuppunga atuareerunikku pissarsiaqaatigissagaat. Atuakkiornissannut atugassannik pappiararpassuarni misissuisimavunga, oqarpoq.
Ullutsinniit isiginnittaaseq
Atuakkami nutaami Ortooraq, atuakkiortup aataava Qassiarsummillu tunngaviliisoq, malinnaavigineqarpoq. Cecilie Vahlip nammineq allattukkami saniatigut allagaateqarfinni atuakkanilu nalunaaquttap-akunneri arlallit atorlugit paasissutissat eqqortut nassaariniarsimavai.
- Piffissarujussuaq atorsimavara, ilaannikkut qaammatini arlalinni paarisarpakka atuarnagit. Aamma atorfissaqartitap nassaariniarneranut piffissarujussuaq atorneqarsinnaasarpoq. Pisut ilaat aamma ilanngussinnaasimanngilakka imaluunniit nassaarinngitsoorsimallugit, Cecilie Vahl oqarpoq.
’Ortooraq I’ Kujataani 1890-imiit 1917-imut pivoq, ullutsinnilu isiginnittaaserput aallaavigalugu allanneqarnikuulluni. Atuakkami inuttaq pingaarneq Ortooraq inunngorneraniit inersimasunngorneranut malinnaavigineqarpoq. Taanna uersagaavoq, mikisuusoq arnaa toquvoq. Taamaattumillu arnami arnarsiaanit perorsagaavoq. Ortooqqap malinnaaviginerata saniatigut katisimanatik anaananngortut meeqqallu iliarsuit pillugit atuagaq sammisaqarpoq.
Ortooqqap nuliassami Tiipaaqqap pissanganartumik naapinnera aappariinnerallu atuakkami atuarneqarsinnaavoq. Ortooqqap sanasumut sulisuunera sanasunngorniarneralu atuakkami aamma sammineqarpoq. Qaqortup eqqaani misiliutigalugu savaateqarneq qanimut aamma malinnaavigineqarluni.
’Ortooraq I’ Nuummi Narsamilu atuagaarniarfinni pisiarineqarsinnaavoq.
